Appian, The Civil Wars, book 2, chapter 8 1:

(아피아노스, The Civil Wars, book 2, chapter 8 1:)

Καὶ ὁ μὲν ὥδευεν οὐδὲν ἐλλείπων δυνατῆσ ἐπείξεωσ, ὁ δὲ Πομπήιοσ πάντα τὸν χρόνον τόνδε ναῦσ ἐποιεῖτο καὶ στρατὸν αἰεὶ πλείονα καὶ χρήματα συνῆγε καὶ τὰσ ἐν τῷ Ιὀνίῳ Καίσαροσ τεσσαράκοντα ναῦσ ἑλὼν ἐφύλασσεν αὐτοῦ τὸν διάπλουν τόν τε στρατὸν ἐγύμναζε, συντρέχων καὶ συνιππεύων καὶ παντὸσ ἐξάρχων πόνου παρ’ ἡλικίαν· ναύαρχοί τε πολλοὶ κατὰ μέρη, καὶ ἐπ’ αὐτοῖσ Μᾶρκοσ Βύβλοσ. ὅθεν αὐτῷ ῥᾳδίωσ εὔνοιά τε ἦν, καὶ συνέθεον ἐπὶ τὰ γυμνάσια Πομπηίου πάντεσ ὡσ ἐπὶ θέαν. ἦν δ’ ἐσ τότε Καίσαρι μὲν δέκα τέλη πεζῶν καὶ Κελτῶν ἱππέεσ μύριοι, Πομπηίῳ δὲ πέντε μὲν ἐξ Ἰταλίασ, μεθ’ ὧν τὸν Ιὄνιον διεπεπλεύκει, καὶ τούτοισ ὅσοι συνετάσσοντο ἱππέεσ, ἐκ δὲ Παρθυαίων δύο, τῶν σὺν Κράσσῳ πεπολεμηκότων τὰ ὑπόλοιπα, . . . καί τι μέροσ ἄλλο τῶν ἐσ Αἴγυπτον ἐσβαλόντων μετὰ Γαβινίου, σύμπαντα ἀνδρῶν Ἰταλῶν ἕνδεκα τέλη καὶ ἱππέεσ ἀμφὶ τοὺσ ἑπτακισχιλίουσ. σύμμαχοι δ’ ἐξ Ιὠνίασ τε καὶ Μακεδονίασ καὶ Πελοποννήσου καὶ Βοιωτίασ τοξόται τε Κρῆτεσ καὶ σφενδονῆται Θρᾷκεσ καὶ ὅσοι περὶ τὸν Πόντον βέλεσι χρῶνται, ἱππέεσ τέ τινεσ Κελτῶν καὶ ἐκ Γαλατίασ ἕτεροι τῆσ ἑῴασ Κομμαγηνοί τε ὑπ’ Ἀντιόχου πεμφθέντεσ καὶ Κίλικεσ καὶ Καππαδόκαι καὶ ἐκ τῆσ βραχυτέρασ Ἀρμενίασ τινὲσ καὶ Παμφύλιοι καὶ Πισίδαι. ὧν οὐχ ἅπασιν ἐσ μάχασ, ἀλλ’ ἐσ φρούρια καὶ ταφρείασ καὶ τὴν ἄλλην τοῦ Ἰταλικοῦ στρατοῦ χρῆσθαι διενοεῖτο, ἵνα μηδένα τῶν Ἰταλῶν τοῦ πολέμου περισπῴη. καὶ τάδε μὲν ἦν αὐτῷ τὰ πεζά, νῆεσ δὲ μακραὶ μὲν ἐντελεῖσ τοῖσ πληρώμασιν ἑξακόσιαι, καὶ τούτων ἐσ ἑκατὸν Ῥωμαίων ἐπιβατῶν, αἳ καὶ μάλιστα προύχειν ἐδόκουν, πολὺ δὲ ὁλκάδων καὶ σκευοφόρων ἄλλο πλῆθοσ.

일치하는 문장이 없습니다.

SEARCH

MENU NAVIGATION