헬라어 문장 검색 - Διοδορ́Λιβραρψ́8́07́

(디오도로스 시켈로스, Library, book xv, chapter 8)

ἐπ’ ἄρχοντοσ δ’ Ἀθήνησι Δεξιθέου Ῥωμαῖοι κατέστησαν ὑπάτουσ Λεύκιον Λουκρήτιον καὶ Σερούιον Σουλπίκιον. ἐπὶ δὲ τούτων Εὐαγόρασ μὲν ὁ τῶν Σαλαμινίων βασιλεὺσ ἧκεν εἰσ Κύπρον ἐξ Αἰγύπτου, κομίζων χρήματα παρὰ Ἀκόριδοσ τοῦ βασιλέωσ Αἰγύπτου ἐλάττονα τῶν προσδοκηθέντων. καταλαβὼν δὲ τὴν Σαλαμῖνα πολιορκουμένην ἐνεργῶσ, καὶ ὑπὸ τῶν συμμάχων καταλειπόμενοσ, ἠναγκάσθη πρεσβεῦσαι περὶ συλλύσεωσ. ὁ δὲ Τιρίβαζοσ τῶν ὅλων ἔχων τὴν ἡγεμονίαν ἔφησε συγχωρῆσαι τὴν σύλλυσιν, ἐὰν Εὐαγόρασ ἐκχωρήσῃ πασῶν τῶν κατὰ τὴν Κύπρον πόλεων, αὐτῆσ δὲ μόνησ τῆσ Σαλαμῖνοσ βασιλεύων τελῇ τῷ Περσῶν βασιλεῖ κατ’ ἐνιαυτὸν φόρον ὡρισμένον καὶ ποιῇ τὸ προσταττόμενον ὡσ δοῦλοσ δεσπότῃ.

ὁ δ’ Εὐαγόρασ, καίπερ βαρείασ οὔσησ τῆσ αἱρέσεωσ, τὰ μὲν ἄλλα πάντα συνεχώρει, τὸ δ’ ὡσ δοῦλον δεσπότῃ ποιεῖν τὸ προσταττόμενον ἀντέλεγεν, ἔφη δὲ αὑτὸν ὡσ βασιλέα βασιλεῖ δεῖν ὑποτετάχθαι.

οὐ συγχωροῦντοσ δὲ τοῦ Τιριβάζου, Ὀρόντησ ὁ ἕτεροσ στρατηγόσ, φθονῶν τῇ δόξῃ τοῦ Τιριβάζου, γράμματα λάθρᾳ πρὸσ τὸν Ἀρταξέρξην ἔπεμψε κατὰ τοῦ Τιριβάζου. κατηγόρει δ’ αὐτοῦ πρῶτον μὲν ὅτι δυνάμενοσ ἑλεῖν τὴν Σαλαμῖνα τοῦτο μὲν οὐ συντελεῖ, πρεσβείασ δὲ προσδέχεται παρ’ αὐτοῦ καὶ συλλαλεῖ περὶ κοινοπραγίασ, ὁμοίωσ δὲ καὶ πρὸσ Λακεδαιμονίουσ συντίθεται συμμαχίαν ἰδίᾳ, φίλοσ ὢν αὐτῶν·

ὡσ καὶ Πυθώδε τινὰσ ἔπεμψεν ἐρησομένουσ τὸν θεὸν περὶ τῆσ ἐπαναστάσεωσ, τὸ δὲ μέγιστον, ὅτι τοὺσ ἡγεμόνασ τῶν δυνάμεων ἰδίουσ εὐνοίαισ κατασκευάζει, τιμαῖσ καὶ δωρεαῖσ, ἔτι δ’ ἐπαγγελίαισ προσαγόμενοσ. ὁ δὲ βασιλεὺσ ἀναγνοὺσ τὴν ἐπιστολὴν καὶ πιστεύσασ ταῖσ διαβολαῖσ, ἔγραψε τῷ Ὀρόντῃ συλλαβεῖν τὸν Τιρίβαζον καὶ πρὸσ ἑαυτὸν ἀποστεῖλαι.

οὗ πράξαντοσ τὸ προσταχθέν, ὁ μὲν Τιρίβαζοσ ἀναχθεὶσ ὡσ τὸν βασιλέα καὶ κρίσεωσ τυχεῖν ἀξιώσασ κατὰ μὲν τὸ παρὸν παρεδόθη εἰσ φυλακήν, μετὰ δὲ ταῦτα τοῦ βασιλέωσ ἔχοντοσ πόλεμον πρὸσ Καδουσίουσ καὶ τὴν κρίσιν ἀναβαλλομένου, διείλκετο τὰ περὶ τοῦ δικαστηρίου. ὁ δ’ Ὀρόντησ διαδεξάμενοσ τὴν ἡγεμονίαν τῶν ἐν τῇ Κύπρῳ δυνάμεων, καὶ τὸν Εὐαγόραν πάλιν τεθαρρηκότωσ ὁρῶν ὑπομένοντα τὴν πολιορκίαν, πρὸσ δὲ τούτοισ τῶν στρατιωτῶν χαλεπῶσ ὑπομενόντων τὴν σύλληψιν τοῦ Τιριβάζου, καὶ διὰ τοῦτο ἀπειθούντων καὶ τὴν πολιορκίαν ἐγκαταλειπόντων, δείσασ Ὀρόντησ τὸ τῆσ περιστάσεωσ παράλογον, ἐξέπεμψε πρὸσ τὸν Εὐαγόραν τοὺσ διαλεξομένουσ περὶ τῆσ συλλύσεωσ καὶ κελεύσοντασ συντίθεσθαι τὴν εἰρήνην, ἐφ’ οἷσ ἐκεῖνοσ ἠξίου συντίθεσθαι πρὸσ Τιρίβαζον.

ὁ μὲν οὖν Εὐαγόρασ παραδόξωσ ἐξωσιοῦτο τὴν ἅλωσιν, καὶ συνέθετο τὴν εἰρήνην, ὥστε βασιλεύειν τῆσ Σαλαμῖνοσ καὶ τὸν ὡρισμένον διδόναι φόρον κατ’ ἐνιαυτὸν καὶ ὑπακούειν ὡσ βασιλεὺσ βασιλεῖ προστάττοντι.

ὁ μὲν οὖν Κυπριακὸσ πόλεμοσ δεκαετὴσ σχεδὸν γεγενημένοσ καὶ τὸ πλέον τοῦ χρόνου περὶ παρασκευὰσ ἀσχοληθείσ, διετῆ χρόνον τὸν ἐπὶ πᾶσι συνεχῶσ πολεμηθεὶσ τοῦτον τὸν τρόπον κατελύθη. ὁ δὲ τοῦ στόλου τὴν ναυαρχίαν ἔχων Γλῶσ, γεγαμηκὼσ τοῦ Τιριβάζου τὴν θυγατέρα, περίφοβοσ ὢν μήποτε συνεργεῖν δόξασ τῷ Τιριβάζῳ περὶ τῆσ ὑποθέσεωσ τύχῃ τιμωρίασ ὑπὸ τοῦ βασιλέωσ, ἔγνω καινῇ πραγμάτων ἐπιβολῇ τὰ καθ’ ἑαυτὸν ἀσφαλίζεσθαι.

εὐπορῶν δὲ χρημάτων καὶ στρατιωτῶν, ἔτι δὲ τοὺσ τριηράρχουσ ταῖσ εὐνοίαισ ἰδίουσ πεποιημένοσ, διέγνω τοῦ βασιλέωσ ἀφίστασθαι. εὐθὺσ οὖν πρὸσ μὲν Ἄκοριν τὸν βασιλέα τῶν Αἰγυπτίων διαπρεσβευσάμενοσ συμμαχίαν συνέθετο κατὰ τοῦ βασιλέωσ, πρὸσ δὲ τοὺσ Λακεδαιμονίουσ γράφων ἐπῇρε κατὰ τοῦ βασιλέωσ, καὶ χρημάτων πλῆθοσ ἐπηγγέλλετο δώσειν καὶ τὰσ ἄλλασ ἐπαγγελίασ μεγάλασ ἐποιεῖτο, ὑπισχνούμενοσ συμπράξειν αὐτοῖσ τὰ κατὰ τὴν Ἑλλάδα καὶ τὴν ἡγεμονίαν αὐτοῖσ τὴν πάτριον συγκατασκευάσειν.

οἱ δὲ Σπαρτιᾶται καὶ πάλαι μὲν διεγνώκεισαν ἀνακτᾶσθαι τὴν ἡγεμονίαν, τότε δὲ συνετάραττον ἤδη τὰσ πόλεισ καὶ πᾶσιν ὑπῆρχον φανεροὶ τὰσ πόλεισ καταδουλούμενοι.

πρὸσ δὲ τούτοισ ἀδοξοῦντεσ ἐπὶ τῷ δοκεῖν ἐν τῇ πρὸσ τὸν βασιλέα συνθέσει τοὺσ κατὰ τὴν Ἀσίαν Ἕλληνασ ἐκδότουσ πεποιηκέναι, μετεμέλοντο τοῖσ πεπραγμένοισ καὶ πρόφασιν εὔλογον ἐζήτουν τοῦ πρὸσ τὸν Ἀρταξέρξην πολέμου. διόπερ ἄσμενοι συνέθεντο πρὸσ τὸν Γλῶ τὴν συμμαχίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 8

(디오도로스 시켈로스, Library, book xv, chapter 8)

상위

목록

SEARCH

MENU NAVIGATION