헬라어 문장 검색 - Πλυταρ́Ξαεσαρ́15́

(플루타르코스, Caesar, chapter 15)

τοιαῦτα μὲν οὖν λέγεται γενέσθαι τὰ πρὸ τῶν Γαλατικῶν. ὁ δὲ τῶν πολέμων οὓσ ἐπολέμησε μετὰ ταῦτα, καὶ τῶν στρατειῶν αἷσ ἡμερώσατο τὴν Κελτικὴν, χρόνοσ, ὥσπερ ἄλλην ἀρχὴν λαβόντοσ αὐτοῦ καὶ καταστάντοσ εἰσ ἑτέραν τινὰ βίου καὶ πραγμάτων καινῶν ὁδόν, οὐκ ἔστιν ὅτου τῶν μάλιστα τεθαυμασμένων ἐφ’ ἡγεμονίᾳ καὶ μεγίστων γεγονότων ἀπολείποντα πολεμιστὴν καὶ στρατηλάτην ἀπέδειξεν αὐτόν, ἀλλ’ εἴτε Φαβίουσ καὶ Σκηπίωνασ καὶ Μετέλλονσ καὶ τοὺσ κατ’ αὐτὸν ἢ μικρὸν ἔμπροσθεν αὐτοῦ, Σύλλαν καὶ Μάριον ἀμφοτέρουσ τ̣ ε Λευκούλλουσ ἢ καὶ Πομπήϊον αὐτόν, οὗ κλέοσ ὑπουράνιον ἤνθει τότε παντοίασ περὶ πόλεμον ἀρετῆσ, παραβάλοι τισ, αἱ Καίσαροσ ὑπερβάλλουσι πράξεισ τὸν μὲν χαλεπότητι τόπων ἐν οἷσ ἐπολέμησε, τὸν δὲ μεγέθει χώρασ ἣν προσεκτήσατο, τὸν δὲ πλήθει καὶ βίᾳ πολεμίων οὓσ ἐνίκησε, τὸν δὲ ἀτοπίαισ καὶ ἀπιστίαισ ἠθῶν ἃ καθωμίλησε, τὸν δὲ ἐπιεικείᾳ καὶ πρᾳότητι πρὸσ τοὺσ ἁλισκομένουσ, τὸν δὲ δώροισ καὶ χάρισι πρὸσ τοὺσ συστρατευομένουσ, πάντασ δὲ τῷ πλείστασ μεμαχῆσθαι μάχασ καὶ πλείστουσ ἀνῃρηκέναι τῶν ἀντιταχθέντων.

ἔτη γὰρ οὐδὲ δέκα πολεμήσασ περὶ Γαλατίαν πόλεισ μὲν ὑπὲρ ὀκτακοσίασ κατὰ κράτοσ εἷλεν, ἔθνη δὲ ἐχειρώσατο τριακόσια, μυριάσι δὲ παραταξάμενοσ κατὰ μέροσ τριακοσίαισ ἑκατὸν μὲν ἐν χερσὶ διέφθειρεν, ἄλλασ δὲ τοσαύτασ ἐζώγρησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Caesar, chapter 15

(플루타르코스, Caesar, chapter 15)

상위

목록

SEARCH

MENU NAVIGATION