Plutarch, Artaxerxes, chapter 3

(플루타르코스, Artaxerxes, chapter 3)

ὀλίγῳ δ’ ὕστερον ἢ τελευτῆσαι Δαρεῖον ἐξήλασεν εἰσ Πασαργάδασ ὁ βασιλεύσ, ὅπωσ τελεσθείη τὴν βασιλικὴν τελετὴν ὑπὸ τῶν ἐν Πέρσαισ ἱερέων, ἔστι δὲ θεᾶσ πολεμικῆσ ἱερόν, ἣν Ἀθηνᾶν ἂν τισ εἰκάσειεν. εἰσ τοῦτο δεῖ τὸν τελούμενον παρελθόντα τὴν μὲν ἰδίαν ἀποθέσθαι στολήν, ἀναλαβεῖν δὲ ἣν Κῦροσ ὁ παλαιὸσ ἐφόρει πρὶν ἢ βασιλεὺσ γενέσθαι, καὶ σύκων παλάθησ ἐμφαγόντα τερμίνθου κατατραγεῖν καὶ ποτήριον ἐκπιεῖν ὀξυγάλακτοσ.

ἄδηλόν ἐστι τοῖσ ἄλλοισ, ταῦτα δρᾶν Ἀρτοξέρξου μέλλοντοσ ἀφίκετο Τισαφέρνησ πρὸσ αὐτόν ἄγων ἕνα τῶν ἱερέων, ὃσ ἐν παισὶ Κύρου τῆσ νομιζομένησ ἀγωγῆσ ἐπιστάτησ γενόμενοσ καὶ διδάξασ μαγεύειν αὐτόν οὐδενὸσ ἧττον ἐδόκει Περσῶν ἀνιᾶσθαι μὴ ἀποδειχθέντοσ ἐκείνου βασιλέωσ διὸ καὶ πίστιν ἔσχε κατηγορῶν Κύρου.

μέλλοντα δὲ αὐτόν ἤδη ἀποθνῄσκειν ἡ μήτηρ περισχοῦσα ταῖσ ἀγκάλαισ καὶ τοῖσ βοστρύχοισ περιελίξασα καὶ συλλαβοῦσα τὸν ἐκείνου τράχηλον πρὸσ τὸν αὑτῆσ, ὀδυρομένη πολλὰ καὶ ποτνιωμένη παρῃτήσατο καὶ κατέπεμψεν αὖθισ ἐπὶ θάλατταν, οὐκ ἀγαπῶντα τὴν ἀρχὴν ἐκείνην, οὐδὲ μεμνημένον τῆσ διέσεωσ, ἀλλὰ τῆσ συλλήψεωσ, καὶ δι’ ὀργὴν σπαργῶντα μᾶλλον ἢ πρότερον ἐπὶ τὴν βασιλείαν.

일치하는 문장이 없습니다.

SEARCH

MENU NAVIGATION