헬라어 문장 검색 - ΕπιξτέΩορκσ́05́10́

(에픽테토스, Works, book 3, Πῶσ φέρειν δεῖ τὰσ νόσουσ.)

Ἑκάστου δόγματοσ ὅταν ἡ χρεία παρῇ, πρόχειρον αὐτὸ ἔχειν δεῖ· ἐπ’ ἀρίστῳ τὰ περὶ ἀρίστου, ἐν βαλανείῳ τὰ περὶ βαλανείου, ἐν κοίτῃ τὰ περὶ κοίτησ. πρὶν τῶν ἡμερινῶν ἔργων λογίσασθαι ἕκαστα·

3πῇ παρέβην;

τί δ’ ἔρεξα; τί μοι δέον οὐ τετέλεσται; ἀρξάμενοσ δ’ ἀπὸ τοῦδε ἐπέξιθι· καὶ μετέπειτα δειλὰ μὲν ῥέξασ ἐπιπλήσσεο, χρηστὰ δὲ τέρπου. καὶ τούτουσ τοὺσ στίχουσ κατέχειν χρηστικῶσ, οὐχ ἵνα δι’ αὐτῶν ἀναφωνῶμεν, ὡσ διὰ τοῦ Παιὰν Ἄπολλον. πάλιν ἐν πυρετῷ τὰ πρὸσ τοῦτο·

μή, ἂν πυρέξωμεν, ἀφιέναι πάντα καὶ ἐπιλανθάνεσθαι·

"ἂν ἐγὼ ἔτι φιλοσοφήσω, ὃ θέλει γινέσθω. πού ποτ’ ἀπελθόντα τοῦ σωματίου ἐπιμελεῖσθαι " εἴ τε καὶ πυρετὸσ οὐκ ἔρχεται. τὸ δὲ φιλοσοφῆσαι τί ἐστιν;

οὐχὶ παρασκευάσασθαι πρὸσ τὰ συμβαίνοντα; οὐ παρακολουθεῖσ οὖν, ὅτι τοιοῦτόν τι λέγεισ "ἂν ἔτι ἐγὼ παρασκευάσωμαι πρὸσ τὸ πρᾴωσ φέρειν τὰ συμβαίνοντα, ὃ θέλει γινέσθω"; οἱο͂ν εἴ τισ πληγὰσ λαβὼν ἀποσταίη τοῦ παγκρατιάζειν. ἀλλ’ ἐκεῖ μὲν ἔξεστι καταλῦσαι καὶ μὴ δέρεσθαι, ἐνθάδε δ’ ἂν καταλύσωμεν φιλοσοφοῦντεσ, τί ὄφελοσ;

τί οὖν δεῖ λέγειν αὐτὸν ἐφ’ ἑκάστου τῶν τραχέων; ὅτι "ἕνεκα τούτου ἐγυμναζόμην, ἐπὶ τοῦτο ἤσκουν" 3. ὁ θεόσ σοι λέγει "δόσ μοι ἀπόδειξιν, εἰ νομίμωσ ἤθλησασ, εἰ ἔφαγεσ ὅσα δεῖ, εἰ ἐγυμνάσθησ, εἰ τοῦ ἀλείπτου ἤκουσασ"· εἶτ’ ἐπ’ αὐτοῦ τοῦ ἔργου καταμαλακίζῃ;

νῦν τοῦ πυρέττειν καιρόσ ἐστιν, τοῦτο καλῶσ γινέσθω· τοῦ διψᾶν, δίψα καλῶσ· τοῦ πεινᾶν, πείνα καλῶσ. οὐκ [ἐξ]ἔστιν ἐπὶ σοί;

τίσ σε κωλύσει; ἀλλὰ πιεῖν μὲν κωλύσει ὁ ἰατρόσ, καλῶσ δὲ διψᾶν οὐ δύναται· καὶ φαγεῖν μὲν κωλύσει, πεινᾶν δὲ καλῶσ οὐ δύναται. Ἀλλ’ οὐ φιλολογῶ; ‐ Τίνοσ δ’ ἕνεκα φιλολογεῖσ;

ἀνδράποδον, οὐχ ἵνα εὐροῇσ; οὐχ ἵνα εὐσταθῇσ; οὐχ ἵνα κατὰ φύσιν ἔχῃσ καὶ διεξάγῃσ; τί κωλύει πυρέσσοντα κατὰ φύσιν ἔχειν τὸ ἡγεμονικόν;

ἐνθάδ’ ὁ ἔλεγχοσ τοῦ πράγματοσ, ἡ δοκιμασία τοῦ φιλοσοφοῦντοσ. μέροσ γάρ ἐστι καὶ τοῦτο τοῦ βίου, ὡσ περίπατοσ, ὡσ πλοῦσ, ὡσ ὁδοιπορία, οὕτωσ καὶ πυρετόσ. μή τι περιπατῶν ἀναγιγνώσκεισ;

‐ Οὔ. ‐ Οὕτωσ οὐδὲ πυρέσσων. ἀλλ’ ἂν καλῶσ περιπατῇσ, ἔχεισ τὸ τοῦ περιπατοῦντοσ· ἂν καλῶσ πυρέξῃσ, ἔχεισ τὰ τοῦ πυρέσσοντοσ. τί ἐστι καλῶσ πυρέσσειν;

μὴ θεὸν μέμψασθαι, μὴ ἄνθρωπον, μὴ θλιβῆναι ὑπὸ τῶν γινομένων, εὖ καὶ καλῶσ προσδέχεσθαι τὸν θάνατον, ποιεῖν τὰ προστασσόμενα· ὅταν ὁ ἰατρὸσ εἰσέρχηται, μὴ φοβεῖσθαι, τί εἴπῃ, μηδ’ ἂν εἴπῃ "κομψῶσ ἔχεισ", ὑπερχαίρειν· τί γάρ σοι ἀγαθὸν εἶπεν; ὅτε γὰρ ὑγίαινεσ, τί σοι ἦν ἀγαθόν; μηδ’ ἂν εἴπῃ "κακῶσ ἔχεισ", ἀθυμεῖν·

τί γάρ ἐστι τὸ κακῶσ ἔχειν; ἐγγίζειν τῷ διαλυθῆναι τὴν ψυχὴν ἀπὸ τοῦ σώματοσ. τί οὖν δεινόν ἐστιν; ἐὰν νῦν μὴ ἐγγίσῃσ, ὕστερον οὐκ ἐγγιεῖσ; ἀλλὰ ὁ κόσμοσ μέλλει ἀνατρέπεσθαι σοῦ ἀποθανόντοσ; τί οὖν κολακεύεισ τὸν ἰατρόν;

τί λέγεισ "ἐὰν σὺ θέλῃσ, κύριε, καλῶσ ἕξω"; τί παρέχεισ αὐτῷ ἀφορμὴν τοῦ ἐπᾶραι ὀφρῦν; οὐχὶ δὲ τὴν αὑτοῦ ἀξίαν αὐτῷ ἀποδίδωσ, ὡσ σκυτεῖ περὶ τὸν πόδα, ὡσ τέκτονι περὶ τὴν οἰκίαν, οὕτωσ καὶ τῷ ἰατρῷ περὶ τὸ σωμάτιον, τὸ οὐκ ἐμόν, τὸ φύσει νεκρόν; τούτων ὁ καιρόσ ἐστι τῷ πυρέσσοντι· ἂν ταῦτα ἐκπληρώσῃ, ἔχει τὰ αὑτοῦ. οὐ γάρ ἐστιν ἔργον τοῦ φιλοσόφου ταῦτα τὰ ἐκτὸσ τηρεῖν, οὔτε τὸ οἰνάριον οὔτε τὸ ἐλάδιον οὔτε τὸ σωμάτιον, ἀλλὰ τί;

τὸ ἴδιον ἡγεμονικόν. τὰ δ’ ἔξω πῶσ; μέχρι τοῦ μὴ ἀλογίστωσ κατὰ ταῦτα ἀναστρέφεσθαι. ποῦ οὖν ἔτι καιρὸσ τοῦ φοβεῖσθαι;

ποῦ οὖν ἔτι καιρὸσ ὀργῆσ; ποῦ φόβου περὶ τῶν ἀλλοτρίων, περὶ τῶν μηδενὸσ ἀξίων; δύο γὰρ ταῦτα πρόχειρα ἔχειν δεῖ·

ὅτι ἔξω τῆσ προαιρέσεωσ οὐδέν ἐστιν οὔτε ἀγαθὸν οὔτε κακὸν καὶ ὅτι οὐ δεῖ προηγεῖσθαι τῶν πραγμάτων, ἀλλ’ ἐπακολουθεῖν. "οὐκ ἔδει οὕτωσ μοι προσενεχθῆναι τὸν ἀδελφόν.

" οὔ· ἀλλὰ τοῦτο μὲν ἐκεῖνοσ ὄψεται. ἐγὼ δ’, ὡσ ἂν προσενεχθῇ, αὐτὸσ ὡσ δεῖ χρήσομαι τοῖσ πρὸσ ἐκεῖνον. τοῦτο γὰρ ἐμόν ἐστιν, ἐκεῖνο δ’ ἀλλότριον·

τοῦτο οὐδεὶσ κωλῦσαι δύναται, ἐκεῖνο κωλύεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 3, Πῶσ φέρειν δεῖ τὰσ νόσουσ.

(에픽테토스, Works, book 3, Πῶσ φέρειν δεῖ τὰσ νόσουσ.)

상위

목록

SEARCH

MENU NAVIGATION