헬라어 문장 검색 - Πλυταρ́Ξαεσαρ́19́

(플루타르코스, Caesar, chapter 19)

δεύτερον δὲ πρὸσ Γερμανοὺσ ἄντικρυσ ὑπὲρ Κελτῶν ἐπολέμησε, καίτοι τὸν βασιλέα πρότερον αὐτῶν Ἀριόβιστον ἐν Ῥώμῃ σύμμαχον πεποιημένοσ ἀλλ’ ἦσαν ἀφόρητοι τοῖσ ὑπηκόοισ αὐτοῦ γείτονεσ, καὶ καιροῦ παραδόντοσ οὐκ ἂν ἐδόκουν ἐπὶ τοῖσ παροῦσιν ἀτρεμήσειν, ἀλλ’ ἐπινεμήσεσθαι καὶ καθέξειν τὴν Γαλατίαν. ὁρῶν δὲ τοὺσ ἡγεμόνασ ἀποδειλιῶντασ, καὶ μάλιστα ὅσοι τῶν ἐπιφανῶν καὶ νέων αὐτῷ συνεξῆλθον ὡσ δὴ τρυφῇ χρησόμενοι καὶ χρηματισμῷ τῇ μετὰ Καίσαροσ στρατείᾳ, συναγαγὼν εἰσ ἐκκλησίαν ἐκέλευσεν ἀπιέναι καὶ μὴ κινδυνεύειν παρὰ γνώμην οὕτωσ ἀνάνδρωσ καὶ μαλακῶσ ἔχοντασ, αὐτὸσ δὲ ἔφη τὸ δέκατον τάγμα μόνον παραλαβὼν ἐπὶ τοὺσ βαρβάρουσ πορεύσεσθαι, μήτε κρείττοσι μέλλων Κίμβρων μάχεσθαι πολεμίοισ μήτε αὐτὸσ ὢν Μαρίου χείρων στρατηγόσ, ἐκ τούτου τὸ μὲν δέκατον τάγμα πρεσβευτὰσ ἔπεμψε πρὸσ αὐτόν χάριν ἔχειν ὁμολογοῦντεσ, τὰ δὲ ἄλλα τοὺσ ἑαυτῶν ἐκάκιζον ἡγεμόνασ, ὁρμῆσ δὲ καὶ προθυμίασ γενόμενοι πλήρεισ ἅπαντεσ ἠκολούθουν ὁδὸν ἡμερῶν πολλῶν, ἑώσ ἐν διακοσίοισ τῶν πολεμίων σταδίοισ κατεστρατοπέδευσαν.

ἦν μὲν οὖν ὅ τι καὶ πρὸσ τὴν ἔφοδον αὐτὴν ἐτέθραυστο τῆσ γνώμησ τοῦ Ἀριοβίστου.

Γερμανοῖσ γὰρ ἐπιθήσεσθαι Ῥωμαίουσ, ὧν ἐπερχομένων οὐκ ἂν ἐδόκουν ὑποστῆναι, μὴ προσδοκήσασ ἐθαύμαζε τὴν Καίσαροσ τόλμαν καὶ τὸν στρατὸν ἑώρα τεταραγμένον. ἔτι δὲ μᾶλλον αὐτοὺσ ἤμβλυνε τὰ μαντεύματα τῶν ἱερῶν γυναικῶν, αἳ ποταμῶν δίναισ προσβλέπουσαι καὶ ῥευμάτων ἑλιγμοῖσ καὶ ψόφοισ τεκμαιρόμεναι προεθέσπιζον, οὐκ ἐῶσαι μάχην τίθεσθαι πρὶν ἐπιλάμψαι νέαν σελήνην.

ταῦτα τῷ Καίσαρι πυνθανομένῳ καὶ τοὺσ Γερμανοὺσ ἡσυχάζοντασ ὁρῶντι καλῶσ ἔχειν ἔδοξεν ἀπροθύμοισ οὖσιν αὐτοῖσ συμβαλεῖν μᾶλλον ἢ τὸν ἐκείνων ἀναμένοντα καιρὸν καθῆσθαι. καὶ προσβολὰσ ποιούμενοσ τοῖσ ἐρύμασι καὶ λόφοισ ἐφ’ ὧν ἐστρατοπέδευον, ἐξηγρίαινε καὶ παρώξυνε καταβάντασ πρὸσ ὀργὴν διαγωνίσασθαι.

γενομένησ δὲ λαμπρᾶσ τροπῆσ αὐτῶν, ἐπὶ σταδίουσ τετρακοσίουσ ἄχρι τοῦ Ῥήνου διώξασ κατέπλησε τοῦτο πᾶν νεκρῶν τὸ πεδίον καὶ λαφύρων, Ἀριόβιστοσ δὲ φθάσασ μετ’ ὀλίγων διεπέρασε τὸν Ῥῆνον· ἀριθμὸν δὲ νεκρῶν μυριάδασ ὀκτὼ γενέσθαι λέγουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Caesar, chapter 19

(플루타르코스, Caesar, chapter 19)

상위

목록

SEARCH

MENU NAVIGATION