헬라어 문장 검색 - Πλυταρ́Αρταχερ́07́

(플루타르코스, Artaxerxes, chapter 7)

Κύρῳ δὲ προσιόντι φῆμαι καὶ λόγοι προσέπιπτον, ὡσ οὐ μάχεσθαι βασιλέωσ εὐθὺσ ἐγνωκότοσ οὐδὲ συνδραμεῖν εἰσ χεῖρασ αὐτῷ σπεύδοντοσ, ἀλλ’ ἐν Πέρσαισ ὑπομένειν ἄχρι ἂν αἱ δυνάμεισ ἐκεῖ πανταχόθεν συνέλθωσι. καὶ γὰρ τάφρον εὖροσ ὀργυιῶν δέκα καὶ βάθοσ ἴσων ἐπὶ σταδίουσ διὰ τοῦ πεδίου τετρακοσίουσ ἐνέβαλε· καὶ ταύτησ τε περιεῖδε τὸν Κῦρον ἐντὸσ παρελθόντα καὶ Βαβυλῶνοσ αὐτῆσ οὐ μακρὰν γενόμενον. Τηριβάζου δέ, ὥσ φασι, πρώτου τολμήσαντοσ εἰπεῖν ὡσ οὐ δεῖ φυγομαχεῖν οὐδὲ Μηδίασ ἐκστάντα καὶ Βαβυλῶνοσ ἅμα καὶ Σούσων ἐνδύεσθαι τῇ Περσίδι, πολλαπλασίαν μὲν ἔχοντα δύναμιν τῶν πολεμίων, μυρίουσ δὲ σατράπασ καὶ στρατηγούσ Κύρου καὶ φρονεῖν καὶ μάχεσθαι βελτίονασ, ὡρ́μησε διαγωνίσασθαι τὴν ταχίστην, καὶ τὸ μὲν πρῶτον ἐξαίφνησ καταφανεὶσ ἐνενήκοντα μυριάσι στρατοῦ διακεκοσμημέναισ λαμπρῶσ, τοὺσ πολεμίουσ ἀσυντάκτουσ καὶ ἀνόπλουσ διὰ τὸ θαρρεῖν καὶ καταφρονεῖν ὁδοιποροῦντασ ἐξέπληξε καὶ συνετάραξεν, ὥστε σὺν θορύβῳ καὶ βοῇ πολλῇ μόλισ εἰσ τάξιν καθίστασθαι τὸν Κῦρον·

ἔπειτα σιγῇ καὶ σχέδην ἐπάγων θαῦμα τοῖσ Ἕλλησι τῆσ εὐταξίασ παρεῖχε, κραυγὰσ ἀτάκτουσ καὶ σκιρτήματα καὶ πολὺν τάραχον αὐτῶν καὶ διασπασμὸν ἐν πλήθει τοσούτῳ προσδεχομένοισ.

εὖ δὲ καὶ κατὰ τοὺσ Ἕλληνασ ἀντέταξε τῶν δρεπανηφόρων τὰ ῥωμαλεώτατα πρὸ τῆσ ἑαυτοῦ φάλαγγοσ, ὡσ πρὶν ἐν χερσὶ γενέσθαι διακόψοντα τὰσ τάξεισ βίᾳ τῆσ εἰσελάσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 7

(플루타르코스, Artaxerxes, chapter 7)

상위

목록

SEARCH

MENU NAVIGATION