Appian, The Civil Wars, book 2, chapter 10 1:

(아피아노스, The Civil Wars, book 2, chapter 10 1:)

Ὁ δὲ Πομπήιοσ τήν τε νίκην ὑπερεπαίρων ἐπέστελλε βασιλεῦσι καὶ πόλεσι πάσαισ καὶ τὸν στρατὸν αὐτίκα τὸν Καίσαροσ ἤλπιζε πρὸσ ἑαυτὸν μεταβαλεῖσθαι, λιμῷ τε πεπιεσμένον καὶ ὑπὸ τῆσ ἥττησ καταπεπληγμένον, μάλιστα δὲ τοὺσ ἡγεμόνασ αὐτοῦ, τὸ σφέτερον ἁμάρτημα φοβουμένουσ. οἱ δέ, θεοῦ σφᾶσ ἐπὶ μετάνοιαν ἄγοντοσ, τὸ ἁμάρτημα ᾐδοῦντο καὶ τοῦ Καίσαροσ αὐτοῖσ ἐπιμεμφομένου τε πράωσ καὶ συγγνώμην διδόντοσ ἔτι μᾶλλον ἠρεθίζοντο καθ’ ἑαυτῶν καὶ ἐκ παραδόξου μεταβολῆσ ἐκέλευον τῷ πατρίῳ νόμῳ διακληρώσαντα αὑτοὺσ τὸ δέκατον μέροσ ἀναιρεῖν. οὐ πειθομένου δὲ τοῦ Καίσαροσ μᾶλλον ᾐδοῦντο καὶ συνεγίνωσκον αὐτὸν οὐκ ἀξίωσ ὑπὸ σφῶν ἠδικῆσθαι καὶ τοὺσ φέροντασ τὰ σημεῖα κτείνειν ἐπεβόων, ὡσ οὐκ ἂν αὐτοί ποτε φυγόντεσ, εἰ μὴ τὰ σημεῖα προαπεστράφη. ὡσ δὲ ὁ Καῖσαρ οὐδὲ τοῦτ’ ἀνασχόμενοσ ὀλίγουσ μόλισ ἐκόλασεν, αὐτίκα πᾶσιν. αὐτοῦ πρὸσ τὴν μετριοπάθειαν ὁρμὴ τοσήδε ἐνέπιπτεν, ὡσ εὐθὺσ αὐτὸν ἄγειν ἀξιοῦν ἐπὶ τοὺσ πολεμίουσ· καὶ ἐνέκειντο σφόδρα προθύμωσ, παρακαλοῦντέσ τε καὶ ὑπισχνούμενοι διορθώσεσθαι τὸ ἁμάρτημα νίκῃ καλῇ· κατά τε σφᾶσ ἐπιστρεφόμενοι πρὸσ ἀλλήλουσ ἰλαδὸν κατὰ μέρη συνώμνυντο, ἐφορῶντοσ αὐτοῦ Καίσαροσ, μὴ ἐπανήξειν ἐκ τῆσ μάχησ, εἰ μὴ κρατοῖεν.

일치하는 문장이 없습니다.

SEARCH

MENU NAVIGATION