헬라어 문장 검색 - Διοδορ́Λιβραρψ́8́20́

(디오도로스 시켈로스, Library, book xv, chapter 33)

οἱ δὲ συνόντεσ τῷ Ἀγησιλάῳ Σπαρτιᾶται σύμβουλοι καὶ οἱ τὰσ ἡγεμονίασ ἔχοντεσ ἐθαύμαζον, πῶσ δραστικὸσ εἶναι δοκῶν Ἀγησίλαοσ καὶ μείζονα καὶ δυναμικωτέραν ἔχων τὴν δύναμιν οὐ διηγωνίσατο πρὸσ τοὺσ πολεμίουσ. πρὸσ οὓσ ὁ Ἀγησίλαοσ ἀπεκρίθη, νῦν μὲν ἀκινδύνωσ τοὺσ Λακεδαιμονίουσ νενικηκέναι· πορθουμένῃ γὰρ τῇ χώρᾳ μὴ τετολμηκέναι τοὺσ Βοιωτοὺσ βοηθῆσαι· εἰ δ’ αὐτῶν τῶν πολεμίων παρακεχωρηκότων τῆσ νίκησ ἐβιάσατο τοὺσ πολεμίουσ ὑπομένειν τὸ δεινόν, ἴσωσ ἂν διὰ τὸ παράλογον τῆσ τύχησ δύναιντο καὶ πταῖσαι κατὰ τὸν κίνδυνον οἱ Λακεδαιμόνιοι. τότε μὲν οὖν διὰ τῆσ ἀποκρίσεωσ ταύτησ ἔδοξε μετρίωσ κατεστοχάσθαι τὸ δυνάμενον ἀποβῆναι, ὕστερον δὲ διὰ τῶν ἀποτελεσμάτων ἔδοξεν οὐκ ἀνθρωπίνην ἀπόφασιν, ἀλλὰ θεῖόν τινα χρησμὸν εἰρηκέναι.

οἱ γὰρ Λακεδαιμόνιοι μετὰ πολλῆσ δυνάμεωσ στρατεύσαντεσ ἐπὶ Θηβαίουσ, καὶ συναναγκάσαντεσ αὐτοὺσ ὑπὲρ τῆσ ἐλευθερίασ ἀγωνίσασθαι, μεγάλῃ συμφορᾷ περιέπεσον. τὸ μὲν γὰρ πρῶτον ἐν Λεύκτροισ ἡττηθέντεσ πολλοὺσ ἀπώλεσαν τῶν πολιτῶν, ἐν οἷσ καὶ ὁ βασιλεὺσ αὐτῶν Κλεόμβροτοσ ἔπεσε·

μετὰ δὲ ταῦτα περὶ Μαντίνειαν πολεμήσαντεσ τοῖσ ὅλοισ ἐσφάλησαν καὶ τὴν ἡγεμονίαν ἀνελπίστωσ ἀπέβαλον. ἀγαθὴ γὰρ ἡ τύχη τοὺσ μέγα φρονοῦντασ παραδόξωσ σφῆλαι καὶ διδάξαι μηδὲν ἄγαν κατελπίζειν. ὁ γοῦν Ἀγησίλαοσ ἐχεφρόνωσ ἀρκεσθεὶσ τῷ πρώτῳ προτερήματι, τὴν δύναμιν ἀσινῆ διεφύλαξεν. μετὰ δὲ ταῦτα ὁ μὲν Ἀγησίλαοσ μετὰ τῆσ δυνάμεωσ ἐπανῆλθεν εἰσ τὴν Πελοπόννησον, οἱ δὲ Θηβαῖοι διὰ τὴν Χαβρίου στρατηγίαν σωθέντεσ ἐθαύμασαν τἀνδρὸσ τὴν ἐν τῷ στρατηγήματι ἀγχίνοιαν.

ὁ δὲ Χαβρίασ, πολλῶν καὶ καλῶν αὐτῷ πεπραγμένων κατὰ πόλεμον, ἐπὶ τούτῳ μάλιστα ἐσεμνύνετο τῷ στρατηγήματι, καὶ τὰσ εἰκόνασ τὰσ ὑπὸ τοῦ δήμου δοθείσασ αὐτῷ καθίστανεν ἐχούσασ τοῦτο τὸ σχῆμα. οἱ δὲ Θηβαῖοι μετὰ τὴν ἀπαλλαγὴν τὴν Ἀγησιλάου στρατεύσαντεσ ἐπὶ Θεσπιὰσ τὴν μὲν προφυλακήν, οὖσαν ἀνδρῶν διακοσίων, ἀνεῖλον, τῇ δὲ πόλει προσβολὰσ συνεχεῖσ ποιούμενοι, καὶ μηδὲν ἀξιόλογον πράξαντεσ, ἀπῆγον τὴν δύναμιν εἰσ τὰσ Θήβασ.

Φοιβίδασ δὲ ὁ Λακεδαιμόνιοσ, ἔχων ἀξιόλογον φρουρὰν ἐν ταῖσ Θεσπιαῖσ, ἐκχυθεὶσ ἐκ τῆσ πόλεωσ καὶ προπετῶσ τοῖσ ἀποχωροῦσι Θηβαίοισ ἐπιθέμενοσ, τῶν μὲν στρατιωτῶν ἀπέβαλε πλείουσ τῶν πεντακοσίων, αὐτὸσ δὲ λαμπρῶσ ἀγωνισάμενοσ καὶ πολλοῖσ ἐναντίοισ τραύμασι περιπεσὼν ἡρωικῶσ κατέστρεψε τὸν βίον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 33

(디오도로스 시켈로스, Library, book xv, chapter 33)

상위

목록

SEARCH

MENU NAVIGATION