헬라어 문장 검색 - Αππιαν́ΤηεΞιϝί2́14́02́

(아피아노스, The Civil Wars, book 2, chapter 14 2:)

οὐ πολὺ δὲ ὕστερον, αὐτοῦ τε Σκιπίωνοσ ὀκτὼ τέλεσι πεζῶν καὶ ἱππέων δύο μυριάσιν, ὧν οἱ πολλοὶ Λίβυεσ ἦσαν, πελτασταῖσ τε πολλοῖσ καὶ ἐλέφασιν ἐσ τριάκοντα προσδοκωμένου παρέσεσθαι σὺν Ιὄβᾳ τῷ βασιλεῖ, καὶ τῷδε ἄγοντι πεζοὺσ ἄλλουσ ἀμφὶ τρισμυρίουσ καὶ ἱππέασ Νομάδασ ἐσ δισμυρίουσ καὶ ἀκοντιστὰσ πολλοὺσ καὶ ἐλέφαντασ ἑξήκοντα ἑτέρουσ, ἡ στρατιὰ τοῦ Καίσαροσ ἐδείμαινε καὶ ἐν σφίσιν αὐτοῖσ ἐθορυβοῦντο κατά τε πεῖραν ὧν ἤδη πεπόνθεσαν καὶ κατὰ δόξαν τῶν ἐπιόντων τοῦ τε πλήθουσ καὶ ἀρετῆσ, μάλιστα τῶν Νομάδων ἱππέων. ὅ τε τῶν ἐλεφάντων πόλεμοσ ἀήθησ σφίσιν ὢν ἐξέπλησσε. Βόκχου δ’ ἑτέρου Μαυρουσίων δυνάστου Κίρταν, ἣ βασίλειον ἦν Ιὄβα, καταλαβόντοσ, ὁ μὲν Ιὄβασ, ἐξαγγελθέντοσ αὐτῷ τοῦδε, ἐσ τὰ οἰκεῖα μάλιστα ἀνεζεύγνυ μετὰ τοῦ ἰδίου στρατοῦ, τριάκοντα ἐξ αὐτοῦ μόνουσ ὑπολιπὼν ἐλέφαντασ τῷ Σκιπίωνι, ἡ δὲ στρατιὰ τοῦ Καίσαροσ ἐσ τοσοῦτον ἀνεθάρρησεν, ὡσ τὸ πέμπτον τέλοσ αἰτῆσαν ἀντιταχθῆναι τοῖσ ἐλέφασι κρατῆσαι πάνυ καρτερῶσ· καὶ νῦν ἀπ’ ἐκείνου τῷδε τῷ τέλει ἐλέφαντεσ ἐσ τὰ σημεῖα ἐπίκεινται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Appian, The Civil Wars, book 2, chapter 14 2:

(아피아노스, The Civil Wars, book 2, chapter 14 2:)

상위

목록

SEARCH

MENU NAVIGATION