헬라어 문장 검색 - Αρριαν́Αναβασί1́11́

(아리아노스, Anabasis, book 1, chapter 10)

Ἐσ δὲ τοὺσ ἄλλουσ Ἕλληνασ ὡσ ἐξηγγέλθη τῶν Θηβαίων τὸ πάθοσ, Ἀρκάδεσ μὲν, ὅσοι βοηθήσοντεσ Θηβαίοισ ἀπὸ τῆσ οἰκείασ ὡρμήθησαν, θάνατον κατεψηφίσαντο τῶν ἐπαράντων σφᾶσ ἐσ τὴν βοήθειαν· Ἠλεῖοι δὲ τοὺσ φυγάδασ σφῶν κατεδέξαντο, ὅτι ἐπιτήδειοι Ἀλεξάνδρῳ ἦσαν· Αἰτωλοὶ δὲ πρεσβείασ σφῶν κατὰ ἔθνη πέμψαντεσ ξυγγνώμησ τυχεῖν ἐδέοντο, ὅτι καὶ αὐτοί τι πρὸσ τὰ παρὰ τῶν Θηβαίων ἀπαγγελθέντα ἐνεωτέρισαν·

Ἀθηναῖοι δέ, μυστηρίων τῶν μεγάλων ἀγομένων ὡσ ἧκόν τινεσ τῶν Θηβαίων ἐξ αὐτοῦ τοῦ ἔργου, τὰ μὲν μυστήρια ἐκπλαγέντεσ ἐξέλιπον, ἐκ δὲ τῶν ἀγρῶν ἐσκευαγώγουν ἐσ τὴν πόλιν. ὁ δῆμοσ δὲ ἐσ ἐκκλησίαν συνελθὼν Δημάδου γράψαντοσ δέκα πρέσβεισ ἐκ πάντων Ἀθηναίων ἐπιλεξάμενοσ πέμπει παρὰ Ἀλέξανδρον, οὕστινασ ἐπιτηδειοτάτουσ Ἀλεξάνδρῳ ἐγίγνωσκον, ὅτι τε σῶοσ ἐξ Ἰλλυριῶν καὶ Τριβαλλῶν ἐπανῆλθε χαίρειν τὸν δῆμον τῶν Ἀθηναίων οὐκ ἐν καιρῷ ἀπαγγελοῦντασ καὶ ὅτι Θηβαίουσ τοῦ νεωτερισμοῦ ἐτιμωρήσατο.

ὁ δὲ τὰ μὲν ἄλλα φιλανθρώπωσ πρὸσ τὴν πρεσβείαν ἀπεκρίνατο, ἐπιστολὴν δὲ γράψασ πρὸσ τὸν δῆμον ἐξῄτει τοὺσ ἀμφὶ Δημοσθένην καὶ Λυκοῦργον·

καὶ Ὑπερείδην δὲ ἐξῄτει καὶ Πολύευκτον καὶ Χάρητα καὶ Χαρίδημον καὶ Ἐφιάλτην καὶ Διότιμον καὶ Μοιροκλέα· τούτουσ γὰρ αἰτίουσ εἶναι τῆσ τε ἐν Χαιρωνείᾳ ξυμφορᾶσ τῇ πόλει γενομένησ καὶ τῶν ὕστερον ἐπὶ τῇ Φιλίππου τελευτῇ πλημμεληθέντων ἔσ τε αὑτὸν καὶ ἐσ Φίλιππον·

καὶ Θηβαίοισ δὲ τῆσ [τε] ἀποστάσεωσ ἀπέφαινεν αἰτίουσ οὐ μεῖον ἢ τοὺσ αὐτῶν Θηβαίων νεωτερίσαντασ. Ἀθηναῖοι δὲ τοὺσ μὲν ἄνδρασ οὐκ ἐξέδοσαν, πρεσβεύονται δὲ αὖθισ παρὰ Ἀλέξανδρον, ἀφεῖναι δεόμενοι τὴν ὀργὴν τοῖσ ἐξαιτηθεῖσι·

καὶ Ἀλέξανδροσ ἀφῆκε, τυχὸν μὲν αἰδοῖ τῆσ πόλεωσ, τυχὸν δὲ σπουδῇ τοῦ ἐσ τὴν Ἀσίαν στόλου, οὐκ ἐθέλων οὐδὲν ὕποπτον ἐν τοῖσ Ἕλλησιν ὑπολείπεσθαι. Χαρίδημον μέντοι μόνον τῶν ἐξαιτηθέντων τε καὶ οὐ δοθέντων φεύγειν ἐκέλευσε· καὶ φεύγει Χαρίδημοσ ἐσ τὴν Ἀσίαν παρὰ βασιλέα Δαρεῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 10

(아리아노스, Anabasis, book 1, chapter 10)

상위

목록

SEARCH

MENU NAVIGATION