헬라어 문장 검색 - Αππιαν́ΤηεΞιϝί2́13́03́

(아피아노스, The Civil Wars, book 2, chapter 13 3:)

Ἐπεὶ δ’ ὁ στρατὸσ αὐτῷ κατέπλευσε, Ποθεινὸν μὲν καὶ Ἀχιλλᾶν ἐκόλασε θανάτῳ τῆσ ἐσ τὸν Πομπήιον παρανομίασ, Θεόδοτον δὲ διαδράντα Κάσσιοσ ὕστερον ἐκρέμασεν, εὑρὼν ἐν Ἀσίᾳ. θορυβούντων δ’ ἐπὶ τῷδε τῶν Ἀλεξανδρέων καὶ τῆσ στρατιᾶσ τῆσ βασιλικῆσ ἐπ’ αὐτὸν ἰούσησ, ἀγῶνεσ αὐτῷ ποικίλοι περὶ τὸ βασίλειον ἐγένοντο καὶ ἐν τοῖσ παρ’ αὐτὸ αἰγιαλοῖσ, ἔνθα καὶ φεύγων ἐσ τὴν θάλατταν ἐξήλατο καὶ ἐσ πολὺ ἐν τῷ βυθῷ διενήξατο· καὶ τὴν χλαμύδα αὐτοῦ λαβόντεσ οἱ Ἀλεξανδρεῖσ περὶ τρόπαιον ἐκρέμασαν. τελευταῖον δ’ ἀνὰ τὸν Νεῖλον αὐτῷ γίνεται πρὸσ τὸν βασιλέα ἀγών, ᾧ δὴ καὶ μάλιστα ἐκράτει. καὶ ἐσ ταῦτα διετρίφθησαν αὐτῷ μῆνεσ ἐννέα, μέχρι Κλεοπάτραν ἀντὶ τοῦ ἀδελφοῦ βασιλεύειν ἀπέφηνεν Αἰγύπτου. καὶ τὸν Νεῖλον ἐπὶ τετρακοσίων νεῶν, τὴν χώραν θεώμενοσ, περιέπλει μετὰ τῆσ Κλεοπάτρασ, καὶ τἆλλα ἡδόμενοσ αὐτῇ. ἀλλὰ τάδε μὲν ἕκαστα ὅπωσ ἐγένετο, ἀκριβέστερον ἡ περὶ Αἰγύπτου συγγραφὴ διέξεισι· τὴν δὲ κεφαλὴν τοῦ Πομπηίου προσφερομένην οὐχ ὑπέστη, ἀλλὰ προσέταξε ταφῆναι, καί τι αὐτῇ τέμενοσ βραχὺ πρὸ τῆσ πόλεωσ περιτεθὲν Νεμέσεωσ τέμενοσ ἐκαλεῖτο· ὅπερ ἐπ’ ἐμοῦ κατὰ Ῥωμαίων αὐτοκράτορα Τραϊανόν, ἐξολλύντα τὸ ἐν Αἰγύπτῳ Ιοὐδαίων γένοσ, ὑπὸ τῶν Ιοὐδαίων ἐσ τὰσ τοῦ πολέμου χρείασ κατηρείφθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 13 3:

(아피아노스, The Civil Wars, book 2, chapter 13 3:)

상위

목록

SEARCH

MENU NAVIGATION