헬라어 문장 검색 - Διοδορ́Λιβραρψ́8́48́

(디오도로스 시켈로스, Library, book xv, chapter 92)

ἅμα δὲ τούτοισ πραττομένοισ Ῥεομίθρησ, ὑπὸ τῶν ἀποστατῶν πεμφθεὶσ εἰσ Αἴγυπτον πρὸσ Ταχὼ τὸν βασιλέα, καὶ λαβὼν ἀργυρίου μὲν τάλαντα πεντακόσια, ναῦσ δὲ μακρὰσ πεντήκοντα, κατέπλευσε τῆσ Ἀσίασ εἰσ τὰσ ὀνομαζομένασ Λεύκασ. εἰσ δὲ ταύτην τὴν πόλιν μεταπεμψάμενοσ πολλοὺσ τῶν ἀφεστηκότων ἡγεμόνασ, τούτουσ μὲν συλλαβὼν καὶ δήσασ ἀνέπεμψε πρὸσ Ἀρταξέρξην, αὐτὸσ δὲ ἀποστάτησ γενόμενοσ ταῖσ ἐκ τῆσ προδοσίασ δωρεαῖσ διελύσατο τὰ πρὸσ τὸν βασιλέα. κατὰ δὲ τὴν Αἴγυπτον Ταχὼσ ὁ βασιλεὺσ κατασκευασάμενοσ τὰ πρὸσ τὸν πόλεμον διακοσίασ μὲν τριήρεισ εἶχε πολυτελῶσ κεκοσμημένασ, μισθοφόρουσ δ’ ἐπιλέκτουσ ἐκ τῆσ Ἑλλάδοσ μυρίουσ, χωρὶσ δὲ τούτων πεζοὺσ στρατιώτασ Αἰγυπτίουσ ὀκτακισμυρίουσ.

καὶ τῶν μὲν μισθοφόρων τὴν ἡγεμονίαν παρέδωκεν Ἀγησιλάῳ τῷ Σπαρτιάτῃ, ἀπεσταλμένῳ μὲν ὑπὸ Λακεδαιμονίων ἐπὶ συμμαχίαν μεθ’ ὁπλιτῶν χιλίων, δυναμένῳ δ’ ἡγεῖσθαι στρατιωτῶν καὶ δι’ ἀνδρείαν καὶ στρατηγικὴν σύνεσιν τεθαυμασμένῳ· τοῦ δὲ ναυτικοῦ τὴν στρατηγίαν ἐνεχείρισε Χαβρίᾳ τῷ Ἀθηναίῳ, δημοσίᾳ μὲν ὑπὸ τῆσ πατρίδοσ οὐκ ἀπεσταλμένῳ, ἰδίᾳ δὲ ὑπὸ τοῦ βασιλέωσ συστρατεύειν πεπεισμένῳ.

αὐτὸσ δὲ τῶν Αἰγυπτίων ἔχων τὴν ἡγεμονίαν καὶ στρατηγὸσ ὢν ἁπάσησ τῆσ δυνάμεωσ, Ἀγησιλάῳ μὲν συμβουλεύσαντι μένειν ἐπὶ τῆσ Αἰγύπτου καὶ διὰ τῶν στρατηγῶν τὸν πόλεμον διοικεῖν οὐ προσέσχε καλῶσ συμβουλεύοντι. τῆσ γὰρ δυνάμεωσ προελθούσησ πορρωτέρω καὶ περὶ Φοινίκην καταστρατοπεδευούσησ, ὁ καθεσταμένοσ ἐπὶ τῆσ Αἰγύπτου στρατηγὸσ ἀπέστη ἀπὸ τοῦ βασιλέωσ, διαπεμψάμενοσ δὲ πρὸσ τὸν υἱὸν Νεκτανεβώ, καὶ πείσασ ἀντέχεσθαι τῆσ ἐν Αἰγύπτῳ βασιλείασ, μέγαν πόλεμον ἐξέκαυσεν· ὁ γὰρ Νεκτανεβὼσ ὑπὸ τοῦ βασιλέωσ τεταγμένοσ ἡγεμὼν τῶν ἐξ Αἰγύπτου στρατιωτῶν, καὶ πεμφθεὶσ ἀπὸ τῆσ Φοινίκησ πολιορκεῖν τὰσ ἐν τῇ Συρίᾳ πόλεισ, συγκάταινοσ γενόμενοσ ταῖσ τοῦ πατρὸσ ἐπιβολαῖσ, τοὺσ μὲν ἡγεμόνασ δωρεαῖσ, τοὺσ δὲ στρατιώτασ ἐπαγγελίαισ προτρεψάμενοσ, ἔπεισε συναγωνιστὰσ γενέσθαι.

τέλοσ δὲ καταληφθείσησ ὑπὸ τῶν ἀποστατῶν τῆσ Αἰγύπτου, ὁ μὲν Ταχὼσ καταπλαγεὶσ ἐτόλμησε διὰ τῆσ Ἀραβίασ ἀναβῆναι πρὸσ τὸν βασιλέα, καὶ συγγνώμην ἠξίου δοῦναι περὶ τῶν ἡμαρτημένων·

ὁ δὲ Ἀρταξέρξησ οὐ μόνον αὐτὸν ἀπέλυσε τῶν ἐγκλημάτων, ἀλλὰ καὶ στρατηγὸν ἀπέδειξε τοῦ πρὸσ Αἰγυπτίουσ πολέμου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 92

(디오도로스 시켈로스, Library, book xv, chapter 92)

상위

목록

SEARCH

MENU NAVIGATION