헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 55)

τότε δ’ οὖν ἀπὸ τοῦ κρατίστου ταῦτα βουλευσάμενοσ καὶ τὸν συνάρχοντα πείσασ, ἐπειδὴ πολλάκισ αὐτὸν ἐπὶ τὴν ἐκκλησίαν ἐκάλεσαν οἱ δήμαρχοι, παρελθὼν πολλοὺσ καὶ φιλανθρώπουσ διεξῆλθε λόγουσ· κεφάλαια δ’ αὐτοῦ τῆσ δημηγορίασ τοιάδε ἦν, ὅτι τὸ μὲν ἀποδειχθῆναι τοὺσ νόμουσ καὶ παύσασθαι στασιάζοντασ τοὺσ πολίτασ ὑπὲρ τῶν ἴσων αὐτῷ τε καὶ τῷ συνάρχοντι παντὸσ μάλιστα δοκεῖ, καὶ ἀποφαίνονται γνώμην φανεράν· τοῦ δ’ ἀποδεῖξαι τοὺσ νομοθέτασ αὐτοὶ μὲν οὐδεμίαν ἔχουσιν ἐξουσίαν οὔπω παρειληφότεσ τὴν ἀρχήν, τοῖσ δὲ περὶ Μενήνιον ὑπάτοισ οὐχ ὅπωσ ἐναντιώσονται πράσσουσι τὰ δόξαντα τῇ βουλῇ, ἀλλὰ καὶ συνεργήσουσι καὶ πολλὴν εἴσονται χάριν. ἐὰν δ’ ἀναδύωνται σκῆψιν προβαλλόμενοι τὴν νέαν ἀρχήν, ὡσ οὐκ ἐξὸν αὐτοῖσ ἑτέρουσ ἄρχοντασ ὑπατικὴν ἐξουσίαν παραληψομένουσ ἀποδεικνύειν ἡμῶν ἤδη κεκυρωμένων ὑπάτων, οὐδὲν ἐμποδὼν αὐτοῖσ τὸ καθ’ ἑαυτοὺσ ἔσεσθαι.

ἑκόντεσ γὰρ ἀποστήσεσθαι τῆσ ὑπατείασ τοῖσ ἀνθ’ αὑτῶν αἱρεθησομένοισ, ἐὰν καὶ τῇ βουλῇ ταῦτα δοκῇ.

ἐπαινοῦντοσ δὲ τοῦ δήμου καὶ τὴν προθυμίαν τῶν ἀνδρῶν καὶ πάντων κατὰ πλῆθοσ ἐπὶ τὸ συνέδριον ὠσαμένων, ἀναγκασθεὶσ ὁ Σήστιοσ τὴν βουλὴν συναγαγεῖν μόνοσ, ἐπειδὴ ὁ Μενήνιοσ ἀδύνατοσ ἦν παρεῖναι διὰ τὴν νόσον, προὔθηκεν ὑπὲρ τῶν νόμων λέγειν. ἐλέχθησαν μὲν οὖν καὶ τότε πολλοὶ ὑπ’ ἀμφοτέρων λόγοι τῶν τε παραινούντων κατὰ νόμουσ πολιτεύεσθαι, καὶ τῶν ἀξιούντων τοὺσ πατρίουσ φυλάττειν ἐθισμούσ.

πρῶτοσ ἐρωτηθεὶσ ἀπεφήνατο, ἄνδρασ αἱρεθῆναι δέκα τοὺσ ἐπιφανεστάτουσ ἐκ τῆσ βουλῆσ.

τούτουσ δ’ ἄρχειν εἰσ ἐνιαυτὸν ἀφ’ ἧσ ἂν ἀποδειχθῶσιν ἡμέρασ, ἐξουσίαν ἔχοντασ ὑπὲρ ἁπάντων τῶν κατὰ τὴν πόλιν ἣν εἶχον οἵ τε ὕπατοι καὶ ἔτι πρότερον οἱ βασιλεῖσ, τάσ τ’ ἄλλασ ἀρχὰσ πάσασ καταλελύσθαι, τέωσ ἂν οἱ δέκα τύχωσι τῆσ ἀρχῆσ. τούτουσ δὲ τοὺσ ἄνδρασ ἔκ τε τῶν πατρίων ἐθῶν καὶ ἐκ τῶν Ἑλληνικῶν νόμων, οὓσ ἐκόμισαν οἱ πρέσβεισ, ἐκλεξαμένουσ τὰ κράτιστα καὶ τῇ Ῥωμαίων πόλει πρόσφορα νομοθετήσεσθαι. τὰ δὲ γραφέντα ὑπὸ τῶν δέκα ἀνδρῶν, ἐὰν ἥ τε βουλὴ δοκιμάσῃ καὶ ὁ δῆμοσ ἐπιψηφίσῃ, κύρια εἰσ τὸν ἅπαντα εἶναι χρόνον, καὶ τὰσ ἀρχάσ, ὅσαι ἂν ὕστερον ἀποδειχθῶσι, κατὰ τούτουσ τοὺσ νόμουσ τά τε ἰδιωτικὰ συμβόλαια διαιρεῖν καὶ τὰ δημόσια ἐπιτροπεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 55

(디오니시오스, Antiquitates Romanae, Books X-XX, book 10, chapter 55)

상위

목록

SEARCH

MENU NAVIGATION