호흡부호 보기
강세부호 보기
장단부호 보기
작은 Iota 보기
모든 부호 보기
ὁρῶν δὲ τοὺσ ἡγεμόνασ ἀποδειλιῶντασ, καὶ μάλιστα ὅσοι τῶν ἐπιφανῶν καὶ νέων αὐτῷ συνεξῆλθον ὡσ δὴ τρυφῇ χρησόμενοι καὶ χρηματισμῷ τῇ μετὰ Καίσαροσ στρατείᾳ, συναγαγὼν εἰσ ἐκκλησίαν ἐκέλευσεν ἀπιέναι καὶ μὴ κινδυνεύειν παρὰ γνώμην οὕτωσ ἀνάνδρωσ καὶ μαλακῶσ ἔχοντασ, αὐτὸσ δὲ ἔφη τὸ δέκατον τάγμα μόνον παραλαβὼν ἐπὶ τοὺσ βαρβάρουσ πορεύσεσθαι, μήτε κρείττοσι μέλλων Κίμβρων μάχεσθαι πολεμίοισ μήτε αὐτὸσ ὢν Μαρίου χείρων στρατηγόσ, ἐκ τούτου τὸ μὲν δέκατον τάγμα πρεσβευτὰσ ἔπεμψε πρὸσ αὐτόν χάριν ἔχειν ὁμολογοῦντεσ, τὰ δὲ ἄλλα τοὺσ ἑαυτῶν ἐκάκιζον ἡγεμόνασ, ὁρμῆσ δὲ καὶ προθυμίασ γενόμενοι πλήρεισ ἅπαντεσ ἠκολούθουν ὁδὸν ἡμερῶν πολλῶν, ἑώσ ἐν διακοσίοισ τῶν πολεμίων σταδίοισ κατεστρατοπέδευσαν.
호흡부호 보기
강세부호 보기
장단부호 보기
작은 Iota 보기
모든 부호 보기