호흡부호 보기
강세부호 보기
장단부호 보기
작은 Iota 보기
모든 부호 보기
Διασωθεὶσ δ’ οὕτω παραδόξωσ ὁ Καῖσαρ καὶ τὸν Ἑλλήσποντον περαιωθεὶσ Ιὤσι μὲν καὶ Αἰολεῦσι καὶ ὅσα ἄλλα ἔθνη τὴν μεγάλην χερρόνησον οἰκοῦσι ̔καὶ καλοῦσιν αὐτὰ ἑνὶ ὀνόματι Ἀσίαν τὴν κάτὠ, συνεγίγνωσκε πρεσβευομένοισ ἐσ αὐτὸν καὶ παρακαλοῦσι, πυθόμενοσ δὲ Πομπήιον ἐπ’ Αἰγύπτου φέρεσθαι διέπλευσεν ἐσ Ῥόδον. καὶ οὐδ’ ἐνταῦθα τὸν στρατὸν αὑτοῦ κατὰ μέρη προσιόντα περιμείνασ ἐσ τὰσ Κασσίου καὶ Ῥοδίων τριήρεισ ἐνέβη σὺν τοῖσ παροῦσιν· οὐδενί τε ἐκφήνασ, ὅπῃ τὸν πλοῦν ποιήσεται, περὶ ἑσπέραν ἀνήγετο, ἐπαγγείλασ τοῖσ λοιποῖσ κυβερνήταισ πρὸσ τὸν λαμπτῆρα τῆσ ἑαυτοῦ νεὼσ καὶ μεθ’ ἡμέραν πρὸσ τὸ σημεῖον εὐθύνειν· τῷ δ’ αὑτοῦ κυβερνήτῃ, πολὺ τῆσ γῆσ ἀποσχών, προσέταξεν ἐσ Ἀλεξάνδρειαν φέρεσθαι. καὶ ὁ μὲν τρισὶν ἡμέραισ πελάγιοσ ἀμφὶ τὴν Ἀλεξάνδρειαν ἦν· ἐσδέχονται δ’ αὐτὸν οἱ τοῦ βασιλέωσ ἐπιτροπεύοντεσ, ἔτι τοῦ βασιλέωσ ἀμφὶ τὸ Κάσσιον ὄντοσ. καὶ πρῶτα μὲν ἀπραγμοσύνην τινὰ διὰ τὴν ὀλιγότητα τῶν συνόντων ὑπεκρίνετο φιλοφρόνωσ τε τοὺσ ἐντυγχάνοντασ ἐξεδέχετο καὶ τὴν πόλιν περιιὼν τοῦ κάλλουσ ἐθαύμαζε καὶ τῶν φιλοσόφων μετὰ τοῦ πλήθουσ ἑστὼσ ἠκροᾶτο· ὅθεν αὐτῷ χάρισ τε καὶ δόξα ἀγαθὴ ὡσ ἀπράγμονι παρὰ τοῖσ Ἀλεξανδρεῦσιν ἐφύετο.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기