헬라어 문장 검색 - ΑτηενάΤηεΔειπ

(아테나이오스, The Deipnosophists, Book 2, book 2, chapter 25)

ἐκκλίνειν δὲ δεῖ τὰ πάχη τῶν μύρων ὕδωρ τε πίνειν τὸ κατὰ πρόσοψιν λεπτὸν καὶ διαυγέσ, ὃ δὴ καὶ κατὰ τὸν σταθμόν ἐστι κοῦφον καὶ οὐδὲν ἐν αὑτῷ γεῶδεσ ἔχει. τὸ δὲ συμμέτρωσ θερμαινόμενον καὶ ψυχόμενον ὕδωρ χρηστόν ἐστι καὶ εἰσ χάλκεον ἢ ἀργύρεον ἄγγοσ ἐγχεόμενον οὐ ποιεῖ τὸ ἰῶδεσ. φησὶ δὲ καὶ Ἱπποκράτησ· ὕδωρ τὸ ταχέωσ θερμαινόμενον καὶ ψυχόμενον ἀεὶ κουφότερον. μοχθηρὰ δ’ ἐστὶ τὰ βραδέωσ τὰ ὄσπρια τήκοντα. τοιαῦτα δὲ τὰ νιτρώδη καὶ ἁλμυρά, ἐν δὲ τῷ περὶ ὑδάτων Ἱπποκράτησ καλεῖ τὸ χρηστὸν ὕδωρ πότιμον. τὰ δὲ τῶν ὑδάτων στάσιμα χαλεπά, ὡσ τὰ λιμναῖα καὶ τὰ ἑλώδη. ἐστὶ δὲ καὶ τῶν κρηναίων τὰ πλεῖστα σκληρότερα. "δοκιμάζουσί τινεσ τὰ ὕδατα σταθμῷ ἀνεξετάστωσ. "ἰδοὺ γὰρ τοῦ ἐξ Ἀμφιαράου ὕδατοσ καὶ τοῦ ἐξ Ἐρετρίασ συμβαλλομένων, τοῦ μὲν φαύλου τοῦ δὲ χρηστοῦ ὄντοσ, οὐδ’ ἥτισ ἐστὶ διαφορὰ κατὰ τὸν σταθμόν. Ἱπποκράτησ δ’ ἐν τῷ περὶ τόπων ἄριστά φησιν εἶναι τῶν ὑδάτων ὅσα ἐκ μετεώρων χωρίων ῥεῖ καὶ ἐκ λόφων γεηρῶν. ταῦτα γὰρ λευκὰ καὶ γλυκέα καὶ τὸν οἶνον ὀλίγον φέρειν οἱᾶ́ τέ ἐστι, τόν τε χειμῶνα θερμαίνεται καὶ τὸ θέροσ ψυχρὰ ἐστιν. ἐπαινεῖ δὲ μάλιστα ὧν τὰ ῥεύματα πρὸσ ἀνατολὴν ἡλίου ἔρρωγε καὶ μάλιστα πρὸσ τὰσ θερινάσ.

ἀνάγκη γὰρ λαμπρὰ εἶναι καὶ εὐώδη καὶ κοῦφα. Διοκλῆσ δέ φησι τὸ ὕδωρ πεπτικὸν εἶναι καὶ ἄφυσον ψυκτικόν τε μετρίωσ ὀξυδερκέσ τε καὶ ἥκιστα καρηβαρικὸν κινητικόν τε ψυχῆσ καὶ σώματοσ. Πραξαγόρασ τε ταὐτά φησι· ἐπαινεῖ δὲ τὸ ὄμβριον, Εὐήνωρ δὲ τὰ λακκαῖα· χρηστότερόν τε εἶναι φάσκει τὸ ἐξ Ἀμφιαράου συμβαλλόμενον τῷ ἐν Ἐρετρίᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 2, book 2, chapter 25

(아테나이오스, The Deipnosophists, Book 2, book 2, chapter 25)

상위

목록

SEARCH

MENU NAVIGATION