헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 17)

τοῦτο τὸ τέλοσ λαβόντοσ τοῦ λῃστρικοῦ πολέμου τὴν πολιτικὴν πάλιν ἀνερρίπιζον οἱ δήμαρχοι στάσιν ἀξιοῦντεσ ἀπολαβεῖν παρὰ τοῦ περιόντοσ ὑπάτου τὰσ ὑποσχέσεισ, ἃσ ἐποιήσατο πρὸσ αὐτοὺσ ὁ τεθνηκὼσ ἐν τῇ μάχῃ Οὐαλέριοσ ὑπὲρ τῆσ εἰσφορᾶσ τοῦ νόμου. ὁ δὲ Κλαύδιοσ μέχρι μέν τινοσ παρεῖλκε τὸν χρόνον τοτὲ μὲν καθαρμοὺσ τῆσ πόλεωσ ἐπιτελῶν, τοτὲ δὲ θυσίασ τοῖσ θεοῖσ χαριστηρίουσ ἀποδιδούσ, τοτὲ δ’ ἀγῶσι καὶ θέαισ ἀναλαμβάνων τὸ πλῆθοσ εἰσ εὐπαθείασ. ὡσ δ’ αἱ σκήψεισ αὐτῷ πᾶσαι κατανάλωντο, τελευτῶν ἔφη δεῖν εἰσ τὸν τοῦ τεθνηκότοσ ὑπάτου τόπον ἕτερον ἀποδειχθῆναι.

τὰ μὲν γὰρ ὑφ’ ἑαυτοῦ μόνου πραχθέντα οὔτε νόμιμα οὔτε βέβαια ἔσεσθαι, τὰ δ’ ὑπ’ ἀμφοῖν ἔννομά τε καὶ κύρια.

ταύτῃ διακρουσάμενοσ αὐτοὺσ τῇ προφάσει προεῖπεν ἀρχαιρεσίων ἡμέραν, ἐν ᾗ τὸν συνάρχοντα ἔμελλεν ἀποδείξειν. ἐν δὲ τῷ μεταξὺ χρόνῳ δι’ ἀπορρήτων βουλευμάτων οἱ προεστηκότεσ τοῦ συνεδρίου συνέθεντο κατὰ σφᾶσ αὐτούσ, ὅτῳ παραδώσουσι τὴν ἀρχήν. καὶ ἐπειδὴ ὁ τῶν ἀρχαιρεσίων ἐνέστη χρόνοσ, καὶ ὁ κῆρυξ τὴν πρώτην τάξιν ἐκάλεσεν, εἰσελθόντεσ εἰσ τὸν ἀποδειχθέντα τόπον οἵ τ’ ὀκτωκαίδεκα λόχοι τῶν ἱππέων καὶ οἱ τῶν πεζῶν ὀγδοήκοντα τῶν τὸ μέγιστον τίμημα ἐχόντων Λεύκιον Κοίντιον Κικιννᾶτον ἀποδεικνύουσιν ὕπατον, οὗ τὸν υἱὸν Καίσωνα Κοίντιον εἰσ ἀγῶνα θανάτου καταστήσαντεσ οἱ δήμαρχοι τὴν πόλιν ἠνάγκασαν ἐκλιπεῖν·

καὶ οὐδεμιᾶσ ἔτι κληθείσησ ἐπὶ τὴν ψηφοφορίαν τάξεωσ ‐ τρισὶ γὰρ ἦσαν λόχοισ πλείουσ οἱ διενέγκαντεσ τὴν ψῆφον λόχοι τῶν ὑπολειπομένων ‐ ὁ μὲν δῆμοσ ἀπῄει συμφορὰν βαρεῖαν ἡγούμενοσ, ὅτι μισῶν αὐτοὺσ ἀνὴρ ἐξουσίασ ὑπατικῆσ ἔσται κύριοσ, ἡ βουλὴ δὲ ἔπεμπε τοὺσ παραληψομένουσ τὸν ὕπατον καὶ ἄξοντασ ἐπὶ τὴν ἀρχήν.

ἔτυχε δὲ τηνικαῦτα ὁ Κοίντιοσ ἄρουράν τινα ὑπεργαζόμενοσ εἰσ σποράν, αὐτὸσ ἀκολουθῶν τοῖσ σχίζουσι τὴν νειὸν βοιδίοισ ἀχίτων, περιζωμάτιον ἔχων καὶ ἐπὶ τῇ κεφαλῇ πῖλον.

ἰδὼν δὲ πλῆθοσ ἀνθρώπων εἰσ τὸ χωρίον εἰσιόντων τό τε ἄροτρον ἐπέσχε καὶ πολὺν ἠπόρει χρόνον, οἵτινέσ τε εἰε͂ν καὶ τίνοσ δεόμενοι πρὸσ αὐτὸν ἥκοιεν· ἔπειτα προσδραμόντοσ τινὸσ καὶ κελεύσαντοσ κοσμιώτερον ἑαυτὸν ποιῆσαι παρελθὼν εἰσ τὴν καλύβη καὶ ἀμφιεσάμενοσ προῆλθεν. οἱ δ’ ἐπὶ τὴν παράληψιν αὐτοῦ παρόντεσ ἠσπάσαντό τε ἅπαντεσ οὐκ ἐκ τοῦ ὀνόματοσ, ἀλλ’ ὕπατον καὶ τὴν περιπόρφυρον ἐσθῆτα περιέθεσαν τούσ τε πελέκεισ καὶ τἆλλα παράσημα τῆσ ἀρχῆσ παραστήσαντεσ ἀκολουθεῖν εἰσ τὴν πόλιν ἠξίουν.

κἀκεῖνοσ μικρὸν ἐπισχὼν καὶ δακρύσασ τοσοῦτον εἶπεν· ἄσπορον ἄρα μοι τὸ χωρίον ἔσται τοῦτον τὸν ἐνιαυτόν, καὶ κινδυνεύσομεν οὐχ ἕξειν, πόθεν διατραφῶμεν. ἔπειτ’ ἀσπασάμενοσ τὴν γυναῖκα καὶ τῶν ἔνδον ἐπιμελεῖσθαι παραγγείλασ ᾤχετο εἰσ τὴν πόλιν. ταῦτα δὲ οὐχ ἑτέρου τινὸσ χάριν εἰπεῖν προήχθην, ἀλλ’ ἵνα φανερὸν γένηται πᾶσιν, οἱοῖ τότε ἦσαν οἱ τῆσ Ῥωμαίων πόλεωσ προεστηκότεσ, ὡσ αὐτουργοὶ καὶ σώφρονεσ καὶ πενίαν δικαίαν οὐ βαρυνόμενοι καὶ βασιλικὰσ οὐ διώκοντεσ ἐξουσίασ, ἀλλὰ καὶ διδομένασ ἀναινόμενοι·

φανήσονται γὰρ οὐδὲ κατὰ μικρὸν ἐοικότεσ ἐκείνοισ οἱ νῦν, ἀλλὰ τἀναντία πάντα ἐπιτηδεύοντεσ, πλὴν πάνυ ὀλίγων, δι’ οὓσ ἕστηκεν ἔτι τὸ τῆσ πόλεωσ ἀξίωμα καὶ τὸ σώζειν τὴν πρὸσ ἐκείνουσ τοὺσ ἄνδρασ ὁμοιότητα. ἀλλὰ περὶ μὲν τούτων ἅλισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 17

(디오니시오스, Antiquitates Romanae, Books X-XX, book 10, chapter 17)

상위

목록

SEARCH

MENU NAVIGATION