헬라어 문장 검색 - Διοδορ́Λιβραρψ́8́30́

(디오도로스 시켈로스, Library, book xv, chapter 49)

κατὰ τὴν Ιὠνίαν ἐννέα πόλεισ εἰώθεισαν κοινὴν ποιεῖσθαι σύνοδον τὴν τῶν Πανιωνίων, καὶ θυσίασ συνθύειν ἀρχαίασ καὶ μεγάλασ Ποσειδῶνι περὶ τὴν ὀνομαζομένην Μυκάλην ἐν ἐρήμῳ τόπῳ. ὕστερον δὲ πολέμων γενομένων περὶ τούτουσ τοὺσ τόπουσ οὐ δυνάμενοι ποιεῖν τὰ Πανιώνια, μετέθεσαν τὴν πανήγυριν εἰσ ἀσφαλῆ τόπον, ὃσ ἦν πλησίον τῆσ Ἐφέσου. πέμψαντεσ δὲ θεωροὺσ Πυθώδε, χρησμοὺσ ἔλαβον ἀφιδρύματα λαβεῖν ἀπὸ τῶν ἀρχαίων καὶ προγονικῶν αὐτοῖσ βωμῶν ἐξ Ἑλίκησ τῆσ ἐν τῷ τότε μὲν Ιὠνίασ, νῦν δὲ Ἀχαί̈ασ καλουμένησ. οἱ μὲν οὖν Ιὤνεσ κατὰ τὸν χρησμὸν ἔπεμψαν εἰσ Ἀχαί̈αν τοὺσ ληψομένουσ τὰ ἀφιδρύματα·

οὗτοι δὲ πρὸσ τὸ κοινὸν τῶν Ἀχαιῶν διαλεχθέντεσ ἔπεισαν διδόναι τὰ ἀξιούμενα. οἱ δὲ τὴν Ἑλίκην οἰκοῦντεσ, ἔχοντεσ παλαιὸν λόγιον ὅτι τότε κινδυνεύσουσιν ὅταν Ιὤνεσ ἐπὶ τοῦ βωμοῦ τοῦ Ποσειδῶνοσ θύσωσιν, ἀναλογιζόμενοι τὸν χρησμὸν ἀντέλεγον τοῖσ Ιὤσι περὶ τῶν ἀφιδρυμάτων, λέγοντεσ μὴ κοινὸν τῶν Ἀχαιῶν, ἀλλ’ ἴδιον αὑτῶν εἶναι τὸ τέμενοσ· συνέπραττον δὲ τούτοισ καὶ οἱ τὴν Βοῦραν οἰκοῦντεσ. τῶν δὲ Ἀχαιῶν κοινῷ δόγματι συγχωρησάντων, οἱ μὲν Ιὤνεσ ἔθυσαν ἐπὶ τοῦ βωμοῦ τοῦ Ποσειδῶνοσ κατὰ τὸν χρησμόν, οἱ δ’ Ἑλικεῖσ τὰ χρήματα διαρρίψαντεσ τῶν Ιὤνων τούσ τε θεωροὺσ συνήρπασαν, ἠσέβησάν τε εἰσ τὸ θεῖον.

ἀνθ’ ὧν φασι μηνίσαντα τὸν Ποσειδῶνα διὰ τοῦ σεισμοῦ καὶ τοῦ κατακλυσμοῦ τὰσ ἀσεβούσασ πόλεισ λυμήνασθαι. τοῦ δ’ ἐκ Ποσειδῶνοσ γεγονέναι τὴν μῆνιν ταῖσ πόλεσί φασιν ἐμφανεῖσ ἀποδείξεισ ὑπάρχειν διὰ τὸ τῶν σεισμῶν καὶ τῶν κατακλυσμῶν τοῦτον τὸν θεὸν ἔχειν διειλῆφθαι τὴν ἐξουσίαν, καὶ διὰ τὸ δοκεῖν τὸ παλαιὸν τὴν Πελοπόννησον οἰκητήριον γεγονέναι Ποσειδῶνοσ, καὶ τὴν χώραν ταύτην ὥσπερ ἱερὰν τοῦ Ποσειδῶνοσ νομίζεσθαι, καὶ τὸ σύνολον πάσασ τὰσ ἐν Πελοποννήσῳ πόλεισ μάλιστα τῶν ἀθανάτων τὸν θεὸν τιμᾶν τοῦτον.

πρὸσ δὲ τούτοισ τὴν Πελοπόννησον κατὰ βάθουσ ἔχειν μεγάλα κοιλώματα καὶ συστάσεισ ὑδάτων ναματιαίων μεγάλασ.

εἶναι γὰρ ἐν αὐτῇ δύο ποταμοὺσ φανεροὺσ ῥέοντασ ὑπὸ γῆν· ὅ τε γὰρ περὶ Φένεον ποταμὸσ εἰσ τὴν γῆν καταδυόμενοσ ἐν τοῖσ προτέροισ χρόνοισ ἠφανίζετο, τῶν κατὰ γῆσ ἄντρων αὐτὸν ὑποδεχομένων, ὅ τε περὶ Στύμφηλον εἴσ τι χάσμα καταδυόμενοσ ἐπὶ διακοσίουσ σταδίουσ φέρεται κεκρυμμένοσ κατὰ γῆσ καὶ παρὰ τὴν τῶν Ἀργείων πόλιν ἐξίησιν. πρὸσ δὲ τοῖσ εἰρημένοισ λέγουσιν, ὅτι πλὴν τῶν ἀσεβησάντων οὐδεὶσ ἄλλοσ περιέπεσε τῇ συμφορᾷ.

καὶ περὶ μὲν τῶν γενομένων σεισμῶν καὶ κατακλυσμῶν ἀρκεσθησόμεθα τοῖσ ῥηθεῖσιν. ἐπ’ ἄρχοντοσ δ’ Ἀθήνησιν Ἀλκισθένουσ Ῥωμαῖοι μὲν ἀντὶ τῶν ὑπάτων χιλιάρχουσ κατέστησαν ὀκτώ, Λεύκιον Οὐαλέριον καὶ Πόπλιον, ἔτι δὲ Γάιον Τερέντιον καὶ Λεύκιον Μενήνιον, πρὸσ δὲ τούτοισ Γάιον Σολπίκιον καὶ Τίτον Παπίριον καὶ Λεύκιον Αἰμίλιον, παρὰ δὲ Ἠλείοισ Ὀλυμπιὰσ ἤχθη δευτέρα πρὸσ ταῖσ ἑκατόν, καθ’ ἣν ἐνίκα στάδιον Δάμων Θούριοσ.

ἐπὶ δὲ τούτων, Λακεδαιμονίων ἔτη σχεδὸν πεντακόσια τῆσ Ἑλλάδοσ ἐχόντων τὴν ἡγεμονίαν, τὸ θεῖον προεσήμαινεν αὐτοῖσ τῆσ ἀρχῆσ τὴν ἀποβολήν·

ὤφθη μὲν γὰρ κατὰ τὸν οὐρανὸν ἐπὶ πολλὰσ νύκτασ λαμπὰσ μεγάλη καομένη, ἀπὸ τοῦ σχήματοσ ὀνομασθεῖσα πυρίνη δοκίσ· μικρὸν δ’ ὕστερον ἡττηθέντεσ οἱ Σπαρτιᾶται παραδόξωσ μεγάλῃ μάχῃ τὴν ἡγεμονίαν ἀπέβαλον ἀνελπίστωσ. ἔνιοι δὲ τῶν φυσικῶν τὴν γένεσιν τῆσ λαμπάδοσ εἰσ φυσικὰσ αἰτίασ ἀνέφερον, ἀποφαινόμενοι τὰ τοιαῦτα φαντάσματα κατηναγκασμένωσ γίνεσθαι χρόνοισ ὡρισμένοισ, καὶ περὶ τῶν τοιούτων τούσ τε ἐν Βαβυλῶνι Χαλδαίουσ καὶ τοὺσ ἄλλουσ ἀστρολόγουσ ποιουμένουσ προρρήσεισ ἐναργεῖσ ἐπιτυγχάνειν·

τοὺσ δὲ μὴ θαυμάζειν ὅταν γένηταί τι τοιοῦτον, ἀλλ’ ἐὰν μὴ γένηται, κατὰ τὰσ ἰδίασ ἑκάστων περιόδουσ αἰωνίοισ κινήσεσι καὶ φοραῖσ ὡρισμέναισ συντελουμένων. τὴν δ’ οὖν λαμπάδα τοσαύτην ἐσχηκέναι λαμπρότητα καὶ δύναμιν τοῦ φωτόσ, ὥστ’ ἐπὶ τῆσ γῆσ σκιὰσ ποιεῖν παραπλησίασ τῇ σελήνῃ. κατὰ δὲ τούτουσ τοὺσ χρόνουσ Ἀρταξέρξησ ὁ βασιλεὺσ ὁρῶν πάλιν ταραττομένην τὴν Ἑλλάδα πρέσβεισ ἀπέστειλε, παρακαλῶν συλλύσασθαι τοὺσ ἐμφυλίουσ πολέμουσ καὶ συνθέσθαι κοινὴν εἰρήνην κατὰ τὰσ ὁμολογίασ, ἃσ πρότερον ἦσαν πεποιημένοι.

τῶν Ἑλλήνων δὲ πάντων ἀσμένωσ προσδεξαμένων τοὺσ λόγουσ, συνέθεντο κοινὴν εἰρήνην αἱ πόλεισ πᾶσαι πλὴν Θηβαίων· Θηβαῖοι γὰρ μόνοι, τὴν Βοιωτίαν ὑπὸ μίαν ἄγοντεσ συντέλειαν, οὐ προσεδέχθησαν ὑπὸ τῶν Ἑλλήνων διὰ τὸ πᾶσιν ἀρέσκειν κατὰ πόλιν γίνεσθαι τοὺσ ὁρ́κουσ καὶ τὰσ σπονδάσ. διόπερ ἔκσπονδοι γενηθέντεσ ὥσπερ καὶ πρότερον, συνεῖχον τὴν Βοιωτίαν ἐν τῇ καθ’ αὑτοὺσ μιᾷ συντελείᾳ. ἐπὶ δὲ τούτοισ οἱ Λακεδαιμόνιοι παροξυνθέντεσ ἔγνωσαν μεγάλῃ δυνάμει στρατεύειν ἐπ’ αὐτούσ, ὡσ κοινοὺσ πολεμίουσ·

σφόδρα γὰρ ὑφεωρῶντο τὴν αὔξησιν αὐτῶν, μήποτε τῆσ ὅλησ Βοιωτίασ ἡγούμενοι τὴν ἡγεμονίαν τῆσ Σπάρτησ καταλύσωσιν, ἐπιλαβόμενοι καιροῦ. ἔν τε γὰρ τοῖσ γυμνασίοισ συνεχῶσ διατρίβοντεσ εὔρωστοι τοῖσ σώμασιν ὑπῆρχον, καὶ φύσει φιλοπόλεμοι καθεστῶτεσ οὐδενὸσ ἔθνουσ Ἑλληνικοῦ ταῖσ ἀνδρείαισ ἐλείποντο. εἶχον δὲ καὶ ἡγεμόνασ ἐπιφανεῖσ ταῖσ ἀρεταῖσ πολλοὺσ μὲν καὶ ἄλλουσ, μεγίστουσ δὲ τρεῖσ, Ἐπαμεινώνδαν καὶ Γοργίαν, ἔτι δὲ καὶ Πελοπίδαν·

ἥ τε πόλισ τῶν Θηβαίων διὰ τῆσ τῶν προγόνων ἐπιφανείασ ἐν τοῖσ ἡρωικοῖσ χρόνοισ φρονήματοσ ἦν πλήρησ καὶ μεγάλων ὠρέγετο πραγμάτων. κατὰ μὲν οὖν τοῦτον τὸν ἐνιαυτὸν οἱ Λακεδαιμόνιοι παρεσκευάζοντο πρὸσ τὸν πόλεμον καὶ δυνάμεισ κατέλεγον τὰσ μὲν πολιτικάσ, τὰσ δὲ παρὰ τῶν συμμάχων. ἐπ’ ἄρχοντοσ δ’ Ἀθήνησι Φρασικλείδου Ῥωμαῖοι κατέστησαν ἀντὶ τῶν ὑπάτων χιλιάρχουσ ὀκτώ, Πόπλιον Μάνιον καὶ Γάιον, Ἐρενούκιον καὶ Γάιον Σέστον καὶ Τιβέριον Ιοὔλιον, ἔτι δὲ Λεύκιον Λαβίνιον καὶ Πόπλιον Τριβώνιον καὶ Γάιον Μάλλιον, πρὸσ δὲ τούτοισ Λεύκιον Ἀνθέστιον.

ἐπὶ δὲ τούτων οἱ μὲν Θηβαῖοι ἔκσπονδοι γεγονότεσ ἠναγκάσθησαν ἀναδέξασθαι μόνοι τὸν πρὸσ Λακεδαιμονίουσ πόλεμον· οὐδεμιᾷ γὰρ ἐξῆν πόλει συμμαχῆσαι διὰ τὸ πάσασ συντεθεῖσθαι τὴν κοινὴν εἰρήνην. οἱ δὲ Λακεδαιμόνιοι, μονωθέντων τῶν Θηβαίων, ἔκριναν πολεμεῖν αὐτοῖσ καὶ τὰσ Θήβασ ἐξανδραποδίσασθαι.

φανερᾶσ δὲ οὔσησ τῆσ τῶν Λακεδαιμονίων παρασκευῆσ, καὶ τῶν Θηβαίων ἐρήμων ὄντων συμμάχων, ἅπαντεσ ὑπελάμβανον αὐτοὺσ ῥᾳδίωσ ὑπὸ τῶν Σπαρτιατῶν καταπολεμηθήσεσθαι. διόπερ οἱ μὲν εὐνοϊκῶσ ἔχοντεσ τῶν Ἑλλήνων πρὸσ τοὺσ Θηβαίουσ συνήλγουν αὐτοῖσ ἐπὶ ταῖσ προσδοκωμέναισ συμφοραῖσ, οἱ δ’ ἀλλοτρίωσ ἔχοντεσ περιχαρεῖσ ἦσαν, ὡσ αὐτίκα μάλα τῶν Θηβαίων ἐξανδραποδισθησομένων.

τέλοσ δ’ οἱ Λακεδαιμόνιοι πολλὴν δύναμιν παρασκευασάμενοι παρέδωκαν αὐτὴν Κλεομβρότῳ τῷ βασιλεῖ, καὶ πρῶτον μὲν προαπέστειλαν πρέσβεισ εἰσ Θήβασ, προστάττοντεσ ἁπάσασ τὰσ ἐν τῇ Βοιωτίᾳ πόλεισ ἐᾶν αὐτονόμουσ, Πλαταιὰσ δὲ καὶ Θεσπιὰσ οἰκίζειν καὶ τὴν χώραν τοῖσ πρότερον γεγονόσι κυρίοισ ἀποκαταστῆσαι. ἀποκριναμένων δὲ τῶν Θηβαίων, ὡσ οὔτ’ αὐτοὶ πολυπραγμονοῦσιν οὐδὲν τῶν κατὰ τὴν Λακωνικὴν οὔτ’ ἐκείνοισ ἅπτεσθαι προσήκει τῶν τῆσ Βοιωτίασ·

γενομένων δὲ τοιούτων τῶν ἀποκρίσεων οἱ Λακεδαιμόνιοι τὸν Κλεόμβροτον εὐθὺσ ἐξέπεμψαν μετὰ τῆσ δυνάμεωσ ἐπὶ τὰσ Θήβασ· οἱ δὲ τῶν Λακεδαιμονίων σύμμαχοι προθύμωσ εἶχον εἰσ τὸν πόλεμον, ἐλπίζοντεσ μήτ’ ἀγῶνα μήτε μάχην ἔσεσθαι, ἀλλ’ ἀκονιτὶ τῶν Βοιωτῶν κρατήσειν. οὗτοι μὲν οὖν προάγοντεσ ὡσ ἧκον εἰσ Κορώνειαν, κατεστρατοπέδευσαν καὶ τοὺσ καθυστεροῦντασ τῶν συμμάχων ἀνέμενον.

οἱ δὲ Θηβαῖοι διὰ τὴν παρουσίαν τῶν πολεμίων ἐψηφίσαντο τέκνα μὲν καὶ γυναῖκασ εἰσ Ἀθήνασ ὑπεκθέσθαι, αὐτοὶ δ’ Ἐπαμεινώνδαν στρατηγὸν ἑλόμενοι τούτῳ τὰ κατὰ τὸν πόλεμον ἐπέτρεψαν, συμπαρόντων αὐτῷ βοιωταρχῶν ἕξ. ὁ δ’ Ἐπαμεινώνδασ πανδημεὶ τοὺσ Θηβαίουσ τοὺσ ἐν ἡλικίᾳ στρατιᾶσ ὄντασ καταλέξασ εἰσ τὴν μάχην καὶ τῶν ἄλλων Βοιωτῶν τοὺσ εὐθέτουσ, προῆγε τὴν δύναμιν ἐκ τῶν Θηβῶν, ἔχων τοὺσ σύμπαντασ οὐ πλείουσ τῶν ἑξακισχιλίων.

κατὰ δὲ τὴν τῆσ πόλεωσ ἔξοδον τῶν στρατιωτῶν πολλοῖσ ἔδοξε δυσχερῆ σημεῖα φανῆναι τῷ στρατοπέδῳ.

περὶ γὰρ τὰσ πύλασ ἀπήντησε τοῖσ περὶ τὸν Ἐπαμεινώνδαν κῆρυξ τυφλόσ, ὃσ ἀνδράποδ’ ἀποδεδρακότα, ἀνακομίζων, καὶ καθάπερ ἦν εἰθισμένον, ἀνηγόρευε κηρύττων μήτ’ ἐξάγειν Θήβηθεν μήτ’ ἀφανίζειν, ἀλλ’ ἀπάγοντα πάλιν ἀνασώζειν. οἱ μὲν οὖν πρεσβύτεροι τῶν ἀκουόντων τοῦ κήρυκοσ οἰωνὸν ἐποιοῦντο τοῦ μέλλοντοσ, οἱ δὲ νεώτεροι ἡσυχίαν εἶχον, ἵνα μὴ δόξωσι διὰ δειλίαν ἀποτρέπειν τὸν Ἐπαμεινώνδαν τῆσ στρατείασ.

ὁ δ’ Ἐπαμεινώνδασ πρὸσ τοὺσ λέγοντασ προσέχειν δεῖν τοῖσ οἰωνοῖσ εἶπεν εἷσ οἰωνὸσ ἄριστοσ ἀμύνεσθαι περὶ πάτρησ. ταύτῃ δὲ τῇ παρρησίᾳ καταπληξαμένου τοῦ Ἐπαμεινώνδου τοὺσ εὐλαβῶσ ἔχοντασ, ἕτεροσ οἱωνὸσ ἐφάνη δυσχερέστεροσ τοῦ προτέρου.

ὁ γὰρ γραμματεὺσ προῆγεν ἔχων δόρυ καὶ ταινίαν ἐπ’ αὐτῷ, καὶ προεσήμαινε τὸ παραγγελλόμενον ὑπὸ τῶν ἡγεμόνων· πνεύματοσ δὲ γενομένου συνέβη τὴν ταινίαν ἀποσπασθεῖσαν περιαμπίσχεσθαι περί τινα στήλην ἐφεστῶσαν τάφῳ· ἦσαν δὲ ἐν τῷ τόπῳ τούτῳ τεθαμμένοι τινὲσ Λακεδαιμόνιοι καὶ Πελοποννήσιοι, οἳ μετ’ Ἀγησιλάου στρατεύσαντεσ ἐτελεύτησαν. τῶν δὲ πρεσβυτέρων τινὲσ πάλιν ἐντυχόντεσ διεμαρτύραντο μὴ προάγειν τὴν δύναμιν, φανερῶσ τῶν θεῶν κωλυόντων, ὁ δ’ οὐδὲν αὐτοῖσ ἀποκριθεὶσ προῆγε τὸ στρατόπεδον, ἡγούμενοσ τὸν ὑπὲρ τῶν καλῶν λογισμὸν καὶ τὴν ὑπὲρ τῶν δικαίων μνήμην αἱρετωτέραν εἶναι τῶν παρόντων σημείων.

ὁ μὲν οὖν Ἐπαμεινώνδασ πεφιλοσοφηκὼσ καὶ τοῖσ ἐν παιδείᾳ λογισμοῖσ ἐμφρόνωσ χρησάμενοσ παραυτίκα μὲν ὑπὸ πολλῶν μέμψεωσ ἔτυχεν, ὕστερον δὲ διὰ τῶν κατορθωμάτων δόξασ στρατηγικῇ συνέσει διαφέρειν μεγίστων ἀγαθῶν αἴτιοσ ἐγένετο τῇ πατρίδι.

εὐθὺσ γὰρ προαγαγὼν τὴν δύναμιν, καὶ προκαταλαβόμενοσ τὰ περὶ τὴν Κορώνειαν στενά, κατεστρατοπέδευσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 49

(디오도로스 시켈로스, Library, book xv, chapter 49)

상위

목록

SEARCH

MENU NAVIGATION