헬라어 문장 검색 - Αρριαν́Αναβασί1́08́

(아리아노스, Anabasis, book 1, chapter 7)

Ἐν τούτῳ δὲ τῶν φυγάδων τινὲσ τῶν ἐκ Θηβῶν φευγόντων παρελθόντεσ νύκτωρ ἐσ τὰσ Θήβασ, ἐπαγαγομένων τινῶν αὐτοὺσ ἐπὶ νεωτερισμῷ ἐκ τῆσ πόλεωσ, Ἀμύνταν μὲν καὶ Τιμόλαον τῶν τὴν Καδμείαν ἐχόντων οὐδὲν ὑποτοπήσαντασ πολέμιον ἔξω τῆσ Καδμείασ ἀπέκτειναν ξυλλαβόντεσ· ἐσ δὲ τὴν ἐκκλησίαν παρελθόντεσ ἐπῆραν τοὺσ Θηβαίουσ ἀποστῆναι ἀπὸ Ἀλεξάνδρου, ἐλευθερίαν τε προϊσχόμενοι, παλαιὰ καὶ καλὰ ὀνόματα, καὶ τῆσ βαρύτητοσ τῶν Μακεδόνων ἤδη ποτὲ ἀπαλλαγῆναι.

πιθανώτεροι δὲ ἐσ τὸ πλῆθοσ ἐφαίνοντο τεθνηκέναι Ἀλέξανδρον ἰσχυριζόμενοι ἐν Ἰλλυριοῖσ· καὶ γὰρ καὶ πολὺσ ὁ λόγοσ οὗτοσ καὶ παρὰ πολλῶν ἐφοίτα, ὅτι τε χρόνον ἀπῆν οὐκ ὀλίγον καὶ ὅτι οὐδεμία ἀγγελία παῤ αὐτοῦ ἀφῖκτο, ὥστε, ὅπερ φιλεῖ ἐν τοῖσ τοιοῖσδε, οὐ γιγνώσκοντεσ τὰ ὄντα τὰ μάλιστα καθ̓ ἡδονήν σφισιν εἴκαζον.

Πυθομένῳ δὲ Ἀλεξάνδρῳ τὰ τῶν Θηβαίων οὐδαμῶσ ἐδόκει ἀμελητέα εἶναι, τήν τε τῶν Ἀθηναίων πόλιν δἰ ὑποψίασ ἐκ πολλοῦ ἔχοντι καὶ τῶν Θηβαίων τὸ τόλμημα οὐ φαῦλον ποιουμένῳ, εἰ Λακεδαιμόνιοί τε πάλαι ἤδη ταῖσ γνώμαισ ἀφεστηκότεσ καὶ τινεσ καὶ ἄλλοι τῶν ἐν Πελοποννήσῳ καὶ Αἰτωλοὶ οὐ βέβαιοι ὄντεσ συνεπιλήψονται τοῦ νεωτερισμοῦ τοῖσ Θηβαίοισ.

ἄγων δὴ παρὰ τὴν Εὀρδαίαν τε καὶ τὴν Ἐλιμιῶτιν καὶ παρὰ τὰ τῆσ Στυμφαίασ καὶ Παραυαίασ ἄκρα ἑβδομαῖοσ ἀφικνεῖται ἐσ Πέλινναν τῆσ Θετταλίασ.

ἔνθεν δὲ ὁρμηθεὶσ ἕκτῃ ἡμέρᾳ ἐσβάλλει ἐσ τὴν Βοιωτίαν, ὥστε οὐ πρόσθεν οἱ Θηβαῖοι ἔμαθον εἴσω Πυλῶν παρεληλυθότα αὐτὸν πρὶν ἐν Ὀγχηστῷ γενέσθαι ξὺν τῇ στρατιᾷ πάσῃ. καὶ τότε δὲ οἱ πράξαντεσ τὴν ἀπόστασιν στράτευμα ἐκ Μακεδονίασ Ἀντιπάτρου ἀφῖχθαι ἔφασκον, αὐτὸν δὲ Ἀλέξανδρον τεθνάναι ἰσχυρίζοντο, καὶ τοῖσ ἀπαγγέλλουσιν ὅτι οὗτοσ αὐτὸσ προσάγει Ἀλέξανδροσ χαλεπῶσ εἶχον·

ἄλλον γάρ τινα ἥκειν Ἀλέξανδρον τὸν Αἐρόπου. Ὁ δὲ Ἀλέξανδροσ ἐξ Ὀγχηστοῦ ἄρασ τῇ ὑστεραίᾳ προσῆγε πρὸσ τὴν πόλιν τῶν Θηβαίων κατὰ τὸ τοῦ Ιολάου τέμενοσ·

οὗ δὴ καὶ ἐστρατοπέδευσεν, ἐνδιδοὺσ ἔτι τοῖσ Θηβαίοισ τριβήν, εἰ μεταγνόντεσ ἐπὶ τοῖσ κακῶσ ἐγνωσμένοισ πρεσβεύσαιντο παῤ αὐτόν. οἱ δὲ τοσούτου ἐδέησαν ἐνδόσιμόν τι παρασχεῖν ἐσ ξύμβασιν, ὥστε ἐκθέοντεσ ἐκ τῆσ πόλεωσ οἵ τε ἱππεῖσ καὶ τῶν ψιλῶν οὐκ ὀλίγοι ἔστε ἐπὶ τὸ στρατόπεδον ἠκροβολίζοντο ἐσ τὰσ προφυλακάσ, καὶ τινασ καὶ ἀπέκτειναν οὐ πολλοὺσ τῶν Μακεδόνων.

καὶ Ἀλέξανδροσ ἐκπέμπει τῶν ψιλῶν καὶ τοξοτῶν, ὥστε αὐτῶν ἀναστεῖλαι τὴν ἐκδρομήν·

καὶ οὗτοι οὐ χαλεπῶσ ἀνέστειλαν ἤδη τῷ στρατοπέδῳ αὐτῷ προσφερομένουσ. τῇ δὲ ὑστεραίᾳ ἀναλαβὼν τὴν στρατιὰν πᾶσαν καὶ περιελθὼν κατὰ τὰσ πύλασ τὰσ φερούσασ ἐπ̓ Ἐλευθεράσ τε καὶ τὴν Ἀττικήν, οὐδὲ τότε προσέμιξε τοῖσ τείχεσιν αὐτοῖσ, ἀλλ̓ ἐστρατοπέδευσεν οὐ πολὺ ἀπέχων τῆσ Καδμείασ, ὥστε ἐγγὺσ εἶναι ὠφέλειαν τῶν Μακεδόνων τοῖσ τὴν Καδμείαν ἔχουσιν. οἱ γὰρ Θηβαῖοι τὴν Καδμείαν διπλῷ χάρακι ἐφρούρουν ἀποτειχίσαντεσ, ὡσ μήτε ἔξωθέν τινα τοῖσ ἐγκατειλημμένοισ δύνασθαι ἐπωφελεῖν, μήτε αὐτοὺσ ἐκθέοντασ βλάπτειν τι σφᾶσ, ὁπότε τοῖσ ἔξω πολεμίοισ προσφέροιντο.

Ἀλέξανδροσ δέ ‐ ἔτι γὰρ τοῖσ Θηβαίοισ διὰ φιλίασ ἐλθεῖν μᾶλλόν τι ἢ διὰ κινδύνου ἤθελε ‐ διέτριβε πρὸσ τῇ Καδμείᾳ κατεστρατοπεδευκώσ. ἔνθα δὴ τῶν Θηβαίων οἱ μὲν τὰ βέλτιστα ἐσ τὸ κοινὸν γιγνώσκοντεσ ἐξελθεῖν ὡρ́μηντο παῤ Ἀλέξανδρον καὶ εὑρέσθαι συγγνώμην τῷ πλήθει τῶν Θηβαίων τῆσ ἀποστάσεωσ·

οἱ φυγάδεσ δὲ καὶ ὅσοι τοὺσ φυγάδασ ἐπικεκλημένοι ἦσαν, οὐδενὸσ φιλανθρώπου τυχεῖν ἂν παῤ Ἀλεξάνδρου ἀξιοῦντεσ, ἄλλωσ τε καὶ βοιωταρχοῦντεσ ἔστιν οἳ αὐτῶν, παντάπασιν ἐνῆγον τὸ πλῆθοσ ἐσ τὸν πόλεμον. Ἀλέξανδροσ δὲ οὐδ̓ ὣσ τῇ πόλει προσέβαλλεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 7

(아리아노스, Anabasis, book 1, chapter 7)

상위

목록

SEARCH

MENU NAVIGATION