호흡부호 보기
강세부호 보기
장단부호 보기
작은 Iota 보기
모든 부호 보기
ἐνταῦθα μέντοι δοκεῖ φιλοτιμίασ ἥττων γενέσθαι· τοὺσ γὰρ Βρεττίουσ πρώτουσ ἀποσφάττειν ἐκέλευσεν, ὡσ μὴ προδοσίᾳ τὴν πόλιν ἔχων φανερὸσ γένοιτο, καὶ ταύτησ τε διήμαρτε τῆσ δόξησ καὶ διαβολὴν ἀπιστίασ προσέλαβε καὶ ὠμότητοσ. ἀπέθανον δὲ πολλοὶ καὶ τῶν Ταραντίνων· οἱ δὲ πραθέντεσ ἐγένοντο τρισμύριοι, καὶ τὴν πόλιν ἡ στρατιὰ διήρπασεν ἀνηνέχθη δ’ εἰσ τὸ δημόσιον τρισχίλια τάλαντα, πάντων δὲ τῶν ἄλλων ἀγομένων καὶ φερομένων λέγεται τὸν γραμματέα πυθέσθαι τοῦ Φαβίου περὶ τῶν θεῶν τί κελεύει, τὰσ γραφὰσ οὕτω προσαγορεύσαντα καὶ τοὺσ ἀνδριάντασ·
호흡부호 보기
강세부호 보기
장단부호 보기
작은 Iota 보기
모든 부호 보기