호흡부호 보기
강세부호 보기
장단부호 보기
작은 Iota 보기
모든 부호 보기
Ιὄβασ δὲ καὶ Πετρήιοσ τῶν γιγνομένων πυνθανόμενοι καὶ οὐδεμίαν σφίσιν οὔτε φυγὴν οὔτε σωτηρίαν ἐπινοοῦντεσ, ἐπὶ τῇ διαίτῃ ξίφεσι διεχρήσαντο ἀλλήλουσ· καὶ τὴν ἀρχὴν τὴν Ιὄβα Καῖσαρ ὑποτελῆ Ῥωμαίοισ ἐποίησεν, αὐτῇ Σαλούστιον Κρίσπον ἐγκαταστήσασ. Ἰτυκαίοισ δὲ καὶ τῷ Κάτωνοσ υἱῷ συνεγίνωσκε· καὶ τὴν θυγατέρα τοῦ Πομπηίου μετὰ δύο παίδων αὐτῆσ ἐν Ἰτύκῃ καταλαβὼν ἐξέπεμπε σώουσ τῷ νέῳ Πομπηίῳ. τῶν δὲ τριακοσίων ὅσουσ εὑρ͂ε διέφθειρεν. Λεύκιοσ δὲ Σκιπίων ὁ αὐτοκράτωρ χειμαζόμενοσ ἐν τῇ θαλάσσῃ καὶ πολεμίαισ ναυσὶν ἐντυχὼν ἐφέρετο γενναίωσ, μέχρι καταλαμβανόμενοσ αὑτόν τε διεχρήσατο καὶ τὸ σῶμα μεθῆκεν ἐσ τὸ πέλαγοσ.
호흡부호 보기
강세부호 보기
장단부호 보기
작은 Iota 보기
모든 부호 보기