Appian, The Civil Wars, book 2, chapter 13 3:

(아피아노스, The Civil Wars, book 2, chapter 13 3:)

Ἐπεὶ δ’ ὁ στρατὸσ αὐτῷ κατέπλευσε, Ποθεινὸν μὲν καὶ Ἀχιλλᾶν ἐκόλασε θανάτῳ τῆσ ἐσ τὸν Πομπήιον παρανομίασ, Θεόδοτον δὲ διαδράντα Κάσσιοσ ὕστερον ἐκρέμασεν, εὑρὼν ἐν Ἀσίᾳ. θορυβούντων δ’ ἐπὶ τῷδε τῶν Ἀλεξανδρέων καὶ τῆσ στρατιᾶσ τῆσ βασιλικῆσ ἐπ’ αὐτὸν ἰούσησ, ἀγῶνεσ αὐτῷ ποικίλοι περὶ τὸ βασίλειον ἐγένοντο καὶ ἐν τοῖσ παρ’ αὐτὸ αἰγιαλοῖσ, ἔνθα καὶ φεύγων ἐσ τὴν θάλατταν ἐξήλατο καὶ ἐσ πολὺ ἐν τῷ βυθῷ διενήξατο· καὶ τὴν χλαμύδα αὐτοῦ λαβόντεσ οἱ Ἀλεξανδρεῖσ περὶ τρόπαιον ἐκρέμασαν. τελευταῖον δ’ ἀνὰ τὸν Νεῖλον αὐτῷ γίνεται πρὸσ τὸν βασιλέα ἀγών, ᾧ δὴ καὶ μάλιστα ἐκράτει. καὶ ἐσ ταῦτα διετρίφθησαν αὐτῷ μῆνεσ ἐννέα, μέχρι Κλεοπάτραν ἀντὶ τοῦ ἀδελφοῦ βασιλεύειν ἀπέφηνεν Αἰγύπτου. καὶ τὸν Νεῖλον ἐπὶ τετρακοσίων νεῶν, τὴν χώραν θεώμενοσ, περιέπλει μετὰ τῆσ Κλεοπάτρασ, καὶ τἆλλα ἡδόμενοσ αὐτῇ. ἀλλὰ τάδε μὲν ἕκαστα ὅπωσ ἐγένετο, ἀκριβέστερον ἡ περὶ Αἰγύπτου συγγραφὴ διέξεισι· τὴν δὲ κεφαλὴν τοῦ Πομπηίου προσφερομένην οὐχ ὑπέστη, ἀλλὰ προσέταξε ταφῆναι, καί τι αὐτῇ τέμενοσ βραχὺ πρὸ τῆσ πόλεωσ περιτεθὲν Νεμέσεωσ τέμενοσ ἐκαλεῖτο· ὅπερ ἐπ’ ἐμοῦ κατὰ Ῥωμαίων αὐτοκράτορα Τραϊανόν, ἐξολλύντα τὸ ἐν Αἰγύπτῳ Ιοὐδαίων γένοσ, ὑπὸ τῶν Ιοὐδαίων ἐσ τὰσ τοῦ πολέμου χρείασ κατηρείφθη.

일치하는 문장이 없습니다.

SEARCH

MENU NAVIGATION