Plutarch, Fabius Maximus, chapter 14

(플루타르코스, Fabius Maximus, chapter 14)

ἐκ τούτου Φάβιοσ μὲν ἀπέθετο τὴν ἀρχήν, ὕπατοι δ’ αὖθισ ἀπεδείκνυντο. καὶ τούτων οἱ μὲν πρῶτοι διεφύλαξαν ἣν ἐκεῖνοσ ἰδέαν τοῦ πολέμου κατέστησε, μάχεσθαι μὲν ἐκ παρατάξεωσ φεύγοντεσ πρὸσ Ἀννίβαν, τοῖσ δὲ συμμάχοισ ἐπιβοηθοῦντεσ καὶ τὰσ ἀποστάσεισ κωλύοντεσ· Τερέντιοσ δὲ Βάρρων εἰσ τὴν ὑπατείαν προαχθεὶσ ἀπὸ γένουσ ἀσήμου, βίου δὲ διὰ δημοκοπίαν καὶ προπέτειαν ἐπισήμου, δῆλοσ ἦν εὐθὺσ ἀπειρίᾳ καὶ θρασύτητι τὸν περὶ τῶν ὅλων ἀναρρίψων κύβον. ἐβόα γὰρ ἐν ταῖσ ἐκκλησίαισ μενεῖν τὸν πόλεμον ἄχρι οὗ Φαβίοισ χρῆται στρατηγοῖσ ἡ πόλισ, αὐτὸσ δὲ τῆσ αὐτῆσ ἡμέρασ ὄψεσθαί τε καὶ νικήσειν τοὺσ πολεμίουσ, ἅμα δὲ τούτοισ τοῖσ λόγοισ συνῆγε καὶ κατέγραφε δύναμιν τηλικαύτην, ἡλίκῃ πρὸσ οὐδένα πώποτε τῶν πολεμίων ἐχρήσαντο Ῥωμαῖοι.

μυριάδεσ γὰρ ἐννέα δισχιλίων ἀνδρῶν δέουσαι συνετάχθησαν εἰσ τὴν μάχην, μέγα δέοσ Φαβίῳ καὶ τοῖσ νοῦν ἔχουσι Ῥωμαίων οὐ γὰρ ἤλπιζον ἕξειν ἀναφορὰν τὴν πόλιν ἐν τοσαύτῃ σφαλεῖσαν ἡλικίᾳ. διὸ καὶ τὸν συνάρχοντα τοῦ Τερεντίου Παῦλον Αἰμίλιον, ἄνδρα πολλῶν πολέμων ἔμπειρον, οὐκ ἀρεστὸν δὲ τῷ δήμῳ καὶ καταπλῆγα ἔκ τινοσ καταδίκησ πρὸσ τὸ δημόσιον αὐτῷ γεγενημένησ, ἀνίστη καὶ παρεθάρρυνεν ἐπιλαμβάνεσθαι τῆσ ἐκείνου μανίασ, διδάσκων ὡσ οὐ πρὸσ Ἀννίβαν αὐτῷ μᾶλλον ἢ πρὸσ Τερέντιον ὑπὲρ τῆσ πατρίδοσ ὁ ἀγὼν ἔσοιτο σπεύδειν γὰρ μάχην γενέσθαι τὸν μὲν οὐκ αἰσθανόμενον τῆσ δυνάμεωσ, τὸν δ’ αἰσθανόμενον τῆσ περὶ αὑτὸν ἀσθενείασ.

"ὦ Παῦλε, Τερεντίου πιστεύεσθαι δικαιότερόσ εἰμι περὶ τῶν Ἀννίβου πραγμάτων διαβεβαιούμενοσ ὡσ, εἰ μηδεὶσ αὐτῷ μαχεῖται τοῦτον τὸν ἐνιαυτόν, ἀπολεῖται μένων ὁ ἀνὴρ ἢ φεύγων ἄπεισιν, ᾧ γε καὶ νῦν νικᾶν καὶ κρατεῖν δοκοῦντι τῶν μὲν πολεμίων οὐδεὶσ προσκεχώρηκε, τῆσ δ’ οἴκοθεν δυνάμεωσ οὐδ’ ἡ τρίτη μοῖρα πάνυ περίεστι.

"ἐμοὶ μὲν, ὦ Φάβιε, τὰ ἐμαυτοῦ σκοποῦντι κρεῖττόν ἐστι τοῖσ τῶν πολεμίων ὑποπεσεῖν δόρασιν ἢ πάλιν ταῖσ ψήφοισ τῶν πολιτῶν εἰ δ’ οὕτωσ ἔχει τὰ δημόσια πράγματα, πειράσομαι μᾶλλον σοὶ δοκεῖν ἀγαθὸσ εἶναι στρατηγὸσ ἢ πᾶσι τοῖσ ἄλλοισ ἐπὶ τἀναντία βιαζομένοισ.

ταύτην ἔχων τὴν προαίρεσιν ὁ Παῦλοσ ἐξῆλθεν ἐπὶ τὸν πόλεμον.

일치하는 문장이 없습니다.

SEARCH

MENU NAVIGATION