호흡부호 보기
강세부호 보기
장단부호 보기
작은 Iota 보기
모든 부호 보기
ἡ δὲ τοῦ ἡμερολογίου διάθεσισ καὶ διόρθωσισ τῆσ περὶ τὸν χρόνον ἀνωμαλίασ φιλοσοφηθεῖσα χαριέντωσ ὑπ’ αὐτοῦ καὶ τέλοσ λαβοῦσα γλαφυρωτάτην παρέσχε χρείαν. ἀλλὰ καὶ περὶ τὴν τότε οὖσαν ἡλιακὴν οἱ μὲν ἄλλοι παντάπασι τούτων ἀσυλλογίστωσ εἶχον, οἱ δὲ ἱερεῖσ μόνοι τὸν καιρὸν εἰδότεσ ἐξαίφνησ καὶ προῃσθημένου μηδενὸσ τὸν ἐμβόλιμον προσέγραφον μῆνα, Μερκηδόνιον ὀνομάζοντεσ, ὃν Νομᾶσ ὁ βασιλεὺσ πρῶτοσ ἐμβαλεῖν λέγεται, μικρὰν καὶ διατείνουσαν οὐ πόρρω βοήθειαν ἐξευρὼν τῆσ περὶ τὰσ ἀποκαταστάσεισ πλημμελείασ, ὡσ ἐν τοῖσ περὶ ἐκείνου γέγραπται.
Καῖσαρ δὲ τοῖσ ἀρίστοισ τῶν φιλοσόφων καὶ μαθηματικῶν τὸ πρόβλημα προθείσ ἐκ τῶν ὑποκειμένων ἤδη μεθόδων ἔμιξεν ἰδίαν τινὰ καὶ διηκριβωμένην μᾶλλον ἐπανόρθωσιν, ᾗ χρώμενοι μέχρι νῦν Ῥωμαῖοι δοκοῦσιν ἧττον ἑτέρων σφάλλεσθαι περὶ τὴν ἀνωμαλίαν.
οὐ μὴν ἀλλὰ καὶ τοῦτο τοῖσ βασκαίνουσι καὶ βαρυνομένοισ τὴν δύναμιν αἰτίασ παρεῖχε. "ἐκ διατάγματοσ. ὡσ καὶ τοῦτο πρὸσ ἀνάγκην τῶν ἀνθρώπων δεχομένων.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기