헬라어 문장 검색 - Αρριαν́Αναβασί1́06́

(아리아노스, Anabasis, book 1, chapter 5)

Αὐτὸσ δὲ ἐπ̓ Ἀγριάνων καὶ Παιόνων προὐχώρει. ἔνθα δὴ ἄγγελοι ἀφίκοντο αὐτῷ Κλεῖτόν τε τὸν Βαρδύλεω ἀφεστάναι ἀγγέλλοντεσ καὶ Γλαυκίαν προσκεχωρηκέναι αὐτῷ τὸν Ταυλαντίων βασιλέα· οἱ δὲ καὶ τοὺσ Αὐταριάτασ ἐπιθήσεσθαι αὐτῷ κατὰ τὴν πορείαν ἐξήγγελλον· ὧν δὴ ἕνεκα κατὰ σπουδὴν ἐδόκει ἀναζευγνύναι. Λάγγαροσ δὲ ὁ τῶν Ἀγριάνων βασιλεὺσ ἤδη μὲν καὶ Φιλίππου ζῶντοσ ἀσπαζόμενοσ Ἀλέξανδρον δῆλοσ ἦν καὶ ἰδίᾳ ἐπρέσβευσε παῤ αὐτόν, τότε δὲ παρῆν αὐτῷ μετὰ τῶν ὑπασπιστῶν, ὅσουσ τε καλλίστουσ καὶ εὐοπλοτάτουσ ἀμφ̓ αὑτὸν εἶχε·

καὶ ἐπειδὴ ἔμαθεν ὑπὲρ τῶν Αὐταριατῶν πυνθανόμενον Ἀλέξανδρον, οἵτινέσ τε καὶ ὁπόσοι εἰε͂ν, οὐκ ἔφη χρῆναι ἐν λόγῳ τίθεσθαι Αὐταριάτασ·

εἶναι γὰρ ἀπολεμωτάτουσ τῶν ταύτῃ· καὶ αὐτὸσ ἐμβαλεῖν ἐσ τὴν χώραν αὐτῶν, ὡσ ἀμφὶ τὰ σφέτερα μᾶλλόν τι ἔχοιεν. καὶ κελεύσαντοσ Ἀλεξάνδρου ἐσβάλλει ἐσ αὐτούσ καὶ ἐμβαλὼν ἦγε καὶ ἔφερε τὴν χώραν αὐτῶν. Αὐταριᾶται μὲν δὴ ἀμφὶ τὰ αὑτῶν εἶχον· Λάγγαροσ δὲ τά τε ἄλλα ἐτιμήθη μεγάλωσ πρὸσ Ἀλεξάνδρου καὶ δῶρα ἔλαβεν, ὅσα μέγιστα παρὰ βασιλεῖ τῷ Μακεδόνων νομίζεται·

καὶ τὴν ἀδελφὴν τὴν Ἀλεξάνδρου Κύναν καὶ ταύτην ὡμολόγησε δώσειν αὐτῷ ἐσ Πέλλαν ἀφικομένῳ Ἀλέξανδροσ. Ἀλλὰ Λάγγαροσ μὲν ἐπανελθὼν οἴκαδε νόσῳ ἐτελεύτησεν.

Ἀλέξανδροσ δὲ παρὰ τὸν Ἐριγόνα ποταμὸν πορευόμενοσ ἐσ Πέλλιον πόλιν ἐστέλλετο. ταύτην γὰρ κατειλήφει ὁ Κλεῖτοσ ὡσ ἐχυρωτάτην τῆσ χώρασ· καὶ πρὸ ταύτην ὡσ ἧκεν Ἀλέξανδροσ, καταστρατοπεδεύσασ πρὸσ τῷ Εὀρδαϊκῷ ποταμῷ τῇ ὑστεραίᾳ ἐγνώκει προσβάλλειν τῷ τείχει. οἱ δὲ ἀμφὶ τὸν Κλεῖτον τὰ κύκλῳ τῆσ πόλεωσ ὄρη ὑπερδέξιά τε ὄντα καὶ δασέα κατεῖχον ὡσ πάντοθεν ἐπιτίθεσθαι τοῖσ Μακεδόσιν εἰ τῇ πόλει προσβάλλοιεν·

Γλαυκίασ δὲ αὐτῷ ὁ τῶν Ταυλαντίων βασιλεὺσ οὔπω παρῆν. Ἀλέξανδροσ μὲν δὴ τῇ πόλει προσῆγεν·

οἱ δὲ πολέμιοι σφαγιασάμενοι παῖδασ τρεῖσ καὶ κόρασ ἴσασ τὸν ἀριθμὸν καὶ κριοὺσ μέλανασ τρεῖσ, ὡρ́μηντο μὲν ὡσ δεξόμενοι ἐσ χεῖρασ τοὺσ Μακεδόνασ, ὁμοῦ δὲ γενομένων ἐξέλιπον καίτοι καρτερὰ ὄντα τὰ κατειλημμένα πρὸσ σφῶν χωρία, ὥστε καὶ τὰ σφάγια αὐτῶν κατελήφθη ἔτι κείμενα. Ταύτῃ μὲν δὴ δῇ ἡμέρᾳ κατακλείσασ αὐτοὺσ ἐσ τὴν πόλιν καὶ στρατοπεδευσάμενοσ πρὸσ τῷ τείχει ἐγνώκει περιτειχισμῷ ἀποκλεῖσαι αὐτούσ·

τῇ δὲ ὑστεραίᾳ παρῆν μετὰ πολλῆσ δυνάμεωσ Γλαυκίασ ὁ τῶν Ταυλαντίων βασιλεύσ. ἔνθα δὴ Ἀλέξανδροσ τὴν μὲν πόλιν ἀπέγνω ἑλεῖν ἂν ξὺν τῇ παρούσῃ δυνάμει, πολλῶν μὲν ἐσ αὐτὴν καὶ μαχίμων ξυμπεφευγότων, πολλῶν δὲ ἅμα τῷ Γλαυκίᾳ προσκεισομένων, εἰ αὐτὸσ τῷ τείχει προσμάχοιτο. Φιλώταν δὲ ἀναλαβόντα τῶν ἱππέων ὅσουσ ἐσ προφυλακὴν καὶ τὰ ὑποζύγια τὰ ἐκ τοῦ στρατοπέδου ἐσ ἐπισιτισμὸν ἔπεμπε.

καὶ ὁ Γλαυκίασ μαθὼν τὴν ὁρμὴν τῶν ἀμφὶ Φιλώταν ἐξελαύνει ἐπ̓ αὐτούσ, καὶ καταλαμβάνει τὰ κύκλῳ ὄρη τοῦ πεδίου, ὅθεν οἱ ξὺν Φιλώτᾳ ἐπισιτιεῖσθαι ἔμελλον. Ἀλέξανδροσ δέ, ἐπειδὴ ἀπηγγέλθη αὐτῷ, ὅτι κινδυνεύουσιν οἵ τε ἱππεῖσ καὶ τὰ ὑποζύγια, εἰ νὺξ αὐτοὺσ καταλήψεται, αὐτὸσ μὲν ἀναλαβὼν τούσ τε ὑπασπιστὰσ καὶ τοὺσ τοξότασ καὶ τοὺσ Ἀγριᾶνασ καὶ ἱππέασ ἐσ τετρακοσίουσ ἐβοήθει σπουδῇ·

τὸ δὲ ἄλλο στράτευμα πρὸσ τῇ πόλει ἀπέλιπεν, ὡσ μὴ ἀποχωρήσαντοσ παντὸσ τοῦ στρατοῦ καὶ οἱ ἐκ τῆσ πόλεωσ ἐπιδραμόντεσ τοῖσ ἀμφὶ Γλαυκίαν συμμίξειαν. ἔνθα δὴ Γλαυκίασ προσάγοντα Ἀλέξανδρον αἰσθόμενοσ ἐκλείπει τὰ ὄρη·

οἱ δὲ ξὺν Φιλώτᾳ ἀσφαλῶσ ἐπὶ τὸ στρατόπεδον διεσώθησαν. ἐδόκουν δ̓ ἔτι τὸν Ἀλέξανδρον ἐν δυσχωρίᾳ ἀπειληφέναι οἱ ἀμφὶ τὸν Κλεῖτον καὶ Γλαυκίαν· τά τε γὰρ ὄρη τὰ ὑπερδέξια κατεῖχον πολλοῖσ μὲν ἱππεῦσι, πολλοῖσ δὲ ἀκοντισταῖσ καὶ σφενδονήταισ καὶ ὁπλίταισ δὲ οὐκ ὀλίγοισ, καὶ οἱ ἐν τῇ πόλει κατειλημμένοι προσκείσεσθαι ἀπαλλαττομένοισ ἤμελλον·

τά τε χωρία δἰ ὧν ἡ πάροδοσ ἦν τῷ Ἀλεξάνδρῳ στενὰ καὶ ὑλώδη ἐφαίνετο, τῇ μὲν πρὸσ τοῦ ποταμοῦ ἀπειργόμενα, τῇ δὲ ὄροσ ὑπερύψηλον ἦν καὶ κρημνοὶ πρὸσ τοῦ ὄρουσ, ὥστε οὐδὲ ἐπὶ τεσσάρων ἀσπίδων ἂν τῷ στρατεύματι ἡ πάροδοσ ἐγένετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 5

(아리아노스, Anabasis, book 1, chapter 5)

상위

목록

SEARCH

MENU NAVIGATION