헬라어 문장 검색 - Πλυταρ́ΦαβιυσΜ́11́

(플루타르코스, Fabius Maximus, chapter 11)

ὁ δὲ ταῦτα μὲν εἰρωνείαν ἡγεῖτο γεροντικήν· παραλαβὼν δὲ τὴν ἀποκληρωθεῖσαν δύναμιν ἰδίᾳ καὶ χωρὶσ ἐστρατοπέδευσεν, οὐδὲν ἀγνοοῦντοσ τοῦ Ἀννίβου τῶν γινομένων, ἀλλὰ πᾶσιν ἐφεδρεύοντοσ. ἦν δὲ λόφοσ κατὰ μέσον καταληφθῆναι μὲν οὐ χαλεπόσ, ὀχυρὸσ δὲ καταληφθεὶσ στρατοπέδῳ καὶ διαρκὴσ εἰσ ἅπαντα, τὸ δὲ πέριξ πεδίον ὀφθῆναι μὲν ἄπωθεν ὁμαλὸν διὰ ψιλότητα καὶ λεῖον, ἔχον δέ τινασ οὐ μεγάλασ τάφρουσ ἐν αὑτῷ καὶ κοιλότητασ ἄλλασ. διὸ καὶ τὸν λόφον ἐκ τοῦ ῥᾴστου κρύφα κατασχεῖν παρόν οὐκ ἠθέλησεν ὁ Ἀννίβασ, ἀλλ’ ἀπέλιπε μάχησ ἐν μέσῳ πρόφασιν.

ὡσ δ’ εἶδε κεχωρισμένον τοῦ Φαβίου τὸν Μινούκιον, νυκτὸσ μὲν εἰσ τὰσ τάφρουσ καὶ τὰσ κοιλότητασ κατέσπειρε τῶν στρατιωτῶν τινασ, ἅμα δὲ τῇ ἡμέρᾳ φανερῶσ ἔπεμψεν οὐ πολλοὺσ καταληψομένουσ τὸν λόφον, ὡσ ἐπαγάγοιτο συμπεσεῖν περὶ τοῦ τόπου τὸν Μινούκιον. ὃ δὴ καὶ συνέβη, πρῶτον μὲν γὰρ ἀπέστειλε τὴν κούφην στρατιάν, ἔπειτα τοὺσ ἱππεῖσ, τέλοσ δ’ ὁρῶν τὸν Ἀννίβαν παραβοηθοῦντα τοῖσ ἐπὶ τοῦ λόφου πάσῃ κατέβαινε τῇ δυνάμει συντεταγμένοσ, καὶ μάχην καρτερὰν θέμενοσ ἠμύνετο τοὺσ ἀπὸ τοῦ λόφου βάλλοντασ, συμπλεκόμενοσ καὶ ἴσα φερόμενοσ, ἄχρι οὗ καλῶσ ἠπατημένον ὁρῶν ὁ Ἀννίβασ καὶ γυμνὰ παρέχοντα τοῖσ ἐνεδρεύουσι τὰ νῶτα τὸ σημεῖον αἴρει.

πρὸσ δὲ τοῦτο πολλαχόθεν ἐξανισταμένων ἅμα καὶ μετὰ κραυγῆσ προσφερομένων καὶ τοὺσ ἐσχάτουσ ἀποκτιννύντων ἀδιήγητοσ κατεῖχε ταραχὴ καὶ πτοία τοὺσ Ῥωμαίουσ, αὐτοῦ τε τοῦ Μινουκίου τὸ θράσοσ κατακέκλαστο, καὶ πρὸσ ἄλλον ἄλλοτε τῶν ἡγεμόνων διεπάπταινεν, οὐδενὸσ ἐν χώρᾳ μένειν τολμῶντοσ, ἀλλὰ πρὸσ φυγὴν ὠθουμένων οὐ σωτήριον.

οἱ γὰρ Νομάδεσ ἤδη κρατοῦντεσ κύκλῳ περιήλαυνον τὸ πεδίον καὶ τοὺσ ἀποσκιδναμένουσ ἔκτεινον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Fabius Maximus, chapter 11

(플루타르코스, Fabius Maximus, chapter 11)

상위

목록

SEARCH

MENU NAVIGATION