헬라어 문장 검색 - Αππιαν́ΤηεΞιϝί2́13́05́

(아피아노스, The Civil Wars, book 2, chapter 13 5:)

Μετὰ δὲ τοῦτο Φαρνάκησ μὲν ἀγαπῶν ἐσ τὴν ἀρχὴν Βοσπόρου, τὴν δεδομένην οἱ παρὰ Πομπηίου, συνέφυγεν· ὁ δὲ Καῖσαρ, οὐ σχολὴν ἄγων περὶ μικρὰ τρίβεσθαι τοσῶνδε πολέμων αὐτὸν περιμενόντων, ἐσ τὴν Ἀσίαν μετῆλθε καὶ παροδεύων αὐτὴν ἐχρημάτιζε ταῖσ πόλεσιν ἐνοχλουμέναισ ὑπὸ τῶν μισθουμένων τοὺσ φόρουσ, ὥσ μοι κατὰ τὴν Ἀσιανὴν συγγραφὴν δεδήλωται. πυθόμενοσ δ’ ἐν Ῥώμῃ στάσιν εἶναι καὶ Ἀντώνιον τὸν ἵππαρχον αὑτοῦ τὴν ἀγορὰν στρατιᾷ φυλάσσειν, πάντα μεθεὶσ ἐσ Ῥώμην ἠπείγετο. ὡσ δ’ ἦλθεν, ἡ μὲν στάσισ ἡ πολιτικὴ κατεπαύετο, ἑτέρα δ’ ἐπ’ αὐτὸν ἀνίστατο τοῦ στρατοῦ, ὡσ οὔτε τὰ ἐπηγγελμένα σφίσιν ἐπὶ τῷ κατὰ Φάρσαλον ἔργῳ λαβόντεσ οὔτε ἐννόμωσ ἔτι βραδύνοντεσ ἐν τῇ στρατείᾳ· ἀφεθῆναί τε πάντεσ ἐπὶ τὰ αὑτῶν ἠξίουν. ὁ δ’ ἐπηγγέλλετο μὲν αὐτοῖσ ἀόριστά τινα ἐν Φαρσάλῳ, καὶ ἕτερα ἀόριστα, ὅταν ὁ ἐν Λιβύῃ πόλεμοσ ἐκτελεσθῇ· τότε δ’ ἔπεμπεν ἄλλασ ὁρίζων ἑκάστῳ χιλίασ δραχμάσ. οἱ δὲ αὐτὸν οὐχ ὑπισχνεῖσθαι μᾶλλον ἢ αὐτίκα διδόναι πάντα ἐκέλευον· καὶ περὶ τῶνδε Σαλούστιον Κρίσπον πεμφθέντα πρὸσ αὐτοὺσ ὀλίγου καὶ διέφθειραν, εἰ μὴ διέφυγε. πυθόμενοσ δ’ ὁ Καῖσαρ τέλοσ μὲν ἄλλο στρατιωτῶν, οἳ τὴν πόλιν ἐξ Ἀντωνίου παρεφύλασσον, περιέστησε τῇ οἰκίᾳ καὶ ταῖσ τῆσ πόλεωσ ἐξόδοισ, δείσασ περὶ ἁρπαγῆσ· αὐτὸσ δέ, πάντων δεδιότων καὶ παραινούντων αὐτῷ τὴν ὁρμὴν τοῦ στρατοῦ φυλάξασθαι, μάλα θρασέωσ αὐτοῖσ ἔτι στασιάζουσιν ἐσ τὸ Ἄρειον πεδίον ἐπῆλθεν οὐ προμηνύσασ καὶ ἐπὶ βήματοσ ὤφθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Appian, The Civil Wars, book 2, chapter 13 5:

(아피아노스, The Civil Wars, book 2, chapter 13 5:)

상위

목록

SEARCH

MENU NAVIGATION