헬라어 문장 검색 - Αππιαν́ΤηεΞιϝί2́06́05́

(아피아노스, The Civil Wars, book 2, chapter 6 5:)

Οὕτω κρατυνάμενοσ ὁ Καῖσαρ ἄβατον Πομπηίῳ γενέσθαι τὴν Ἰταλίαν ἐσ Ἰβηρίαν ᾔει, ἔνθα Πετρηίῳ καὶ Ἀφρανίῳ τοῖσ Πομπηίου στρατηγοῖσ συμβαλὼν ἧττον αὐτῶν ἐφέρετο τά γε πρῶτα, μετὰ δὲ ἀγχωμάλωσ ἀλλήλοισ ἐπολέμουν ἀμφὶ πόλιν Ἰλέρτην. καὶ στρατοπεδεύων ὁ Καῖσαρ ἐπὶ κρημνῶν ἐσιτολόγει διὰ γεφύρασ τοῦ Σικόριοσ ποταμοῦ. χειμάρρου δ’ ἄφνω τὴν γέφυραν καταβαλόντοσ, ἀνδρῶν τε πλῆθοσ ἀποληφθὲν ἐν τῇ περαίᾳ διέφθειραν οἱ περὶ τὸν Πετρήιον, καὶ ὁ Καῖσαρ αὐτὸσ ἐμόχθει μετὰ τοῦ ἄλλου στρατοῦ πάνυ καρτερῶσ ὑπό τε δυσχωρίασ καὶ ὑπὸ λιμοῦ καὶ χειμῶνοσ ἤδη καὶ πολεμίων· οὐδέν τε ἀλλ’ ἢ πολιορκίασ ἔργον ἦν, μέχρι θέρουσ ἐπελθόντοσ ὁ μὲν Ἀφράνιοσ καὶ ὁ Πετρήιοσ ἐσ τὴν ἐντὸσ Ἰβηρίαν ἐχώρουν ἕτερον στρατὸν ἀθροίσοντεσ. καὶ ὁ Καῖσαρ ἀεὶ προλαμβάνων διετάφρευε τὰσ παρόδουσ καὶ ἐκώλυεν ἐσ τὸ πρόσθεν ἰέναι καί τι καὶ μέροσ αὐτῶν, προπεμπόμενον ἐσ στρατοπέδου κατάληψιν, ἐκυκλώσατο. οἱ δὲ ἐπέθεσαν ταῖσ κεφαλαῖσ τὰσ ἀσπίδασ, ὅπερ ἐστὶ σύμβολον ἑαυτοὺσ παραδιδόντων. καὶ ὁ Καῖσαρ οὔτε συνέλαβεν οὔτε κατηκόντισεν, ἀλλὰ μεθῆκεν ἀπαθεῖσ ἐσ τοὺσ περὶ τὸν Ἀφράνιον ἀπιέναι, δημοκοπῶν ἐσ τοὺσ πολεμίουσ πανταχοῦ. ὅθεν ἐν ταῖσ στρατοπεδείαισ ἐπιμιξίαι τε εἰσ ἀλλήλουσ ἐγίγνοντο συνεχεῖσ καὶ λόγοι περὶ συμβάσεων κατὰ τὸ πλῆθοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Appian, The Civil Wars, book 2, chapter 6 5:

(아피아노스, The Civil Wars, book 2, chapter 6 5:)

상위

목록

SEARCH

MENU NAVIGATION