헬라어 문장 검색 - Αρριαν́Αναβασί1́28́

(아리아노스, Anabasis, book 1, chapter 27)

Ωἴκισται δὲ τῆσ Ἀσπένδου τὰ μὲν πολλὰ ἐπὶ ἄκρᾳ ὀχυρᾷ καὶ ἀποτόμῳ καὶ παῤ αὐτὴν τὴν ἄκραν ὁ Εὐρυμέδων ποταμὸσ ῥεῖ· ἦσαν δὲ αὐτοῖσ καὶ περὶ τῇ ἄκρᾳ ἐν τῷ χθαμαλῷ οὐκ ὀλίγαι οἰκήσεισ καὶ τεῖχοσ περιεβέβλητο αὐταῖσ οὐ μέγα. τὸ μὲν δὴ τεῖχοσ εὐθύσ, ὡσ προσάγοντα Ἀλέξανδρον ἔγνωσαν, ἐκλείπουσιν ὅσοι ἐπῴκουν καὶ τὰσ οἰκίασ, ὅσασ ἐν τῷ χθαμαλῷ ᾠκισμένασ οὐκ ἐδόκουν διαφυλάξαι ἂν δύνασθαι·

αὐτοὶ δὲ ἐσ τὴν ἄκραν ξυμφεύγουσιν. Ἀλέξανδροσ δὲ ὡσ ἀφίκετο ξὺν τῇ δυνάμει, εἴσω τοῦ ἐρήμου τείχουσ παρελθὼν κατεστρατοπέδευσεν ἐν ταῖσ οἰκίαισ ταῖσ καταλελειμμέναισ. πρὸσ τῶν Ἀσπενδίων. οἱ δὲ Ἀσπένδιοι ὡσ εἶδον αὐτόν τε Ἀλέξανδρον παῤ ἐλπίδα ἥκοντα καὶ τὸ στρατόπεδον ἐν κύκλῳ σφῶν πάντῃ, πέμψαντεσ πρέσβεισ ἐδέοντο ἐφ̓ οἷσπερ τὸ πρότερον ξυμβῆναι.

καὶ Ἀλέξανδροσ τό τε χωρίον ἰσχυρὸν ἰδὼν καὶ αὐτὸσ ὡσ οὐκ ἐπὶ χρόνιον πολιορκίαν παρεσκευασμένοσ ἐπὶ τοῖσ αὐτοῖσ μὲν οὐδὲ ὣσ ξυνέβη πρὸσ αὐτούσ· ὁμήρουσ δὲ δοῦναι σφῶν τοὺσ δυνατωτάτουσ ἐκέλευσεν καὶ τοὺσ ἵππουσ, οὓσ πρόσθεν ὡμολόγησαν, καὶ ἑκατὸν τάλαντα ἀντὶ τῶν πεντήκοντα, καὶ πείθεσθαι τῷ σατράπῃ τῷ ὑπ̓ Ἀλεξάνδρου ταχθέντι καὶ φόρουσ ἀποφέρειν ὅσα ἔτη Μακεδόσι, καὶ ὑπὲρ τῆσ χώρασ διακριθῆναι, ἣν τῶν προσχώρων οὖσαν βίᾳ κατέχειν ἐν αἰτίᾳ ἦσαν.

Ὡσ δὲ πάντα οἱ ἐπεχώρησαν, ἀνέζευξεν ἐσ Πέργην, κἀκεῖθεν ἐσ Φρυγίαν ὡρ́μητο· ἦν δὲ αὐτῷ ἡ πορεία παρὰ Τελμισσὸν πόλιν.

οἱ δὲ ἄνθρωποι οὗτοι τὸ μὲν γένοσ Πισίδαι εἰσὶ βάρβαροι, χωρίον δὲ οἰκοῦσιν ὑπερύψηλον καὶ πάντῃ ἀπότομον, καὶ ἡ ὁδὸσ παρὰ τὴν πόλιν χαλεπή. καθήκει γὰρ ἐκ τῆσ πόλεωσ ὄροσ ἔστε ἐπὶ τὴν ὁδόν, καὶ τοῦτο μὲν αὐτοῦ ἐν τῇ ὁδῷ ἀποπαύεται, ἀντίπορον δὲ αὐτῷ ἄλλο ὄροσ ἐστὶν οὐ μεῖον ἀπότομον, καὶ ταῦτα τὰ ὄρη ὥσπερ πύλασ ποιεῖ ἐπὶ τῇ ὁδῷ, καὶ ἔστιν ὀλίγῃ φυλακῇ κατέχοντασ τὰ ὄρη ταῦτα ἄπορον ποιεῖν τὴν πάροδον.

καὶ τότε οἱ Τελμισσεῖσ πανδημεὶ ἐκβεβοηθηκότεσ ἀμφότερα τὰ ὄρη κατεῖχον. ταῦτα δὴ ἰδὼν Ἀλέξανδροσ στρατοπεδεύεσθαι αὐτοῦ, ὅπωσ εἶχον, ἐκέλευε τοὺσ Μακεδόνασ, γνοὺσ, ὅτι οὐ μενοῦσι πανδημεὶ οἱ Τελμισσεῖσ αὐλιζομένουσ σφᾶσ ἰδόντεσ, ἀλλ̓ ἀποχωρήσουσιν ἐσ τὴν πόλιν πλησίον σίου οὖσαν οἱ πολλοὶ αὐτῶν, ὅσον φυλακὴν καταλιπόντεσ ἐπὶ τοῖσ ὄρεσι.

καὶ ξυνέβη, ὅπωσ εἴκαζεν· οἱ μὲν γὰρ πολλοὶ αὐτῶν ἀπῆλθον, αἱ φυλακαὶ δὲ ἐγκατέμειναν. καὶ ἐπὶ τούτουσ εὐθὺσ ἀναλαβὼν τούσ τε τοξότασ καὶ τὰσ τῶν ἀκοντιστῶν τάξεισ καὶ τῶν ὁπλιτῶν ὅσοι κουφότεροι ἐπήγαγεν.

οἱ δὲ οὐκ ἔμειναν βαλλόμενοι, ἀλλὰ ἔλιπον τὸ χωρίον· καὶ Ἀλέξανδροσ ὑπερβαλὼν τὰ στενὰ πρὸσ τῇ πόλει κατεστρατοπέδευσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 27

(아리아노스, Anabasis, book 1, chapter 27)

상위

목록

SEARCH

MENU NAVIGATION