헬라어 문장 검색 - Αππιαν́ΤηεΞιϝί2́06́02́

(아피아노스, The Civil Wars, book 2, chapter 6 2:)

Αὐτὸσ δ’ ὁ Πομπήιοσ τῶν ἀμφ’ αὑτὸν ἤδη τελῶν τὰ μὲν ἔδωκε τοῖσ ὑπάτοισ προαπάγειν ἐσ Ἤπειρον ἐκ Βρεντεσίου, καὶ διέπλευσαν οἵδε αὐτίκα ἀσφαλῶσ ἐσ Δυρράχιον· ἣν Ἐπίδαμνόν τινεσ εἶναι νομίζουσι διὰ τοιάνδε ἄγνοιαν. βασιλεὺσ τῶν τῇδε βαρβάρων, Ἐπίδαμνοσ, πόλιν ᾤκισεν ἐπὶ θαλάσσησ καὶ ἀφ’ ἑαυτοῦ προσεῖπεν Ἐπίδαμνον. τούτου θυγατριδοῦσ Δύρραχοσ, νομιζόμενοσ εἶναι Ποσειδῶνοσ, ἐπίνειον ᾤκισε τῇ πόλει καὶ Δυρράχιον ὠνόμασε. πολεμουμένῳ δ’ ὑπὸ τῶν ἀδελφῶν τῷδε τῷ Δυρράχῳ συνεμάχησεν ὁ Ἡρακλῆσ ἐπὶ μέρει τῆσ γῆσ, ἐξ Ἐρυθείασ ἐπανιών· ὅθεν οἱ Δυρράχιοι τὸν Ἡρακλέα, ὡσ μερίτην τῆσ γῆσ, οἰκιστὴν σφῶν τίθενται, οὐκ ἀρνούμενοι μὲν οὐδὲ τὸν Δύρραχον, φιλοτιμούμενοι δ’ ὑπὲρ σφῶν ἐσ τὸν Ἡρακλέα μᾶλλον ὡσ ἐσ θεόν. φασὶ δ’ ἐν τῇ μάχῃ τῇδε Δυρράχου παῖδα Ιὄνιον ὑφ’ Ἡρακλέουσ ἐξ ἀγνοίασ ἀποθανεῖν καὶ τὸν Ἡρακλέα τὸ σῶμα θάψαντα ἐμβαλεῖν ἐσ τὸ πέλαγοσ, ἵνα ἐπώνυμον αὐτοῦ γένοιτο. χρόνῳ δὲ τῆσ τε χώρασ καὶ πόλεωσ κατασχεῖν Βρίγασ ἐκ Φρυγῶν ἐπανελθόντασ καὶ Ταυλαντίουσ ἐπ’ ἐκείνοισ, Ἰλλυρικὸν ἔθνοσ, ἐπὶ δὲ τοῖσ Ταυλαντίοισ ἕτερον γένοσ Ἱλλυριῶν Λιβυρνούσ, οἳ τὰ περίοικα νηυσὶ ταχείαισ ἐληίζοντο· καὶ Λιβυρνίδασ ἐντεῦθεν ἡγοῦνται Ῥωμαῖοι τὰσ ναῦσ τὰσ ταχείασ, ὧν ἄρα πρώτων ἐσ πεῖραν ἦλθον. οἱ δ’ ἐκ τῶν Λιβυρνῶν ἐξελαθέντεσ ἀπὸ τοῦ Δυρραχίου Κερκυραίουσ ἐπαγόμενοι θαλασσοκρατοῦντασ ἐξέβαλον τοὺσ Λιβυρνούσ· καὶ αὐτοῖσ οἱ Κερκυραῖοι σφετέρουσ ἐγκατέμιξαν οἰκήτορασ, ὄθεν Ἑλληνικὸν εἶναι δοκεῖ τὸ ἐπίνειον. τὴν δ’ ἐπίκλησιν ὡσ οὐκ αἶσιον ἐναλλάξαντεσ οἱ Κερκυραῖοι καὶ τήνδε ἀπὸ τῆσ ἄνω πόλεωσ Ἐπίδαμνον ἐκάλουν, καὶ Θουκυδίδησ οὕτωσ ὠνόμαζεν· ἐκνικᾷ δ’ ὅμωσ τὸ ὄνομα, καὶ Δυρράχιον κληίζεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 6 2:

(아피아노스, The Civil Wars, book 2, chapter 6 2:)

상위

목록

SEARCH

MENU NAVIGATION