헬라어 문장 검색 - Πλυταρ́Αρταχερ́23́

(플루타르코스, Artaxerxes, chapter 23)

ὁ δὲ Ἀρτοξέρξησ ἓν ἀντὶ πάντων ὧν ἐλύπει τοὺσ Ἕλληνασ εὔφραινε, Τισαφέρνην τὸν ἔχθιστον αὐτοῖσ καὶ δυσμενέστατον ἀποκτείνασ. ἀπέκτεινε δὲ ταῖσ διαβολαῖσ αὐτοῦ τῆσ Παρυσάτιδοσ συνεπιθεμένησ. οὐ γὰρ ἐνέμεινε τῇ ὀργῇ πολὺν χρόνον ὁ βασιλεύσ, ἀλλὰ διηλλάγη τῇ μητρὶ καὶ μετεπέμψατο, νοῦν μὲν ὁρῶν ἔχουσαν καὶ φρόνημα βασιλείασ ἄξιον, αἰτίασ δὲ μηδεμιᾶσ οὔσησ ἐμποδὼν ἔτι δι’ ἣν ὑπόψονται συνόντεσ ἀλλήλοισ ἢ λυπήσουσιν. ὡσ οὖν ὑπώπτευσεν ἡ Παρύσατισ, τὴν παῖδα μᾶλλον ἢ πρότερον ἠσπάζετο, καὶ πρὸσ τὸν Ἀρτοξέρξην ἐπῄνει τό τε κάλλοσ αὐτῆσ καὶ τὸ ἦθοσ, ὡσ βασιλικῆσ καὶ μεγαλοπρεποῦσ.

τέλοσ οὖν γῆμαι τὴν κόρην ἔπεισε καὶ γνησίαν ἀποδεῖξαι γυναῖκα, χαίρειν ἐάσαντα δόξασ Ἑλλήνων καὶ νόμουσ, Πέρσαισ δὲ νόμον αὐτὸν ὑπὸ τοῦ θεοῦ καὶ δικαιωτὴν αἰσχρῶν καὶ καλῶν ἀποδεδειγμένον. ἔνιοι μέντοι λέγουσιν, ὧν ἐστι καὶ Ἡρακλείδησ ὁ Κυμαῖοσ, οὐ μίαν μόνον τῶν θυγατέρων, ἀλλὰ καὶ δευτέραν, Ἄμηστριν, γῆμαι τὸν Ἀρτοξέρξην, περὶ ἧσ ὀλίγον ὕστερον ἀπαγγελοῦμεν.

εὐχόμενοσ δὲ περὶ αὐτῆσ τῇ Ἥρᾳ προσκυνῆσαι μόνην θεῶν ἐκείνην, ταῖσ χερσὶ τῆσ γῆσ ἁψάμενοσ, δῶρά τε τῇ θεῷ τοσαῦτα πέμψαι τοὺσ σατράπασ καὶ φίλουσ αὐτοῦ κελεύσαντοσ ὥστε τὰ μεταξὺ τοῦ ἱεροῦ καὶ τῶν βασιλείων ἑκκαίδεκα στάδια χρυσοῦ καὶ ἀργύρου καὶ πορφύρασ καὶ ἵππων ἐμπλησθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 23

(플루타르코스, Artaxerxes, chapter 23)

상위

목록

SEARCH

MENU NAVIGATION