헬라어 문장 검색 - Αρριαν́Αναβασί1́24́

(아리아노스, Anabasis, book 1, chapter 23)

Ἔνθα δὴ ξυνελθόντεσ οἱ ἡγεμόνεσ τῶν Περσῶν, Ὀροντοβάτησ τε καὶ Μέμνων, καὶ ἐκ τῶν παρόντων γνόντεσ σφᾶσ τε οὐ δυναμένουσ ἐπὶ πολὺ ἀντέχειν τῇ πολιορκίᾳ καὶ τοῦ τείχουσ τὸ μὲν τι καταπεπτωκὸσ ἤδη ὁρῶντεσ, τὸ δὲ καὶ κατασεσεισμένον, πολλοὺσ δὲ τῶν στρατιωτῶν ἐν ταῖσ ἐκδρομαῖσ τοὺσ μὲν διεφθαρμένουσ, τοὺσ δὲ καὶ ὑπὸ τοῦ τετρῶσθαι ἀπομάχουσ ὄντασ, ταῦτα ἐν νῷ λαβόντεσ ἀμφὶ δευτέραν φυλακὴν τῆσ νυκτὸσ τόν τε ξύλινον πύργον, ὃν αὐτοὶ ἀντῳκοδόμησαν ταῖσ μηχαναῖσ τῶν πολεμίων, ἐμπιπρᾶσι καὶ τὰσ στοάσ, ἐν αἷσ τὰ βέλη αὐτοῖσ ἀπέκειτο. ἐνέβαλον δὲ καὶ ταῖσ οἰκίαισ πῦρ ταῖσ πλησίον τοῦ τείχουσ·

τῶν δὲ καὶ προσήψατο ἡ φλόξ ἀπὸ τε τῶν στοῶν καὶ τοῦ πύργου πολλὴ ἀπενεχθεῖσα καὶ τι καὶ τοῦ ἀνέμου ταύτῃ ἐπιφέροντοσ·

αὐτῶν δὲ οἱ μὲν ἐσ τὴν ἄκραν τὴν ἐν τῇ νήσῳ ἀπεχώρησαν, οἱ δὲ ἐσ τὴν Σαλμακίδα, ἄκραν οὕτω καλουμένην. Ἀλεξάνδρῳ δὲ ὡσ ἐξηγγέλθη ταῦτα πρόσ τινων αὐτομολησάντων ἐκ τοῦ ἔργου καὶ τὸ πῦρ πολὺ καθεώρα αὐτόσ, καίτοι ἀμφὶ μέσασ που νύκτασ ἦν τὸ γιγνόμενον, ὁ δὲ καὶ ὣσ ἐξαγαγὼν τοὺσ Μακεδόνασ τοὺσ μὲν ἔτι ἐμπιπράντασ τὴν πόλιν ἔκτεινεν, ὅσοι δὲ ἐν ταῖσ οἰκίαισ καταλαμβάνοιντο τῶν Ἁλικαρνασσέων, τούτουσ δὲ σώζειν παρήγγειλεν.

Ἤδη τε ἠὼσ ὑπέφαινε καὶ κατιδὼν τὰσ ἄκρασ. ἃσ οἵ τε Πέρσαι καὶ οἱ μισθοφόροι κατειλήφεσαν, ταύτασ μὲν ἀπέγνω πολιορκεῖν, τριβήν τε ἐπινοῶν οὐκ ὀλίγην ἔσεσθαί οἱ ἀμφ̓ αὐτὰσ τῇ φύσει τῶν χωρίων καὶ οὐ παρὰ μέγα εἶναι ἐξελόντι οἱ τὴν πόλιν ἤδη πᾶσαν.

θάψασ δὲ τοὺσ ἀποθανόντασ ἐν τῇ νυκτὶ τὰσ μὲν μηχανὰσ ἐσ Τράλλεισ ἀπαγαγεῖν ἐκέλευσε τοὺσ ἐπ̓ αὐταῖσ τεταγμένουσ, αὐτὸσ δὲ τὴν πόλιν ἐσ ἔδαφοσ κατασκάψασ αὐτῆσ τε ταύτησ καὶ τῆσ ἄλλησ Καρίασ φυλακὴν ἐγκαταλιπὼν ξένουσ μὲν πεζοὺσ τρισχιλίουσ, ἱππέασ δὲ ἐσ διακοσίουσ καὶ Πτολεμαῖον ἡγεμόνα αὐτῶν ἐπὶ Φρυγίασ ἐστέλλετο.

τῆσ δὲ Καρίασ ξυμπάσησ σατραπεύειν ἔταξεν Ἄδαν, θυγατέρα μὲν Ἑκατόμνω, γυναῖκα δὲ Ἱδριέωσ, ὃσ καὶ ἀδελφὸσ αὐτῇ ὢν κατὰ νόμον τῶν Καρῶν ξυνῴκει.

καὶ ὁ μὲν Ἱδριεὺσ τελευτῶν ταύτῃ ἐπέτρεψε τὰ πράγματα, νενομισμένον ἐν τῇ Ἀσίᾳ ἔτι ἀπὸ Σεμιράμεωσ καὶ γυναῖκασ ἄρχειν ἀνδρῶν. Πιξώδαροσ δὲ τὴν μὲν ἐκβάλλει τῆσ ἀρχῆσ, αὐτὸσ δὲ κατεῖχε τὰ πράγματα. τελευτήσαντοσ δὲ Πιξωδάρου Ὀροντοβάτησ τὴν Καρῶν ἀρχὴν ἐκ βασιλέωσ πεμφθεὶσ εἶχε, γαμβρὸσ ὢν Πιξωδάρου.

Ἄδα δὲ Ἄλινδα μόνον κατεῖχε, χωρίον τῆσ Καρίασ ἐν τοῖσ ὀχυρώτατον, καὶ ἐσβαλόντι Ἀλεξάνδρῳ ἐσ Καρίαν ἀπήντα, τά τε Ἄλινδα ἐνδιδοῦσα καὶ παῖδά οἱ τιθεμένη Ἀλέξανδρον. καὶ Ἀλέξανδροσ τὰ τε Ἄλινδα αὐτῇ ἐπέτρεψε καὶ τὸ ὄνομα τοῦ παιδὸσ οὐκ ἀπηξίωσε, καὶ ἐπειδὴ Ἁλικαρνασσόν τε ἐξεῖλε καὶ τῆσ ἄλλησ Καρίασ ἐπεκράτησεν, αὐτῇ ἄρχειν ἁπάσησ ἔδωκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 23

(아리아노스, Anabasis, book 1, chapter 23)

상위

목록

SEARCH

MENU NAVIGATION