Plutarch, Artaxerxes, chapter 13

(플루타르코스, Artaxerxes, chapter 13)

ἐν δὲ τούτῳ προσήλαυνον οἱ τριάκοντα λαμπροὶ καί περιχαρεῖσ, ἀναγγέλλοντεσ αὐτῷ τὴν ἀνέλπιστον εὐτυχίαν. ἤδη δὲ καί πλήθει τῶν συντρεχόντων πάλιν πρὸσ αὐτὸν καί συνισταμένων ἐθάρρει, καί κατέβαινεν ἀπὸ τοῦ λόφου φωτὶ πολλῷ περιλαμπόμενοσ. ὡσ δὲ ἐπέστη τῷ νεκρῷ, καὶ κατὰ δή τινα νόμον Περσῶν ἡ δεξιὰ χεὶρ ἀπεκόπη καί ἡ κεφαλὴ τοῦ σώματοσ, ἐκέλευσε τὴν κεφαλὴν αὑτῷ κομισθῆναι καί τῆσ κόμησ δραξάμενοσ οὔσησ βαθείασ καί λασίασ ἐπεδείκνυε τοῖσ ἀμφιδοξοῦσιν ἔτι καί φεύγουσιν.

οἱ δὲ ἐθαύμαζον καί προσεκύνουν, ὥστε ταχὺ μυριάδασ ἑπτὰ περὶ αὐτὸν γενέσθαι καί συνεισελάσαι πάλιν εἰσ τὸ στρατόπεδον. ἐξεληλάκει δέ, ὡσ ὁ Κτησίασ φησίν, ἐπὶ τὴν μάχην τεσσαράκοντα μυριάσιν·

οἱ δὲ περὶ Δείνωνα καὶ Ξενοφῶντα πολὺ πλείονασ γενέσθαι λέγουσι τὰσ μεμαχημένασ. ἀριθμὸν δὲ νεκρῶν ὁ Κτησίασ ἐνακισχιλίουσ ἀνενεχθῆναί φησι πρὸσ τὸν Ἀρτοξέρξην, αὐτῷ δὲ δισμυρίων οὐκ ἐλάττουσ φανῆναι τοὺσ κειμένουσ, ταῦτα μὲν οὖν ἔχει διαμφισβήτησιν· ἐκεῖνο δὲ τοῦ Κτησίου λαμπρὸν ἤδη ψεῦσμα, τὸ πεμφθῆναι φάναι πρὸσ τοὺσ Ἕλληνασ αὐτὸν μετὰ Φαλίνου τοῦ Ζακυνθίου καί τινων ἄλλων. ὁ γὰρ Ξενοφῶν ἠπίστατο συνδιατρίβοντα βασιλεῖ Κτησίαν·

μέμνηται γὰρ ι αὐτοῦ καί τοῖσ βιβλίοισ τούτοισ ἐντετυχηκὼσ δῆλόσ ἐστιν οὐκ ἂν οὖν ἐλθόντα καί λόγων τοσούτων ἑρμηνέα γενόμενον παρῆκεν ἀνώνυμον, Φαλῖνον δὲ τὸν Ζακύνθιον ὠνόμαζεν. ἀλλὰ δαιμονίωσ ὁ Κτησίασ, ὡσ ἐοίκε, φιλότιμοσ ὢν καί οὐχ ἧττον φιλολάκων καί φιλοκλέαρχοσ ἀεί τινασ ἐν τῇ διηγήσει χώρασ ἑαυτῷ δίδωσιν, ἐν αἷσ γενόμενοσ πολλὰ καί καλὰ μεμνήσεται Κλεάρχου καί τῆσ Λακεδαίμονοσ.

일치하는 문장이 없습니다.

SEARCH

MENU NAVIGATION