헬라어 문장 검색 - ΕπιξτέΩορκσ́05́20́

(에픽테토스, Works, book 3, Ὅτι ἀπὸ πάντων τῶν ἐκτὸσ ἔστιν ὠφελεῖσθαι.)

Ἐπὶ τῶν θεωρητικῶν φαντασιῶν πάντεσ σχεδὸν τὸ ἀγαθὸν καὶ τὸ κακὸν ἐν ἡμῖν ἀπέλιπον, οὐχὶ δ’ ἐν τοῖσ ἐκτόσ. οὐδεὶσ λέγει ἀγαθὸν τὸ ἡμέραν εἶναι, κακὸν τὸ νύκτα εἶναι, μέγιστον δὲ κακῶν τὸ τρία τέσσαρα εἶναι.

ἀλλὰ τί; τὴν μὲν ἐπιστήμην ἀγαθόν, τὴν δ’ ἀπάτην κακόν, ὥστε καὶ περὶ αὐτὸ τὸ ψεῦδοσ ἀγαθὸν συνίστασθαι, τὴν ἐπιστήμην τοῦ ψεῦδοσ εἶναι αὐτό.

ἔδει οὖν οὕτωσ καὶ ἐπὶ τοῦ βίου.

ὑγεία ἀγαθόν, νόσοσ δὲ κακόν; οὔ, ἄνθρωπε. ἀλλὰ τί; τὸ καλῶσ ὑγιαίνειν ἀγαθόν, τὸ κακῶσ κακόν. ‐ Ὥστε καὶ ἀπὸ νόσου ἔστιν ὠφεληθῆναι; ‐ Τὸν θεόν σοι, ἀπὸ θανάτου γὰρ οὐκ ἔστιν; ἀπὸ π[λ]ηρώσεωσ γὰρ οὐκ ἔστιν, μικρά σοι δοκεῖ ὁ Μενοικεὺσ ὠφεληθῆναι, ὅτ’ ἀπέθνῃσκεν; ‐ Τοιαῦτά τισ εἰπὼν ὠφεληθείη [ἢ] οἱᾶ ἐκεῖνοσ ὠφελήθη.

‐ Εἄ, ἄνθρωπε, οὐκ ἐτήρησεν τὸν φιλόπατριν, τὸν μεγαλόφρονα, τὸν πιστόν, τὸν γενναῖον; ἐπιζήσασ δὲ οὐκ ἀπώλλυεν ταῦτα πάντα; οὐ περιεποιεῖτο τὰ ἐναντία;

τὸν δειλὸν οὐκ ἀνελάμβανεν, τὸν ἀγεννῆ, τὸν μισόπατριν, τὸν φιλόψυχον; ἄγε δοκεῖ σοι μικρὰ ὠφεληθῆναι ἀποθανών; οὔ·

ἀλλ’ ὁ τοῦ Ἀδμήτου πατὴρ μεγάλα ὠφελήθη ζήσασ οὕτωσ ἀγεννῶσ καὶ ἀθλίωσ; ὕστερον γὰρ οὐκ ἀπέθανεν;

παύσασθε, τοὺσ θεοὺσ ὑμῖν, τὰσ ὕλασ θαυμάζοντεσ, παύσασθ’ ἑαυτοὺσ δούλουσ ποιοῦντεσ πρῶτον τῶν πραγμάτων, εἶτα δι’ αὐτὰ καὶ τῶν ἀνθρώπων τῶν ταῦτα περιποιεῖν ἢ ἀφαιρεῖσθαι δυναμένων. Ἔστιν οὖν ἀπὸ τούτων ὠφεληθῆναι; ‐ Ἀπὸ πάντων.

‐ Καὶ ἀπὸ τοῦ λοιδοροῦντοσ; ‐ Τί δ’ ὠφελεῖ τὸν ἀθλητὴν ὁ προσγυμναζόμενοσ; τὰ μέγιστα. καὶ οὗτοσ ἐμοῦ προγυμναστὴσ γίνεται· τὸ ἀνεκτικόν μου γυμνάζει, τὸ ἀόργητον, τὸ πρᾷον. οὔ·

ἀλλ’ ὁ μὲν τοῦ τραχήλου καθάπτων καὶ τὴν ὀσφῦν μου καὶ τοὺσ ὤμουσ καταρτίζων ὠφελεῖ με καὶ ὁ ἀλείπτησ καλῶσ ποιῶν λέγει "ἆρον ὕπερον ἀμφοτέραισ" καὶ ὅσῳ βαρύτερόσ ἐστιν ἐκεῖνοσ, τοσούτῳ μᾶλλον ὠφελοῦμαι ἐγώ· εἰ δέ τισ πρὸσ ἀοργησίαν με γυμνάζει, οὐκ ὠφελεῖ με; τοῦτ’ ἔστι τὸ μὴ εἰδέναι ἀπ’ ἀνθρώπων ὠφελεῖσθαι.

κακὸσ γείτων; αὑτῷ· ἀλλ’ ἐμοὶ ἀγαθόσ· γυμνάζει μου τὸ εὔγνωμον, τὸ ἐπιεικέσ. κακὸσ πατήρ;

αὑτῷ· ἀλλ’ ἐμοὶ ἀγαθόσ. τοῦτ’ ἔστι τὸ τοῦ Ἑρμοῦ ῥαβδίον· "οὗ θέλεισ", φησίν, "ἅψαι καὶ χρυσοῦν ἔσται". οὔ· ἀλλ’ ὃ θέλεισ φέρε κἀγὼ αὐτὸ ἀγαθὸν ποιήσω. φέρε νόσον, φέρε θάνατον, φέρε ἀπορίαν, φέρε λοιδορίαν, δίκην τὴν περὶ τῶν ἐσχάτων· πάντα ταῦτα τῷ ῥαβδίῳ τοῦ Ἑρμοῦ ὠφέλιμα ἔσται. 3τὸν θάνατον τί ποιήσεισ;

τί γὰρ ἄλλο ἢ ἵνα σε κοσμήσῃ ἢ ἵνα δείξῃσ2[ε] ἔργῳ δι’ αὐτοῦ, τί ἐστιν ἄνθρωποσ τῷ βουλήματι τῆσ φύσεωσ παρακολουθῶν; "τὴν νόσον τί ποιήσεισ;

δείξω αὐτῆσ τὴν φύσιν, διαπρέψω ἐν αὐτῇ, εὐσταθήσω, εὐροήσω, τὸν ἰατρὸν οὐ κολακεύσω, οὐκ εὔξομαι ἀποθανεῖν. τί ἔτι ἄλλο ζητεῖσ;

πᾶν ὃ ἂν δῷσ, ἐγὼ αὐτὸ ποιήσω μακάριον, εὐδαιμονικόν, σεμνόν, ζηλωτόν. Οὔ· ἀλλὰ " 3βλέπε μὴ νοσήσῃσ· κακόν ἐστιν".

οἱο͂ν εἴ τισ ἔλεγεν "βλέπε μὴ λάβῃσ ποτὲ φαντασίαν τοῦ τὰ τρία τέσσαρα εἶναι· κακόν ἐστιν". ἄνθρωπε, πῶσ κακόν; ἂν ὃ δεῖ περὶ αὐτοῦ ὑπολάβω, πῶσ ἔτι με βλάψει; οὐχὶ δὲ μᾶλλον καὶ ὠφελήσει; ἂν οὖν περὶ πενίασ ὃ δεῖ ὑπολάβω, ἂν περὶ νόσου, ἂν περὶ ἀναρχίασ, οὐκ ἀρκεῖ μοι;

οὐκ ὠφέλιμα ἔσται; πῶσ οὖν ἔτι ἐν τοῖσ ἐκτὸσ τὰ κακὰ καὶ τἀγαθὰ δεῖ με ζητεῖν; ἀλλὰ τί;

ταῦτα μέχρι ὧδε, εἰσ οἶκον δ’ οὐδεὶσ ἀποφέρει· ἀλλ’ εὐθὺσ πρὸσ τὸ παιδάριον πόλεμοσ, πρὸσ τοὺσ γείτονασ, πρὸσ τοὺσ σκώψαντασ, πρὸσ τοὺσ καταγελάσαντασ. καλῶσ γένοιτο Λεσβίῳ, ὅτι με καθ’ ἡμέραν ἐξελέγχει μηδὲν εἰδότα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 3, Ὅτι ἀπὸ πάντων τῶν ἐκτὸσ ἔστιν ὠφελεῖσθαι.

(에픽테토스, Works, book 3, Ὅτι ἀπὸ πάντων τῶν ἐκτὸσ ἔστιν ὠφελεῖσθαι.)

상위

목록

SEARCH

MENU NAVIGATION