헬라어 문장 검색 - Αππιαν́ΤηεΞιϝί2́05́02́

(아피아노스, The Civil Wars, book 2, chapter 5 2:)

Ἀντωνίου δὲ καὶ Κασσίου δημαρχούντοιν μετὰ Κουρίωνα καὶ τὴν Κουρίωνοσ γνώμην ἐπαινούντοιν, ἡ βουλὴ φιλονικότερον ἔτι τὴν Πομπηίου στρατιὰν φύλακα σφῶν ἡγοῦντο εἶναι, τὴν δὲ Καίσαροσ πολεμίαν. καὶ οἱ ὕπατοι, Μάρκελλόσ τε καὶ Λέντλοσ, ἐκέλευον τοῖσ ἀμφὶ τὸν Ἀντώνιον ἐκστῆναι τοῦ συνεδρίου, μή τι καὶ δημαρχοῦντεσ ὅμωσ πάθοιεν ἀτοπώτερον. ἔνθα δὴ μέγα βοήσασ ὁ Ἀντώνιοσ ἀνά τε ἔδραμε τῆσ ἕδρασ σὺν ὀργῇ καὶ περὶ τῆσ ἀρχῆσ ἐπεθείαζεν αὐτοῖσ, ὡσ ἱερὰ καὶ ἄσυλοσ οὖσα ὑβρίζοιτο, καὶ περὶ σφῶν, ὅτι γνώμην ἐσφέροντεσ, ἣν δοκοῦσι συνοίσειν, ἐξαλαύνοιντο σὺν ὕβρει, μήτε τινὰ σφαγὴν μήτε μύσοσ ἐργασάμενοι. ταῦτα δ’ εἰπὼν ἐξέτρεχεν ὥσπερ ἔνθουσ, πολέμουσ καὶ σφαγὰσ καὶ προγραφὰσ καὶ φυγὰσ καὶ δημεύσεισ καὶ ὅσα ἄλλα αὐτοῖσ ἔμελλεν ἔσεσθαι, προθεσπίζων ἀράσ τε βαρείασ τοῖσ τούτων αἰτίοισ ἐπαρώμενοσ. συνεξέθεον δ’ αὐτῷ Κουρίων τε καὶ Κάσσιοσ· καὶ γάρ τισ ἤδη στρατὸσ ἑωρᾶτο ἐκ Πομπηίου περιιστάμενοσ τὸ βουλευτήριον. οἵδε μὲν δὴ τάχει πολλῷ πρὸσ Καίσαρα, νυκτὸσ αὐτίκα, λαθόντεσ ἐχώρουν ἐπὶ ὀχήματοσ μισθωτοῦ, θεραπόντων ἐσθῆτασ ἐνδύντεσ. καὶ αὐτοὺσ ἔτι ὧδε ἔχοντασ ὁ Καῖσαρ ἐπεδείκνυ τῷ στρατῷ καὶ ἠρέθιζε λέγων, ὅτι καὶ σφᾶσ τοσάδε ἐργασαμένουσ ἡγοῦνται πολεμίουσ καὶ τοιούσδε ἄνδρασ ὑπὲρ αὐτῶν τι φθεγξαμένουσ οὕτωσ ἐξελαύνουσιν αἰσχρῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Appian, The Civil Wars, book 2, chapter 5 2:

(아피아노스, The Civil Wars, book 2, chapter 5 2:)

상위

목록

SEARCH

MENU NAVIGATION