Plutarch, Artaxerxes, chapter 8

(플루타르코스, Artaxerxes, chapter 8)

τὴν δὲ μάχην ἐκείνην πολλῶν μὲν ἀπηγγελκότων, Ξενοφῶντοσ δὲ μονονουχὶ δεικνύοντοσ ὄψει, καὶ τοῖσ πράγμασιν, ὡσ οὐ γεγενημένοισ, ἀλλὰ γινομένοισ, ἐφιστάντοσ ἀεὶ τὸν ἀκροατὴν ἐμπαθῆ καὶ συγκινδυνεύοντα διὰ Τὴν ἐνάργειαν, οὐκ ἔστι νοῦν ἔχοντοσ ἐπεξηγεῖσθαι, πλὴν ὅσα τῶν ἀξίων λόγου παρῆλθεν εἰπεῖν ἐκεῖνον. ὁ μὲν οὖν τόποσ, ἐν ᾧ παρετάξαντο, Κούναξα καλεῖται καὶ Βαβυλῶνοσ ἀπέχει σταδίουσ πεντακοσίουσ.

"τί λέγεισ, ὦ Κλέαρχε ; "σὺ κελεύεισ με τὸν βασιλείασ ὀρεγόμενον ἀνάξιον εἶναι βασιλείασ ; ἁμαρτόντοσ δὲ Κύρου μέγα τῷ δῦναι προπετῶσ εἰσ μέσα τὰ δεινὰ καὶ μὴ φυλάξασθαι τὸν κίνδυνον, οὐχ ἧττον ἥμαρτεν, εἰ μὴ καὶ μᾶλλον, Κλέαρχοσ ἀντιτάξαι κατὰ τὸν βασιλέα μὴ θελήσασ τοὺσ Ἕλληνασ, ἀλλὰ προσμίξασ τῷ ποταμῷ τὸ δεξιόν, ὡσ μὴ κυκλωθείη.

τὴν γὰρ ἀσφάλειαν ἐξ ἅπαντοσ διώκοντα καὶ πλεῖστον λόγον ἔχοντα τοῦ μηδὲν παθεῖν οἴκοι μένειν ἦν κράτιστον. ὁ δὲ μυρίουσ σταδίουσ ἀπὸ θαλάσσησ ἐν ὅπλοισ ἀναβεβηκώσ μηδενὸσ ἀναγκάζοντοσ, ἀλλ’ ὅπωσ Κῦρον εἰσ τὸν θρόνον καθίσῃ τὸν βασίλειον, εἶτα περισκοπῶν χώραν καὶ τάξιν, οὐκ ἀφ’ ἧσ σώσειε τὸν ἡγεμόνα καὶ μισθοδότην, ἀλλ’ ἐν τίνι θέμενοσ ἑαυτὸν ἀσφαλῶσ μαχεῖται καθ’ ἡσυχίαν, ὅμοιοσ ἦν ὑπὸ δέουσ τῶν παρόντων ἐκβεβληκότι τοὺσ περὶ τῶν ὅλων λογισμοὺσ καὶ προιεμένῳ τὴν τῆσ στρατείασ ὑπόθεσιν.

ὅτι γὰρ οὐδεὶσ ἂν ὑπέμεινε τῶν τεταγμένων περὶ βασιλέα τοὺσ Ἕλληνασ ἐμπεσόντασ, ὠσθέντων δ’ ἐκείνων καὶ βασιλέωσ φυγόντοσ ἢ πεσόντοσ ὑπῆρχε Κύρῳ νικῶντι σῴζεσθαι καὶ βασιλεύειν, ἐκ τῶν πεπραγμένων δῆλόν ἐστι.

διὸ Τὴν Κλεάρχου μᾶλλον εὐλάβειαν ἢ τὸ τὸν Κύρου θράσοσ αἰτιατέον ὡσ τὰ πράγματα καὶ Κῦρον ἀπολέσασαν. εἰ γὰρ αὐτὸσ ἐσκόπει βασιλεύσ ὅπου τάξασ τοὺσ Ἕλληνασ ἀβλαβεστάτοισ χρήσεται πολεμίοισ, οὐκ ἂν ἑτέραν ἐξεῦρεν ἢ Τὴν ἀπωτάτω χώραν ἑαυτοῦ καὶ τῶν περὶ ἑαυτόν, ἀφ’ ἧσ οὔτε νικηθεὶσ αὐτὸσ ᾔσθετο καὶ Κῦροσ ἔφθη κατακοπεὶσ ἢ χρησάμενόσ τι τῇ Κλεάρχου νίκῃ.

καίτοι Κῦροσ τὸ συμφέρον οὐκ ἠγνόησεν, ἀλλ’ ἐκεῖ Κλέαρχον ἐκέλευε τάττεσθαι κατὰ μέσον, ὁ δ’ αὑτῷ μέλειν εἰπὼν ὅπωσ ἕξει κάλλιστα, τὸ πᾶν διέφθειρεν.

일치하는 문장이 없습니다.

SEARCH

MENU NAVIGATION