헬라어 문장 검색 - Αρριαν́Αναβασί1́17́

(아리아노스, Anabasis, book 1, chapter 16)

Καὶ οἱ Πέρσαι παιόμενοί τε πανταχόθεν ἤδη ἐσ τὰ πρόσωπα αὐτοί τε καὶ ἵπποι τοῖσ ξυστοῖσ καὶ πρὸσ τῶν ἱππέων ἐξωθούμενοι, πολλὰ δὲ καὶ πρὸσ τῶν ψιλῶν ἀναμεμιγμένων τοῖσ ἱππεῦσι βλαπτόμενοι ἐγκλίνουσι ταύτῃ πρῶτον, ᾗ Ἀλέξανδροσ προεκινδύνευεν. ὡσ δὲ τὸ μέσον ἐνεδεδώκει αὐτοῖσ, παρερρήνυτο δὴ καὶ τὰ ἐφ̓ ἑκάτερα τῆσ ἵππου, καὶ ἦν δὴ φυγὴ καρτερά. τῶν μὲν δὴ ἱππέων τῶν Περσῶν ἀπέθανον εἰσ χιλίουσ. οὐ γὰρ πολλὴ ἡ δίωξισ ἐγένετο, ὅτι ἐξετράπη Ἀλέξανδροσ ἐπὶ τοὺσ ξένουσ τοὺσ μισθοφόρουσ·

ὧν τὸ στῖφοσ, ᾗ τὸ πρῶτον ἐτάχθη, ἐκπλήξει μᾶλλόν τι τοῦ παραλόγου ἢ λογισμῷ βεβαίῳ ἔμενεν· καὶ τούτοισ τήν τε φάλαγγα ἐπαγαγὼν καὶ τοὺσ ἱππέασ πάντῃ προσπεσεῖν κελεύσασ ἐν μέσῳ δἰ ὀλίγου κατακόπτει αὐτούσ, ὥστε διέφυγε μὲν οὐδείσ, ὅτι μὴ διέλαθέ τισ ἐν τοῖσ νεκροῖσ, ἐζωγρήθησαν δὲ ἀμφὶ τοὺσ δισχιλίουσ. ἔπεσον δὲ καὶ ἡγεμόνεσ τῶν Περσῶν Νιφάτησ τε καὶ Πετήνησ καὶ Σπιθριδάτησ ὁ Λυδίασ σατράπησ καὶ ὁ τῶν Καππαδοκῶν ὕπαρχοσ Μιθροβουζάνησ καὶ Μιθριδάτησ ὁ Δαρείου γαμβρὸσ καὶ Ἀρβουπάλησ ὁ Δαρείου τοῦ Ἀρτοξέρξου παῖσ καὶ Φαρνάκησ, ἀδελφὸσ οὗτοσ τῆσ Δαρείου γυναικόσ, καὶ ὁ τῶν ξένων ἡγεμὼν Ὠμάρησ.

Ἀρσίτησ δὲ ἐκ μὲν τῆσ μάχησ φεύγει ἐσ Φρυγίαν, ἐκεῖ δὲ ἀποθνήσκει αὐτὸσ πρὸσ αὑτοῦ, ὡσ λόγοσ, ὅτι αἴτιοσ ἐδόκει Πέρσαισ γενέσθαι τοῦ ἐν τῷ τότε πταίσματοσ. Μακεδόνων δὲ τῶν μὲν ἑταίρων ἀμφὶ τοὺσ εἴκοσι καὶ πέντε ἐν τῇ πρώτῃ προσβολῇ ἀπέθανον·

καὶ τούτων χαλκαῖ εἰκόνεσ ἐν Δίῳ ἑστᾶσιν, Ἀλεξάνδρου κελεύσαντοσ Λύσιππον ποιῆσαι, ὅσπερ καὶ Ἀλέξανδρον μόνοσ προκριθεὶσ ἐποίει· τῶν δὲ ἄλλων ἱππέων ὑπὲρ τοὺσ ἑξήκοντα, πεζοὶ δὲ ἐσ τοὺσ τριάκοντα. καὶ τούτουσ τῇ ὑστεραίᾳ ἔθαψεν Ἀλέξανδροσ ξὺν τοῖσ ὅπλοισ τε καὶ ἄλλῳ κόσμῳ·

γονεῦσι δὲ αὐτῶν καὶ παισὶ τῶν τε κατὰ τὴν χώραν ἀτέλειαν ἔδωκε καὶ ὅσαι ἄλλαι ἢ τῷ σώματι λειτουργίαι ἢ κατὰ τὰσ κτήσεισ ἑκάστων εἰσφοραί, καὶ τῶν τετρωμένων δὲ πολλὴν πρόνοιαν ἔσχεν, ἐπελθών τε αὐτὸσ ἑκάστουσ καὶ τὰ τραύματα ἰδὼν καὶ ὅπωσ τισ ἐτρώθη ἐρόμενοσ καὶ ὅ τι πράττων εἰπεῖν τε καὶ ἀλαζονεύσασθαί οἱ παρασχών. ὁ δὲ καὶ τῶν Περσῶν τοὺσ ἡγεμόνασ ἔθαψεν·

ἔθαψε δὲ καὶ τοὺσ μισθοφόρουσ Ἕλληνασ, οἳ ξὺν τοῖσ πολεμίοισ στρατεύοντεσ ἀπέθανον· ὅσουσ δὲ αὐτῶν αἰχμαλώτουσ ἔλαβε, τούτουσ δὲ δήσασ ἐν πέδαισ εἰσ Μακεδονίαν ἀπέπεμψεν ἐργάζεσθαι, ὅτι παρὰ τὰ κοινῇ δόξαντα τοῖσ Ἕλλησιν Ἕλληνεσ ὄντεσ ἐναντία τῇ Ἑλλάδι ὑπὲρ τῶν βαρβάρων ἐμάχοντο. ἀποπέμπει δὲ καὶ εἰσ Ἀθήνασ τριακοσίασ πανοπλίασ Περσικὰσ ἀνάθημα εἶναι τῇ Ἀθηνᾷ ἐν πόλει·

καὶ ἐπίγραμμα ἐπιγραφῆναι ἐκέλευσε τόδε· Ἀλέξανδροσ Φιλίππου καὶ οἱ Ἕλληνεσ πλὴν Λακεδαιμονίων ἀπὸ τῶν βαρβάρων τῶν τὴν Ἀσίαν κατοικούντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 16

(아리아노스, Anabasis, book 1, chapter 16)

상위

목록

SEARCH

MENU NAVIGATION