헬라어 문장 검색 - Πλυταρ́Αρταχερ́06́

(플루타르코스, Artaxerxes, chapter 6)

τὸν μέντοι Κῦρον οἱ νεωτερισταὶ καὶ πολυπράγμονεσ ὡσ λαμπρὸν ἄνδρα τῇ ψυχῇ καὶ πολεμικὸν διαφερόντωσ καὶ φιλέταιρον ᾤοντο τὰ πράγματα ποθεῖν, καὶ τὸ μέγεθοσ τῆσ ἡγεμονίασ βασιλέωσ δεῖσθαι φρόνημα καὶ φιλοτιμίαν ἔχοντοσ. οὐχ ἧττον οὖν τοῖσ ἄνω πιστεύων ὁ Κῦροσ ἢ τοῖσ περὶ αὑτόν ἐπεχείρει τῷ πολέμῳ·

καὶ Λακεδαιμονίοισ ἔγραφε παρακαλῶν βοηθεῖν καὶ συνεκπέμπειν ἄνδρασ, οἷσ ἔφη δώσειν, ἂν μὲν πεζοὶ παρῶσιν, ἵππουσ, ἂν δὲ ἱππεῖσ, συνωρίδασ· ἐὰν δ’ ἀγροὺσ ἔχωσι, κώμασ· ἐὰν δὲ κώμασ, πόλεισ· μισθοῦ δὲ τοῖσ στρατευομένοισ οὐκ ἀριθμόν, ἀλλὰ μέτρον ἔσεσθαι. μεγαληγορῶν δὲ περὶ αὑτοῦ πολλά καὶ καρδίαν ἔφη τοῦ ἀδελφοῦ φορεῖν βαρυτέραν καὶ φιλοσοφεῖν μᾶλλον καὶ μαγεύειν βέλτιον, οἶνον δὲ πλείονα πίνειν καὶ φέρειν ἐκεῖνον δὲ ὑπὸ δειλίασ καὶ μαλακίασ ἐν μὲν τοῖσ κυνηγεσίοισ μηδὲ ἐφ’ ἵππου, ἐν δὲ τοῖσ κινδύνοισ μηδὲ ἐπὶ τοῦ θρόνου καθῆσθαι.

Λακεδαιμόνιοι μὲν οὖν σκυτάλην πρὸσ Κλέαρχον ἀπέστειλαν ὑπηρετεῖν Κύρῳ πάντα κελεύοντεσ. ὁ δὲ Κῦροσ ἀνέβαινεν ἐπὶ βασιλέα βαρβαρικήν τε πολλὴν ἔχων δύναμιν καὶ μισθοφόρουσ Ἕλληνασ ὀλίγῳ τρισχιλίων καὶ μυρίων ἀποδέοντασ, ἄλλασ ἐπ’ ἄλλαισ ποιούμενοσ προφάσεισ τῆσ στρατείασ.

οὐ μὴν ἔλαθέ γε εἰσ πολὺν χρόνον, ἀλλ’ ἧκε βασιλεῖ Τισαφέρνησ αὐτάγγελοσ· καὶ πολὺσ θόρυβοσ εἶχε τὰ βασίλεια, τῆσ τε Παρυσάτιδοσ τὴν πλείστην αἰτίαν τοῦ πολέμου φερομένησ, καὶ τῶν φίλων αὐτῆσ ἐν ὑποψίαισ ὄντων καὶ διαβολαῖσ. "ποῦ νῦν αἱ πίστεισ ἐκεῖναι ;

"ποῦ δὲ αἱ δεήσεισ, αἷσ ἐξελομένη τὸν ἐπιβουλεύσαντα τῷ ἀδελφῷ πολέμου καὶ κακῶν ἐμπέπληκασ ἡμᾶσ ; ἐκ δὴ τούτων μισοῦσα τὴν Στάτειραν ἡ Παρύσατισ, καὶ φύσει βαρύθυμοσ οὖσα καὶ βάρβαροσ ἐν ὀργαῖσ καὶ μνησικακίαισ, ἐπεβούλευεν αὐτὴν ἀνελεῖν. ἐπεὶ δὲ Δείνων μὲν ἐν τῷ πολέμῳ συντελεσθῆναι τὴν ἐπιβουλὴν εἴρηκε, Κτησίασ δὲ ὕστερον, ὃν οὔτε ἀγνοεῖν τὸν χρόνον εἰκόσ ἐστι παρόντα ταῖσ πράξεσιν, οὔτε ἑκὼν αἰτίαν εἶχεν ἐκ τοῦ χρόνου μεταστῆσαι τὸ ἔργον, ὡσ ἐπράχθη διηγούμενοσ, οἱᾶ πάσχει πολλάκισ ὁ λόγοσ αὐτοῦ πρὸσ τὸ μυθῶδεσ καὶ δραματικὸν ἐκτρεπόμενοσ τῆσ ἀληθείασ, τοῦτο μὲν ἣν ἐκεῖνοσ ἀπέδωκε χώραν ἕξει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 6

(플루타르코스, Artaxerxes, chapter 6)

상위

목록

SEARCH

MENU NAVIGATION