헬라어 문장 검색 - Πλυταρ́Αρταχερ́28́

(플루타르코스, Artaxerxes, chapter 28)

πῦρ οὖν ἐπὶ πῦρ ἐγένετο τῷ νεανίσκῳ προσκείμενοσ ὁ Τηρίβαζοσ ἀεὶ καὶ λέγων ὡσ οὐδὲν ὀνίνησιν ἡ κίταρισ ἑστῶσα περὶ τῇ κεφαλῇ τοὺσ ὑφ’ αὑτῶν μὴ ζητοῦντασ ὀρθοῦσθαι τοῖσ πράγμασι, κἀκεῖνον ἀβέλτερα φρονεῖν, εἰ, τοῦ μὲν ἀδελφοῦ διὰ τῆσ γυναικωνίτιδοσ ἐνδυομένου τοῖσ πράγμασι, τοῦ δὲ πατρὸσ οὕτωσ ἔμπληκτον ἦθοσ καὶ ἀβέβαιον ἔχοντοσ, οἰέται βέβαιον αὐτῷ τὴν διαδοχὴν ὑπάρχειν. ὁ γὰρ Ἑλληνικοῦ χάριν γυναίου τὸν ἄψευστον ἐν Πέρσαισ ψευσάμενοσ νόμον οὐ δή που πιστόσ ἐστι τὰσ περὶ τῶν μεγίστων ὁμολογίασ ἐμπεδώσειν.

οὐ ταὐτὸ δ’ εἶναι τὸ μὴ τυχεῖν Ὤχῳ κἀκείνῳ τὸ στέρεσθαι τῆσ βασιλείασ· Ὦχον μὲν γὰρ οὐδένα κωλύσειν ἰδιώτην βιοῦν μακαρίωσ, ἐκείνῳ δ’ ἀποδεδειγμένῳ βασιλεῖ βασιλεύειν ἀνάγκην ἢ μηδὲ ζῆν εἶναι. καθόλου μὲν οὖν ἴσωσ, τὸ Σοφόκλειον, ταχεῖα πειθὼ τῶν κακῶν ὁδοιπορεῖ·

λεία γάρ τισ ἡ πορεία καὶ κατάντησ ἐπὶ τὸ βουλόμενον. βούλονται δὲ οἱ πλεῖστοι τὰ φαῦλα δι’ ἀπειρίαν τῶν καλῶν καὶ ἄγνοιαν· οὐ μὴν ἀλλὰ τὸ μέγεθοσ τὸ τῆσ ἀρχῆσ καὶ τὸ πρὸσ τὸν Ὦχον τοῦ Δαρείου δέοσ ὑπόθεσιν τῷ Τηριβάζῳ παρεῖχε· Κυπρογένεια δ’ οὐ πάμπαν ἀναίτιοσ, ἡ τῆσ Ἀσπασίασ ἀφαίρεσισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 28

(플루타르코스, Artaxerxes, chapter 28)

상위

목록

SEARCH

MENU NAVIGATION