헬라어 문장 검색 - Πλυταρ́Αρταχερ́24́

(플루타르코스, Artaxerxes, chapter 24)

πόλεμον δὲ πρὸσ μὲν Αἰγυπτίουσ διὰ Φαρναβάζου καὶ Ἰφικράτουσ ἐξενεγκὼν ἀπέτυχε, στασιασάντων ἐκείνων· ἐπὶ δὲ Καδουσίουσ αὐτὸσ ἐστράτευσε τριάκοντα μυριάσι πεζῶν καὶ μυρίοισ ἱππεῦσιν. ἐμβαλὼν δὲ εἰσ χώραν τραχύτητι χαλεπὴν καὶ ὁμιχλώδη καὶ τῶν ἀπὸ σπόρου καρπῶν ἄγονον, ἀπίοισ δὲ καὶ μήλοισ καὶ τοιούτοισ ἄλλοισ ἀκροδρύοισ τρέφουσαν ἀνθρώπουσ πολεμικοὺσ καὶ θυμοειδεῖσ, ἔλαθε μεγάλαισ ἀπορίαισ καὶ κινδύνοισ περιπεσών. οὐδὲν γὰρ ἐδώδιμον ἦν λαμβάνειν οὐδὲ ἔξωθεν ἐπεισάγεσθαι, τὰ δὲ ὑποζύγια μόνον κατέκοπτον, ὥστε ὄνου κεφαλὴν μόλισ δραχμῶν ἑξήκοντα ὤνιον εἶναι.

τὸ δὲ βασιλικὸν δεῖπνον ἐξελείφθη· καὶ τῶν ἵππων ὀλίγοι περιῆσαν ἔτι, τοὺσ δὲ ἄλλουσ ἐσθίοντεσ κατανηλώκεσαν. ἐνταῦθα Τηρίβαζοσ, ἀνὴρ πολλάκισ μὲν ἐν πρώτῃ δι’ ἀνδραγαθίαν τάξει γενόμενοσ, πολλάκισ δὲ ἀπορριφεὶσ διὰ κουφότητα καὶ τότε ταπεινὰ πράττων καὶ περιορώμενοσ, ἔσωσε βασιλέα καὶ τὸν στρατόν. ὄντων γὰρ δυεῖν ἐν τοῖσ Καδουσίοισ βασιλέων, ἑκατέρου δὲ χωρὶσ στρατοπεδεύοντοσ, ἐντυχὼν τῷ Ἀρτοξέρξῃ καὶ φράσασ περὶ ὧν διενοεῖτο πράττειν, ἐβάδιζεν αὐτὸσ πρὸσ τὸν ἕτερον τῶν Καδουσίων, καὶ πρὸσ τὸν ἕτερον κρύφα τὸν υἱὸν ἔπεμπεν.

ἐξηπάτα δὲ ἑκάτερον ἑκάτεροσ, λέγων ὡσ ἅτεροσ ἐπιπρεσβεύεται πρὸσ τὸν Ἀρτοξέρξην φιλίαν μόνῳ πράττων ἑαυτῷ καὶ συμμαχίαν· οὐκοῦν, εἰ σωφρονεῖ, χρῆναι πρότερον ἐντυγχάνειν ἐκείνῳ, αὐτὸν δὲ συμπράξειν ἅπαντα. τούτοισ ἐπείσθησαν ἀμφότεροι, καὶ φθάνειν ἀλλήλουσ νομίζοντεσ ὁ μὲν τῷ Τηριβάζῳ συνέπεμψε πρέσβεισ, ὁ δὲ τῷ παιδὶ τοῦ Τηριβάζου.

διατριβῆσ δὲ γενομένησ ὑποψίαι καὶ διαβολαὶ κατὰ τοῦ Τηριβάζου τῷ Ἀρτοξέρξῃ προσέπιπτον αὐτὸσ δὲ δυσθύμωσ εἶχε καὶ μετενόει πιστεύσασ τῷ Τηριβάζῳ, καὶ τοῖσ φθονοῦσιν ἐγκαλεῖν παρεῖχεν. ἐπεὶ δὲ ἧκεν ὁ Τηρίβαζοσ, ἧκε δὲ καὶ ὁ υἱὸσ αὐτοῦ τοὺσ Καδουσίουσ ἄγοντεσ, ἐγένοντο δὲ σπονδαὶ πρὸσ ἀμφοτέρουσ καὶ εἰρήνη, μέγασ ὢν ὁ Τηρίβαζοσ ἤδη καὶ λαμπρὸσ ἀνεζεύγνυε μετὰ τοῦ βασιλέωσ, ἐπιδεικνυμένου πᾶσαν τήν δειλίαν καὶ τήν μαλακίαν οὐ τρυφῆσ καὶ πολυτελείασ, ὥσπερ οἱ πολλοὶ νομίζουσιν, ἔκγονον οὖσαν, ἀλλὰ μοχθηρᾶσ φύσεωσ καὶ ἀγεννοῦσ καὶ δόξαισ πονηραῖσ ἑπομένησ, οὔτε γὰρ χρυσὸσ οὔτε κάνδυσ οὔτε ὁ τῶν μυρίων καὶ δισχιλίων ταλάντων περικείμενοσ ἀεὶ τῷ βασιλέωσ σώματι κόσμοσ ἐκεῖνον ἀπεκώλυε πονεῖν καὶ ταλαιπωρεῖν, ὥσπερ οἱ τυχόντεσ, ἀλλὰ τήν τε φαρέτραν ἐνημμένοσ καὶ τήν πέλτην φέρων αὐτὸσ ἐβάδιζε πρῶτοσ ὁδοὺσ ὀρεινὰσ καὶ προσάντεισ, ἀπολιπὼν τὸν ἵππον, ὥστε τοὺσ ἄλλουσ πτεροῦσθαι καὶ συνεπικουφίζεσθαι τήν ἐκείνου προθυμίαν καὶ ῥώμην ὁρῶντασ·

καὶ γὰρ διακοσίων καὶ πλειόνων σταδίων κατήνυεν ἡμέρασ ἑκάστησ πορείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 24

(플루타르코스, Artaxerxes, chapter 24)

상위

목록

SEARCH

MENU NAVIGATION