헬라어 문장 검색 - Πλυταρ́Αρταχερ́18́

(플루타르코스, Artaxerxes, chapter 18)

ἐπεὶ δὲ Κλέαρχον καὶ τοὺσ ἄλλουσ στρατηγοὺσ Τισαφέρνησ ἐξηπάτησε καὶ παρεσπόνδησεν ὁρ́κων γενομένων καὶ συλλαβὼν ἀνέπεμψεν ἐν πέδαισ δεδεμένουσ, δεηθῆναί φησιν αὐτοῦ τὸν Κλέαρχον ὁ Κτησίασ ὅπωσ κτενὸσ εὐπορήσειε. τυχόντα δὲ καὶ τημελήσαντα τὴν κεφαλήν ἡσθῆναί τε τῇ χρείᾳ καὶ τὸν δακτύλιον αὐτῷ δοῦναι, σύμβολον φιλίασ πρὸσ τοὺσ ἐν Λακεδαίμονι συγγενεῖσ καὶ οἰκείουσ· εἶναι δὲ γλυφὴν ἐν τῇ σφραγῖδι Καρυάτιδασ ὀρχουμένασ. τὰ δὲ πεμπόμενα σιτία τῷ Κλεάρχῳ τοὺσ συνδεδεμένουσ στρατιώτασ ἀφαιρεῖσθαι καὶ καταναλίσκειν, ὀλίγα τῷ Κλεάρχῳ διδόντασ ἀπ’ αὐτῶν, ἰάσασθαι δὲ καὶ τοῦτό φησιν ὁ Κτησίασ, πλείονα τῷ Κλεάρχῳ πέμπεσθαι διαπραξάμενοσ, ἰδίᾳ, δὲ ἕτερα τοῖσ στρατιώταισ δίδοσθαι·

καὶ ταῦτα μὲν ὑπουργῆσαι καὶ παρασχεῖν χάριτι καὶ γνώμῃ τῆσ Παρυσάτιδοσ. πεμπομένου δὲ καθ’ ἡμέραν τῷ Κλεάρχῳ κωλῆνοσ ἐπὶ τοῖσ σιτίοισ, παρακαλεῖν αὐτὸν καὶ διδάσκειν ὡσ χρὴ μικρὸν εἰσ τὸ κρέασ ἐμβαλόντα μαχαίριον ἀποκρύψαντα πέμψαι καὶ μὴ περιιδεῖν ἐν τῇ βασιλέωσ ὠμότητι τὸ τέλοσ αὐτοῦ γενόμενον·

αὐτὸσ δὲ φοβούμενοσ μὴ ἐθελῆσαι, βασιλέα δὲ τῇ μὲν μητρὶ παραιτουμένῃ μὴ κτεῖναι τὸν Κλέαρχον ὁμολογῆσαι καὶ ὀμόσαι· πεισθέντα δὲ αὖθισ ὑπὸ τῆσ Στατείρασ ἀποκτεῖναι πάντασ πλὴν Μένωνοσ. ἐκ δὲ τούτου τὴν Παρύσατιν ἐπιβουλεῦσαι τῇ Στατείρᾳ καὶ συσκευάσασθαι τὴν φαρμακείαν κατ’ αὐτῆσ, οὐκ εἰκότα λέγων, ἀλλὰ πολλὴν ἀλογίαν ἔχοντα τῆσ αἰτίασ, εἰ δεινὸν ἔργον οὕτωσ ἔδρασε καὶ παρεκινδύνευσεν ἡ Παρύσατισ διὰ Κλέαρχον, ἀνελεῖν τολμήσασα τὴν γνησίαν βασιλέωσ γυναῖκα καὶ τέκνων κοινωνὸν ἐπὶ βασιλείᾳ τρεφομένων, ἀλλὰ ταῦτα μὲν οὐκ ἄδηλον ὡσ ἐπιτραγῳδεῖται τῇ Κλεάρχου μνήμῃ, καὶ γὰρ ἀναιρεθέντων φησὶ τῶν στρατηγῶν τοὺσ μὲν ἄλλουσ ὑπὸ κυνῶν σπαράττεσθαι καὶ ὀρνέων, τῷ δὲ Κλεάρχου νεκρῷ θύελλαν ἀνέμου γῆσ θῖνα πολλὴν φέρουσαν ἐπιχῶσαι καὶ ἐπικρύψαι τὸ σῶμα·

φοινίκων δέ τινων διασπαρέντων ὀλίγῳ χρόνῳ θαυμαστὸν ἄλσοσ ἀναφῦναι καὶ κατασκιάσαι τὸν τόπον, ὥστε καὶ βασιλεῖ σφόδρα μεταμέλειν, ὡσ ἄνδρα θεοῖσ φίλον ἀνῃρηκότι τὸν Κλέαρχον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 18

(플루타르코스, Artaxerxes, chapter 18)

상위

목록

SEARCH

MENU NAVIGATION