Appian, The Civil Wars, book 2, chapter 2 1:

(아피아노스, The Civil Wars, book 2, chapter 2 1:)

Ὁ δὲ Καῖσαρ στρατηγὸσ ἐσ Ἰβηρίαν αἱρεθεὶσ ἐπὶ μέν τι πρὸσ τῶν χρήστων διεκρατεῖτο ἐν Ῥώμῃ, πολὺ πλέονα τῆσ περιουσίασ ὀφλὼν διὰ τὰσ φιλοτιμίασ· ὅτε φασὶν αὐτὸν εἰπεῖν, ὅτι δέοιτο δισχιλίων καὶ πεντακοσίων μυριάδων, ἵνα ἔχοι μηδέν· διαθέμενοσ δὲ τοὺσ ἐνοχλοῦντασ, ὡσ ἐδύνατο, καὶ τῆσ Ἰβηρίασ ἐπιβὰσ χρηματίζειν μὲν ταῖσ πόλεσιν ἢ διαιτᾶν δίκασ ἢ ὅσα ὁμοιότροπα τούτοισ, ἅπαντα ὑπερεῖδεν ὡσ οὐδὲν οἷσ ἐπενόει χρήσιμα, στρατιὰν δὲ ἀγείρασ ἐπετίθετο τοῖσ ἔτι λοιποῖσ Ἰβήρων ἀνὰ μέροσ, μέχρι τὴν Ἰβηρίαν ἐσ τὸ ὁλόκληρον ἀπέφηνε Ῥωμαίοισ ὑποτελῆ, καὶ χρήματα πολλὰ ἐσ Ῥώμην ἔπεμψεν ἐσ τὸ κοινὸν ταμιεῖον. ἐφ’ οἷσ ἡ μὲν βουλὴ θριαμβεῦσαι παρέσχεν αὐτῷ, ὁ δὲ τῆσ πομπῆσ τὴν παρασκευὴν ἐσ τὸ λαμπρότατον ἐν τοῖσ τῆσ Ῥώμησ προαστείοισ διεκόσμει, ἐν αἷσ ἡμέραισ ὑπατείασ ἦσαν παραγγελίαι, καὶ ἔδει τὸν παραγγέλλοντα παρεῖναι, ἐσελθόντι δὲ οὐκ ἦν ἔτι ἐπὶ τὸν θρίαμβον ἐπανελθεῖν. ὁ δὲ καὶ τῆσ ἀρχῆσ ἐσ πολλὰ τυχεῖν ἐπειγόμενοσ καὶ τὴν πομπὴν οὐχ ἕτοιμον ἔχων ἐσέπεμπε τῇ βουλῇ δεόμενοσ ἐπιτρέψαι οἱ τὴν παραγγελίαν ἀπόντι ποιήσασθαι διὰ τῶν φίλων, εἰδὼσ μὲν παράνομον, γεγονὸσ δὲ ἤδη καὶ ἑτέροισ. Κάτωνοσ δ’ ἀντιλέγοντοσ αὐτῷ καὶ τὴν ἡμέραν τελευταίαν οὖσαν τῶν παραγγελιῶν ἀναλοῦντοσ ἐπὶ τοῖσ λόγοισ, ἐσέδραμεν ὁ Καῖσαρ ὑπεριδὼν τοῦ θριάμβου καὶ παραγγείλασ ἐσ τὴν ἀρχὴν ἀνέμενε τὴν χειροτονίαν.

일치하는 문장이 없습니다.

SEARCH

MENU NAVIGATION