헬라어 문장 검색 - Διοδορ́Λιβραρψ́8́06́

(디오도로스 시켈로스, Library, book xv, chapter 7)

παραπλήσιον δὲ συνέβη καὶ περὶ Πλάτωνα τὸν φιλόσοφον γενέσθαι. μεταπεμψάμενοσ γὰρ τὸν ἄνδρα τοῦτον τὸ μὲν πρῶτον ἀποδοχῆσ ἠξίου τῆσ μεγίστησ, ὁρῶν αὐτὸν παρρησίαν ἔχοντα ἀξίαν τῆσ φιλοσοφίασ· ὕστερον δ’ ἔκ τινων λόγων προσκόψασ αὐτῷ παντελῶσ ἀπηλλοτριώθη, καὶ προαγαγὼν εἰσ τὸ πρατήριον ὡσ ἀνδράποδον ἀπέδοτο μνῶν εἴκοσι. ἀλλὰ τοῦτον μὲν οἱ φιλόσοφοι συνελθόντεσ ἐξηγόρασαν καὶ ἐξαπέστειλαν εἰσ τὴν Ἑλλάδα, φιλικὴν νουθεσίαν ἐπιφθεγξάμενοι, διότι δεῖ τὸν σοφὸν τοῖσ τυράννοισ ἢ ὡσ ἥκιστα ἢ ὡσ ἥδιστα ὁμιλεῖν· ὁ δὲ Διονύσιοσ τῆσ εἰσ τὰ ποιήματα σπουδῆσ οὐκ ἀφιστάμενοσ εἰσ μὲν τὴν Ὀλυμπιακὴν πανήγυριν ἐξαπέστειλε τοὺσ εὐφωνοτάτουσ τῶν ὑποκριτῶν διαθησομένουσ ἐν τοῖσ ὄχλοισ μετ’ ᾠδῆσ τὰ ποιήματα.

οὗτοι δὲ τὸ μὲν πρῶτον διὰ τὴν εὐφωνίαν ἐξέπληττον τοὺσ ἀκούοντασ, μετὰ δὲ ταῦτα ἀναθεωρήσεωσ γενομένησ κατεφρονήθησαν καὶ πολὺν ἀπηνέγκαντο γέλωτα. ὁ δὲ Διονύσιοσ ἀκούσασ τὴν τῶν ποιημάτων καταφρόνησιν ἐνέπεσεν εἰσ ὑπερβολὴν λύπησ·

αἰεὶ δὲ μᾶλλον τοῦ πάθουσ ἐπίτασιν λαμβάνοντοσ, μανιώδησ διάθεσισ κατέσχε τὴν ψυχὴν αὐτοῦ, καὶ φθονεῖν αὐτῷ φάσκων ἅπαντασ τοὺσ φίλουσ ὑπώπτευεν ὡσ ἐπιβουλεύοντασ. καὶ πέρασ ἐπὶ τοσοῦτο προῆλθε λύττησ καὶ παρακοπῆσ, ὥστε τῶν φίλων πολλοὺσ μὲν ἐπὶ ψευδέσιν αἰτίαισ ἀνελεῖν, οὐκ ὀλίγουσ δὲ καὶ ἐφυγάδευσεν· ἐν οἷσ ἦν Φίλιστοσ καὶ Λεπτίνησ ὁ ἀδελφόσ, ἄνδρεσ διαφέροντεσ ἀνδρείᾳ καὶ πολλὰσ καὶ μεγάλασ χρείασ ἐν τοῖσ πολέμοισ αὐτῷ παρεσχημένοι. οὗτοι μὲν οὖν φυγόντεσ εἰσ Θουρίουσ τῆσ Ἰταλίασ, καὶ παρὰ τοῖσ Ἰταλιώταισ μεγάλησ ἀποδοχῆσ τυγχάνοντεσ, ὕστερον δεηθέντοσ τοῦ Διονυσίου διηλλάγησαν, καὶ κατελθόντεσ εἰσ τὰσ Συρακούσασ εἰσ τὴν προϋπάρξασαν εὔνοιαν ἀποκατεστάθησαν·

ὁ δὲ Λεπτίνησ ἔγημε τὴν Διονυσίου θυγατέρα. ταῦτα μὲν οὖν ἐπράχθη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 7

(디오도로스 시켈로스, Library, book xv, chapter 7)

상위

목록

SEARCH

MENU NAVIGATION