Plutarch, Fabius Maximus, chapter 23

(플루타르코스, Fabius Maximus, chapter 23)

"ἦν ἄρα καί Ῥωμαίοισ Ἀννίβασ τισ ἕτεροσ· ἰδίᾳ δὲ τότε πρῶτον αὐτῷ παραστῆναι πρὸσ τοὺσ φίλουσ εἰπεῖν, ὡσ πάλαι μὲν ἑώρα χαλεπὸν αὐτοῖσ, νῦν δ’ ἀδύνατον κρατεῖν ἀπὸ τῶν ὑπαρχόντων Ἰταλίασ. τοῦτον δεύτερον θρίαμβον ἐθριάμβευσε λαμπρότερον τοῦ προτέρου Φάβιοσ, ὥσπερ ἀθλητὴσ ἀγαθὸσ ἐπαγωνιζόμενοσ τῷ Ἀννίβᾳ καί ῥᾳδίωσ ἀπολυόμενοσ αὐτοῦ τὰσ πράξεισ, ὥσπερ ἅμματα καί λαβὰσ οὐκέτι τὸν αὐτὸν ἐχούσασ τόνον.

ἡ μὲν γὰρ ἀνεῖτο τῆσ δυνάμεωσ αὐτῷ διὰ τρυφὴν καί πλοῦτον, ἡ δ’ ὥσπερ ἐξήμβλυντο καί κατατέτριπτο τοῖσ ἀλωφήτοισ ἀγῶσιν. ἦν δὲ Μᾶρκοσ Λίβιοσ, οὗ τὸν Τάραντα φρουροῦντοσ ὁ Ἀννίβασ ἀπέστησεν ὅμωσ δὲ τὴν ἄκραν κατέχων οὐκ ἐξεκρούσθη, καί διεφύλαξεν ἄχρι τοῦ πάλιν ὑπὸ Ῥωμαίοισ γενέσθαι τοὺσ Ταραντίνουσ.

τοῦτον ἠνία Φάβιοσ τιμώμενοσ, καί ποτε πρὸσ τὴν σύγκλητον ὑπὸ φθόνου καί φιλοτιμίασ ἐξενεχθεὶσ εἶπεν ὡσ οὐ Φάβιοσ, ἀλλ’ αὐτὸσ αἴτιοσ γένοιτο τοῦ τὴν Ταραντίνων ἁλῶναι. "εἰ μὴ γὰρ σὺ τὴν πόλιν ἀπέβαλεσ, οὐκ ἂν ἐγὼ παρέλαβον.

일치하는 문장이 없습니다.

SEARCH

MENU NAVIGATION