Appian, The Civil Wars, book 2, chapter 3 8:

(아피아노스, The Civil Wars, book 2, chapter 3 8:)

Μίλωνι δὲ θράσοσ τοσόνδε περιῆν, ὡσ οὐ δεδιέναι περὶ τῷ φόνῳ μᾶλλον ἢ ἀγανακτεῖν ἐπὶ τῇ Κλωδίου περὶ τὴν ταφὴν τιμῇ. θεραπόντων οὖν καὶ ἀνδρῶν ἀγροίκων πλῆθοσ ἀθροίσασ καὶ ἐσ τὸν δῆμον περιπέμψασ χρήματα τῶν τε δημάρχων Μᾶρκον Καίλιον πριάμενοσ ἐσ τὴν πόλιν κατῄει θρασύτατα. καὶ αὐτὸν ὁ Καίλιοσ εὐθὺσ ἐσιόντα εἷλκεν ἐσ τὴν ἀγορὰν ἐπὶ τοὺσ παρ’ αὐτοῦ δεδωροδοκηκότασ ὥσπερ ἐπ’ ἐκκλησίαν, ὑποκρινόμενοσ μὲν ἀγανακτεῖν καὶ οὐ διδόναι τῆσ δίκησ ἀναβολήν, ἐλπίζων δέ, εἰ αὐτὸν οἱ παρόντεσ μεθεῖεν, ἐκλύσειν τὴν δίκην τὴν ἀληθεστέραν. καὶ Μίλων μὲν οὐ βουλεῦσαι τὸ ἔργον εἰπών οὑ̓ γὰρ ἂν μετὰ σκευῆσ καὶ γυναικὸσ ἐπὶ ταῦτα ὁρμῆσαἰ, τὸν λοιπὸν λόγον κατὰ τοῦ Κλωδίου διετίθετο ὡσ θρασυτάτου δὴ καὶ φίλου θρασυτάτων, οἳ καὶ τὸ βουλευτήριον ἐπικατέπρησαν αὐτῷ ἔτι δ’ αὐτοῦ λέγοντοσ οἵ τε λοιποὶ δήμαρχοι καὶ τοῦ δήμου τὸ ἀδιάφθορον ὁπλισάμενοι ἐνέβαλον ἐσ τὴν ἀγοράν. Καίλιοσ μὲν δὴ καὶ Μίλων δούλων ἐσθῆτασ ὑποδύντεσ ἀπέδρασαν, πολὺσ δὲ τῶν ἄλλων ἐγίγνετο φόνοσ, οὐ τοὺσ Μίλωνοσ ἔτι φίλουσ ἐρευνώντων, ἀλλὰ τὸν ἐντυγχάνοντα ἀναιρούντων, ἀστὸν ὁμοῦ καὶ ξένον καὶ μάλιστα ὅσοι ταῖσ ἐσθῆσιν ἢ σφραγῖσιν ἀπὸ χρυσοῦ διέφερον. ὡσ γὰρ ἐν ἀσυντάκτῳ πολιτείᾳ σὺν ὀργῇ καὶ προφάσει τοῦδε τοῦ θορύβου προσπεσόντοσ θεράποντέσ τε ὄντεσ οἵ πλείουσ καὶ ὡπλισμένοι κατὰ ἀνόπλων ἐσ ἁρπαγὰσ ἐτράποντο· ἔργον τε οὐδὲν αὐτοῖσ ἀπῆν, ἀλλὰ καὶ ἐπ’ οἰκίασ ἐφέροντο καὶ περιιόντεσ ἠρεύνων ἔργῳ μὲν τὰ εὔληπτα σφίσιν ἅπαντα, λόγῳ δὲ τοὺσ φίλουσ τοῦ Μίλωνοσ· πρόφασίσ τε ἦν αὐτοῖσ ἐπὶ πολλὰσ ἡμέρασ καὶ πυρὸσ καὶ λίθων καὶ παντὸσ ἔργου Μίλων.

일치하는 문장이 없습니다.

SEARCH

MENU NAVIGATION