헬라어 문장 검색 - Αππιαν́ΤηεΞιϝί2́01́

(아피아노스, The Civil Wars, book 2, chapter 1)

Μετὰ δὲ τὴν Σύλλα μοναρχίαν καὶ ὅσα ἐπ’ αὐτῇ Σερτώριόσ τε καὶ Περπέννασ περὶ Ἰβηρίαν ἔδρασαν, ἕτερα ἐμφύλια Ῥωμαίοισ τοιάδε ἐγίγνετο, μέχρι Γάιοσ Καῖσαρ καὶ Πομπήιοσ Μάγνοσ ἀλλήλοισ ἐπολέμησαν καὶ Πομπήιον μὲν καθεῖλεν ὁ Καῖσαρ, Καίσαρα δ’ ἐν τῷ βουλευτηρίῳ τινὲσ ὡσ βασιλιζόμενον κατέκανον. ταῦτα δὲ ὅπωσ ἐγένετο καὶ ὅπωσ ἀνῃρέθησαν ὅ τε Πομπήιοσ καὶ ὁ Γάιοσ, ἡ δευτέρα τῶν ἐμφυλίων ἥδε δηλοῖ. Ὁ μὲν δὴ Πομπήιοσ ἄρτι τὴν θάλασσαν καθήρασ ἀπὸ τῶν ληστηρίων τότε μάλιστα πανταχοῦ πλεονασάντων Μιθριδάτην ἐπὶ τοῖσ λῃσταῖσ καθῃρήκει, Πόντου βασιλέα, καὶ τὴν ἀρχὴν αὐτοῦ καὶ ὅσα ἄλλα ἔθνη προσέλαβεν ἀμφὶ τὴν ἑώ, διετάσσετο· ὁ δὲ Καῖσαρ ἦν ἔτι νέοσ, δεινὸσ εἰπεῖν τε καὶ πρᾶξαι, τολμῆσαί τε ἐσ πάντα καὶ ἐλπίσαι περὶ ἁπάντων, ἐσ δὲ δὴ φιλοτιμίαν ἀφειδὴσ ὑπὲρ δύναμιν, ὡσ ἀγορανομῶν ἔτι καὶ στρατηγῶν εἶναι κατάχρεωσ καὶ τῷ πλήθει δαιμονίωσ ὑπεραρέσκειν, τῶν δήμων αἰεὶ τοὺσ δαψιλεῖσ ἐπαινούντων. Γάιοσ δὲ Κατιλίνασ, μεγέθει τε δόξησ καὶ γένουσ λαμπρότητι περιώνυμοσ, ἔμπληκτοσ ἀνήρ, δόξασ ποτὲ καὶ υἱὸν ἀνελεῖν δι’ Αὐρηλίασ Ὀρεστίλλησ ἔρωτα, οὐχ ὑφισταμένησ τῆσ Ὀρεστίλλησ παῖδα ἔχοντι γήμασθαι, Σύλλα φίλοσ τε καὶ στασιώτησ καὶ ζηλωτὴσ μάλιστα γεγονώσ, ἐκ δὲ φιλοτιμίασ καὶ ὅδε ἐσ πενίαν ὑπενηνεγμένοσ καὶ θεραπευόμενοσ ἔτι πρὸσ δυνατῶν ἀνδρῶν τε καὶ γυναικῶν, ἐσ ὑπατείαν παρήγγελλεν ὡσ τῇδε παροδεύσων ἐσ τυραννίδα.

πάγχυ δ’ ἐλπίσασ αἱρεθήσεσθαι διὰ τὴν ὑποψίαν τήνδε ἀπεκρούσθη, καὶ Κικέρων μὲν ἦρχεν ἀντ’ αὐτοῦ, ἀνὴρ ἥδιστοσ εἰπεῖν τε καὶ ῥητορεῦσαι, Κατιλίνασ δ’ αὐτὸν ἐσ ὕβριν τῶν ἑλομένων ἐπέσκωπτεν, ἐσ μὲν ἀγνωσίαν γένουσ καινὸν ὀνομάζων ̔καλοῦσι δ’ οὕτω τοὺσ ἀφ’ ἑαυτῶν, ἀλλ’ οὐ τῶν προγόνων γνωρίμουσ̓, ἐσ δ’ ξενίαν τῆσ πόλεωσ ἰγκουιλῖνον, ᾧ ῥήματι καλοῦσι τοὺσ ἐνοικοῦντασ ἐν ἀλλοτρίαισ οἰκίαισ. αὐτὸσ δὲ πολιτείαν μὲν ὅλωσ ἔτι ἀπεστρέφετο ἐκ τοῦδε, ὡσ οὐδὲν μοναρχίαν ταχὺ καὶ μέγα φέρουσαν, ἀλλ’ ἔριδοσ καὶ φθόνου μεστήν· χρήματα δ’ ἀγείρων πολλὰ παρὰ πολλῶν γυναικῶν, αἳ τοὺσ ἄνδρασ ἤλπιζον ἐν τῇ ἐπαναστάσει διαφθερεῖν, συνώμνυτό τισιν ἀπὸ τῆσ βουλῆσ καὶ τῶν καλουμένων ἱππέων, συνῆγε δὲ καὶ δημότασ καὶ ξένουσ καὶ θεράποντασ. καὶ πάντων ἡγεμόνεσ ἦσαν αὐτῷ Κορνήλιοσ Λέντλοσ καὶ Κέθηγοσ, οἳ τότε τῆσ πόλεωσ ἐστρατήγουν. ἀνά τε τὴν Ἰταλίαν περιέπεμπεν ἐσ τῶν Συλλείων τοὺσ τὰ κέρδη τῆσ τότε βίασ ἀναλωκότασ καὶ ὀρεγομένουσ ἔργων ὁμοίων, ἐσ μὲν Φαισούλασ τῆσ Τυρρηνίασ Γάιον Μάλλιον, ἐσ δὲ τῆν Πικηνίτιδα καὶ τὴν Ἀπουλίαν ἑτέρουσ, οἳ στρατὸν αὐτῷ συνέλεγον ἀφανῶσ. Καὶ τάδε πάντα ἔτι ἀγνοούμενα Φουλβία γύναιον οὐκ ἀφανὲσ ἐμήνυε τῷ Κικέρωνι·

ἧσ ἐρῶν Κόιντοσ Κούριοσ, ἀνὴρ δι’ ὀνείδη πολλὰ τῆσ βουλῆσ ἀπεωσμένοσ καὶ τῆσδε τῆσ Κατιλίνα συνθήκησ ἠξιωμένοσ, κούφωσ μάλα καὶ φιλοτίμωσ ἐξέφερεν οἱᾶ πρὸσ ἐρωμένην, ὡσ αὐτίκα δυναστεύσων. ἤδη δὲ καὶ περὶ τῶν ἐν τῇ Ἰταλίᾳ γιγνομένων λόγοσ ἐφοίτα. καὶ ὁ Κικέρων τήν τε πόλιν ἐκ διαστημάτων φρουραῖσ διελάμβανε καὶ τῶν ἐπιφανῶν ἐξέπεμπε πολλοὺσ ἐσ πάντα τὰ ὕποπτα τοῖσ γιγνομένοισ ἐφεδρεύειν. Κατιλίνασ δ’, οὐδενὸσ μέν πω θαρροῦντοσ αὐτοῦ λαβέσθαι διὰ τὴν ἔτι τοῦ ἀκριβοῦσ ἀγνωσίαν, δεδιὼσ δὲ ὅμωσ καὶ τὸ χρόνιον ἡγούμενοσ ὕποπτον, ἐν δὲ τῷ τάχει τὴν ἐλπίδα τιθέμενοσ, τά τε χρήματα προύπεμπεν ἐσ Φαισούλασ καὶ τοῖσ συνωμόταισ ἐντειλάμενοσ κτεῖναι Κικέρωνα καὶ τὴν πόλιν ἐκ διαστημάτων πολλῶν νυκτὸσ ἐμπρῆσαι μιᾶσ ἐξῄει πρὸσ Γάιον Μάλλιον ὡσ αὐτίκα στρατὸν ἄλλον ἀθροίσων καὶ ἐσ τὸν ἐμπρησμὸν τῆσ πόλεωσ ἐπιδραμούμενοσ. ὁ μὲν δὴ ῥάβδουσ τε καὶ πελέκεασ ὥσ τισ ἀνθύπατοσ κούφωσ μάλα ἀνέσχε πρὸ ἑαυτοῦ καὶ ἐσ τὸν Μάλλιον ἐχώρει στρατολογῶν· Λέντλῳ δὲ καὶ τοῖσ συνωμόταισ ἔδοξεν, ὅτε Κατιλίναν ἐν Φαισούλαισ πυνθάνοιντο γεγενῆσθαι, Λέντλον μὲν αὐτὸν καὶ Κέθηγον ἐφεδρεῦσαι ταῖσ Κικέρωνοσ θύραισ περὶ ἑώ μετὰ κεκρυμμένων ξιφιδίων, ἐσδεχθέντασ τε διὰ τὴν ἀξίωσιν καὶ λαλοῦντασ ὁτιδὴ μηκῦναι τὴν ὁμιλίαν ἐν περιπάτῳ καὶ κτεῖναι περισπάσαντασ ἀπὸ τῶν ἄλλων, Λεύκιον δὲ Βηστίαν τὸν δήμαρχον ἐκκλησίαν εὐθὺσ ὑπὸ κήρυξι συνάγειν καὶ κατηγορεῖν τοῦ Κικέρωνοσ ὡσ ἀεὶ δειλοῦ καὶ πολεμοποιοῦ καὶ τὴν πόλιν ἐν οὐδενὶ δεινῷ διαταράττοντοσ, ἐπὶ δὲ τῇ Βηστίου δημηγορίᾳ, νυκτὸσ αὐτίκα τῆσ ἐπιούσησ, ἑτέρουσ ἐν δυώδεκα τόποισ ἐμπιπράναι τὴν πόλιν καὶ διαρπάζειν καὶ κατακτείνειν τοὺσ ἀρίστουσ. Ὧδε μὲν Λέντλῳ καὶ Κεθήγῳ καὶ Στατιλίῳ καὶ Κασσίῳ, τοῖσ ἄρχουσι τῆσ ἐπαναστάσεωσ, ἐδέδοκτο, καὶ τὸν καιρὸν ἐπετήρουν·

Ἀλλοβρίγων δὲ πρέσβεισ, αἰτιώμενοι τοὺσ ἡγουμένουσ αὑτῶν, . . . ἐσ τὴν Λέντλου συνωμοσίαν ἐπήχθησαν ὡσ ἀναστήσοντεσ ἐπὶ Ῥωμαίουσ τὴν Γαλατίαν. καὶ Λέντλοσ μὲν αὐτοῖσ συνέπεμπεν ἐσ Κατιλίναν Βουλτούρκιον, ἄνδρα Κροτωνιάτην, γράμματα χωρὶσ ὀνομάτων γεγραμμένα φέροντα· οἱ δ’ Ἀλλόβριγεσ ἐνδοιάσαντεσ ἐκοινώσαντο Φαβίῳ Σάγγᾳ, ὃσ ἦν τῶν Ἀλλοβρίγων προστάτησ, ὥσπερ ἁπάσαισ πόλεσιν ἔστι τισ ἐν Ῥώμῃ προστάτησ. παρὰ δὲ τοῦ Σάγγα μαθὼν ὁ Κικέρων συνέλαβεν ἀπιόντασ τοὺσ Ἀλλόβριγάσ τε καὶ Βουλτούρκιον καὶ ἐσ τὴν βουλὴν εὐθέωσ ἐπήγαγεν· οἱ δ’ ὡμολόγουν, ὅσα τοῖσ ἀμφὶ τὸν Λέντλον συνῄδεσαν, ἀχθέντασ τε ἤλεγχον, ὡσ ὁ Κορνήλιοσ Λέντλοσ εἴποι πολλάκισ εἱμάρθαι τρεῖσ Κορνηλίουσ γενέσθαι Ῥωμαίων μονάρχουσ, ὧν ἤδη Κίνναν καὶ Σύλλαν γεγονέναι. Λεχθέντων δὲ τούτων ἡ μὲν βουλὴ Λέντλον παρέλυσε τῆσ ἀρχῆσ, ὁ δὲ Κικέρων ἕκαστον ἐσ τὰσ οἰκίασ τῶν στρατηγῶν διαθεὶσ ἐπανῆλθεν αὐτίκα καὶ ψῆφον περὶ αὐτῶν ἐδίδου.

θόρυβοσ δ’ ἦν ἀμφὶ τὸ βουλευτήριον, ἀγνοουμένου ἔτι τοῦ ἀκριβοῦσ, καὶ δέοσ τῶν συνεγνωκότων. αὐτοῦ δὲ Λέντλου καὶ Κεθήγου θεράποντέσ τε καὶ ἐξελεύθεροι, χειροτέχνασ πολλοὺσ προσλαβόντεσ, κατ’ ὀπισθίασ ὁδοὺσ περιῄεσαν ἐπὶ τὰσ τῶν στρατηγῶν οἰκίασ ὡσ τοὺσ δεσπότασ ἐξαρπασόμενοι. ὧν ὁ Κικέρων πυθόμενοσ ἐξέδραμεν ἐκ τοῦ βουλευτηρίου καὶ διαθεὶσ ἐσ τὰ ἐπίκαιρα φύλακασ ἐπανῆλθε καὶ τὴν γνώμην ἐπετάχυνε. Σιλανὸσ μὲν δὴ πρῶτοσ ἔλεγεν, ὃσ ἐσ τὸ μέλλον ᾕρητο ὑπατεύειν· ὧδε γὰρ Ῥωμαίοισ ὁ μέλλων ὑπατεύσειν πρῶτοσ ἐσφέρει γνώμην, ὡσ αὐτόσ, οἶμαι, πολλὰ τῶν κυρουμένων ἐργασόμενοσ καὶ ἐκ τοῦδε εὐβουλότερόν τε καὶ εὐλαβέστερον ἐνθυμησόμενοσ περὶ ἑκάστου. ἀξιοῦντι δὲ τῷ Σιλανῷ τοὺσ ἄνδρασ ἐσχάτῃ κολάσει μετιέναι πολλοὶ συνετίθεντο, ἑώσ, ἐπὶ Νέρωνα τῆσ γνώμησ περιιούσησ, ὁ Νέρων ἐδικαίου φυλάττειν αὐτούσ, μέχρι Κατιλίναν ἐξέλωσι πολέμῳ καὶ τὰ ἀκριβέστατα μάθωσι, Γάιόσ τε Καῖσαρ οὐ καθαρεύων μὲν ὑπονοίασ μὴ συνεγνωκέναι τοῖσ ἀνδράσι, Κικέρωνοσ δ’ οὐ θαρροῦντοσ καὶ τόνδε, ὑπεραρέσκοντα τῷ δήμῳ, ἐσ τὸν ἀγῶνα προβαλέσθαι, προσετίθει διαθέσθαι τοὺσ ἄνδρασ Κικέρωνα τῆσ Ἰταλίασ ἐν πόλεσιν αἷσ ἂν αὐτὸσ δοκιμάσῃ, μέχρι Κατιλίνα καταπολεμηθέντοσ ἐσ δικαστήριον ὑπαχθῶσι, καὶ μηδὲν ἀνήκεστον ἐσ ἄνδρασ ἐπιφανεῖσ ᾖ πρὸ λόγου καὶ δίκησ ἐξειργασμένοσ. δικαίου δὲ τῆσ γνώμησ φανείσησ καὶ δεχθείσησ, ἀκρατῶσ οἱ πολλοὶ μετετίθεντο, μέχρι Κάτων ἤδη σαφῶσ ἀνακαλύπτων τὴν ἐσ τὸν Καίσαρα ὑποψίαν καὶ ὁ Κικέρων δεδιὼσ ἀμφὶ τῇ νυκτὶ προσιούσῃ, μὴ τὸ συνεγνωκὸσ τοῖσ ἀνδράσι πλῆθοσ αἰωρούμενον ἔτι κατ’ ἀγορὰν καὶ δεδιὸσ περί τε σφῶν αὐτῶν καὶ περὶ ἐκείνων ἐργάσηταί τι ἄτοπον, ἔπεισαν ὡσ αὐτοφώρων ἄνευ κρίσεωσ καταγνῶναι.

καὶ εὐθὺσ ἐκ τῶν οἰκιῶν, ἔτι τῆσ βουλῆσ συνεστώσησ, ἕκαστον αὐτῶν ὁ Κικέρων ἐσ τὸ δεσμωτήριον μεταγαγών, τοῦ πλήθουσ ἀγνοοῦντοσ, ἐπεῖδεν ἀποθνῄσκοντασ καὶ τοῖσ ἐν ἀγορᾷ παροδεύων ἐσήμηνεν, ὅτι τεθνᾶσιν. οἱ δὲ διελύοντο πεφρικότεσ τε καὶ περὶ σφῶν ἀγαπῶντεσ ὡσ διαλαθόντεσ. Οὕτω μὲν ἡ πόλισ ἀνέπνευσεν ἀπὸ τοῦ δέουσ πολλοῦ σφίσιν ἐκείνησ τῆσ ἡμέρασ ἐπιστάντοσ· Κατιλίναν δὲ ἐσ δισμυρίουσ τε ἀγείραντα καὶ τούτων τεταρτημόριον ὁπλίσαντα ἤδη καὶ ἐσ Γαλατίαν ἐπὶ ἄλλην παρασκευὴν ἀπιόντα Ἀντώνιοσ ὁ ἕτεροσ ὕπατοσ ὑπ’ Ἀλπείοισ καταλαβών, οὐ δυσχερῶσ ἐκράτησεν ἀνδρὸσ ἐμπλήκτωσ ἀλλόκοτον ἔργον ἐπὶ νοῦν λαβόντοσ τε καὶ ἐσ πεῖραν ἔτι ἐμπληκτότερον ἀπαρασκεύωσ προαγαγόντοσ.

οὐ μὴν ὅ γε Κατιλίνασ οὐδ’ ἄλλοσ οὐδεὶσ τῶν συνόντων ἐπιφανῶν φυγεῖν ἠξίωσεν, ἀλλ ἐσδραμόντεσ ἐσ τοὺσ πολεμίουσ ἀπώλοντο. Ὧδε μὲν ἡ Κατιλίνα ἐπανάστασισ, παρ’ ὀλίγον ἐσ ἔσχατον ἐλθοῦσα κινδύνου τῇ πόλει, διελύετο. καὶ ὁ Κικέρων, ἅπασιν ἐπὶ λόγου δυνάμει μόνῃ γνώριμοσ ὤν, τότε καὶ ἐπὶ ἔργῳ διὰ στόματοσ ἦν καὶ σωτὴρ ἐδόκει περιφανῶσ ἀπολλυμένῃ τῇ πατρίδι γενέσθαι, χάριτέσ τε ἦσαν αὐτῷ παρὰ τὴν ἐκκλησίαν καὶ εὐφημίαι ποικίλαι. Κάτωνοσ δ’ αὐτὸν καὶ πατέρα τῆσ πατρίδοσ προσαγορεύσαντοσ ἐπεβόησεν ὁ δῆμοσ. καὶ δοκεῖ τισιν ἥδε ἡ εὐφημία ἀπὸ Κικέρωνοσ ἀρξαμένη περιελθεῖν ἐσ τῶν νῦν αὐτοκρατόρων τοὺσ φαινομένουσ ἀξίουσ· οὐδὲ γὰρ τοῖσδε, καίπερ οὖσι βασιλεῦσιν, εὐθὺσ ἀπ’ ἀρχῆσ ἅμα ταῖσ ἄλλαισ ἐπωνυμίαισ, ἀλλὰ σὺν χρόνῳ μόλισ ἥδε, ὡσ ἐντελὴσ ἐπὶ μεγίστοισ δὴ μαρτυρία, ψηφίζεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 1

(아피아노스, The Civil Wars, book 2, chapter 1)

상위

목록

SEARCH

MENU NAVIGATION