Appian, The Civil Wars, book 2, chapter 8 7:

(아피아노스, The Civil Wars, book 2, chapter 8 7:)

Καὶ ὁ Καῖσαρ ἁλίσασ τον ἑαυτοῦ στρατὸν ἀνέμνησεν, ὅτι διὰ τὴν ταχυεργίαν τοῦ τε χειμῶνοσ σὺν τῇ τύχῃ περιγένοιντο καὶ θαλάσσησ τοσῆσδε χωρὶσ νεῶν κρατήσειαν Ὤρικόν τε καὶ Ἀπολλωνίαν ἀμαχεὶ λάβοιεν καὶ τὰ τῶν πολεμίων ἔχοιεν, καθάπερ εἶπεν, ἀγνοοῦντοσ ἔτι Πομπηίου. "εἰ δὲ καὶ Δυρράχιον," ἔφη, "τὸ ταμιεῖον τῆσ Πομπηίου παρασκευῆσ προλάβοιμεν, ἔσται πάντα ἡμῖν, ἃ ἐκείνοισ δι’ ὅλου θέρουσ πεπονημένοισ. " τοσαῦτα εἰπὼν ἦγε συντόμωσ ἐπὶ τὸ Δυρράχιον αὐτοὺσ ὁδὸν μακράν, οὔτε ἡμέρασ οὔτε νυκτὸσ ἀναπαύων. Πομπήιοσ δὲ προμαθὼν ἀντιπαρώδευεν ἐκ Μακεδονίασ, σὺν ἐπείξει καὶ ὅδε πολλῇ, κόπτων τε τὴν ὕλην, ἣν παρώδευεν, ἵνα Καίσαρι δύσβατοσ εἰή, καὶ ποταμῶν γεφύρασ διαιρῶν καὶ ἀγορὰν τὴν ἐν μέσῳ πᾶσαν ἐμπιπράσ, ἐν μεγίστῳ, καθάπερ ἦν, καὶ ὅδε τιθέμενοσ τὴν ἑαυτοῦ παρασκευὴν διαφυλάξαι. κονιορτὸν δ’ ἢ πῦρ ἢ καπνὸν εἴ ποτε μακρόθεν ἴδοιεν αὐτῶν ἑκάτεροι, νομίζοντεσ εἶναι τὰ ἀλλήλων ἐφιλονίκουν ὡσ ἐν ἀγῶνι δρόμου. καὶ οὔτε τροφῇ καιρὸν ἐδίδοσαν οὔτε ὕπνῳ· ἔπειξισ δ’ ἦν καὶ σπουδὴ καὶ βοαὶ τῶν ἀγόντων αὐτοὺσ ὑπὸ λαμπτῆρσι, καὶ θόρυβοσ ἐκ τοῦδε πολὺσ καὶ φόβοσ, ὡσ τῶν πολεμίων αἰεὶ πλησιαζόντων. ὑπὸ δὲ καμάτου τινὲσ ἀπερρίπτουν, ἃ ἔφερον, ἢ ἐν φάραγξι διαλαθόντεσ ὑπελείποντο, τὴν αὐτίκα ἀνάπαυσιν τοῦ παρὰ τῶν ἐχθρῶν φόβου διαλλασσόμενοι.

일치하는 문장이 없습니다.

SEARCH

MENU NAVIGATION