헬라어 문장 검색 - Αππιαν́ΤηεΞιϝί2́06́04́

(아피아노스, The Civil Wars, book 2, chapter 6 4:)

ὁ δὲ Καῖσαρ ἐσ Ῥώμην ἐπειχθεὶσ τόν τε δῆμον, ἐκ μνήμησ τῶν ἐπὶ Σύλλα καὶ Μαρίου κακῶν πεφρικότα, ἐλπίσι καὶ ὑποσχέσεσι πολλαῖσ ἀνελάμβανε καὶ τοῖσ ἐχθροῖσ ἐνσημαινόμενοσ φιλανθρωπίαν εἶπεν, ὅτι καὶ Λεύκιον Δομίτιον ἑλὼν ἀπαθῆ μεθείη μετὰ τῶν χρημάτων· τὰ δὲ κλεῖθρα τῶν δημοσίων ταμιείων ἐξέκοπτε καὶ τῶν δημάρχων ἑνὶ Μετέλλῳ κωλύοντι θάνατον ἠπείλει. τῶν τε ἀψαύστων ἐκίνει χρημάτων, ἅ φασιν ἐπὶ Κελτοῖσ πάλαι σὺν ἀρᾷ δημοσίᾳ τεθῆναι, μὴ σαλεύειν ἐσ μηδέν, εἰ μὴ Κελτικὸσ πόλεμοσ ἐπίοι. ὁ δὲ ἔφη Κελτοὺσ αὐτὸσ ἐσ τὸ ἀσφαλέστατον ἑλὼν λελυκέναι τῇ πόλει τὴν ἀράν. Λέπιδον δὲ Αἰμίλιον ἐφίστη τῇ πόλει καὶ τὸν δήμαρχον Μᾶρκον Ἀντώνιον τῇ Ἰταλίᾳ καὶ τῷ περὶ αὐτὴν στρατῷ. ἔσ τε τὰ ἔξω Κουρίωνα μὲν ἀντὶ Κάτωνοσ ἡρεῖτο ἡγεῖσθαι Σικελίασ, Κόιντον δὲ Σαρδοῦσ, καὶ ἐσ τὴν Ἰλλυρίδα Γάιον Ἀντώνιον ἔπεμπε καὶ τὴν ἐντὸσ Ἄλπεων Γαλατίαν ἐπέτρεπε Λικινίῳ Κράσσῳ. ἐκέλευσε δὲ καὶ νεῶν στόλουσ δύο γίγνεσθαι κατὰ σπουδήν, ἀμφί τε τὸν Ιὄνιον καὶ περὶ τὴν Τυρρηνίαν· καὶ ναυάρχουσ αὐτοῖσ ἔτι γιγνομένοισ ἐπέστησεν Ὁρτήσιόν τε καὶ Δολοβέλλαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 6 4:

(아피아노스, The Civil Wars, book 2, chapter 6 4:)

상위

목록

SEARCH

MENU NAVIGATION