헬라어 문장 검색 - Πλυταρ́Ξαεσαρ́67́

(플루타르코스, Caesar, chapter 67)

Κατειργασμένου δὲ τοῦ ἀνδρόσ ἡ μὲν γερουσία, καίπερ εἰσ μέσον ἐλθόντοσ Βρούτου ὥσ τι περὶ τῶν πεπραγμένων ἐροῦντοσ, οὐκ ἀνασχομένη διὰ θυρῶν ἐξέπιπτε καὶ φεύγουσα κατέπλησε ταραχῆσ καὶ δέουσ ἀπόρου τὸν δῆμον, ὥστε τοὺσ μὲν οἰκίασ κλείειν, τοὺσ δὲ ἀπολείπειν τραπέζασ καὶ χρηματιστήρια, δρόμῳ δὲ χωρεῖν τοὺσ μὲν ἐπὶ τὸν τόπον ὀψομένουσ τὸ πάθοσ, τοὺσ δὲ ἐκεῖθεν ἑωρακότασ. Ἀντώνιοσ δὲ καὶ Λέπιδοσ οἱ μάλιστα φίλοι Καίσαροσ ὑπεκδύντεσ εἰσ οἰκίασ ἑτέρασ κατέφυγον.

ἔνιοι δὲ καὶ συνανέβαινον αὐτοῖσ καὶ κατεμίγνυσαν ἑαυτούσ ὡσ μετεσχηκότεσ τοῦ ἔργου καὶ προσεποιοῦντο τὴν δόξαν, ὧν ἦν καὶ Γάϊοσ Ὀκτάουϊοσ καὶ Λέντλοσ Σπινθήρ.

οὗτοι μὲν οὖν τῆσ ἀλαζονείασ δίκην ἔδωκαν ὕστερον ὑπὸ Ἀντωνίου καὶ τοῦ νέου Καίσαροσ ἀναιρεθέντεσ καὶ μηδὲ τῆσ δόξησ, δι’ ἣν ἀπέθνῃσκον, ἀπολαύσαντεσ ἀπιστίᾳ τῶν ἄλλων, οὐδὲ γὰρ οἱ κολάζοντεσ αὐτοὺσ τῆσ πράξεωσ, ἀλλὰ τῆσ βουλήσεωσ τὴν δίκην ἔλαβον. μεθ’ ἡμέραν δὲ τῶν περὶ Βροῦτον κατελθόντων καὶ ποιησαμένων λόγουσ, ὁ μὲν δῆμοσ οὔτε δυσχεραίνων οὔτε ὡσ ἐπαινῶν τὰ πεπραγμένα τοῖσ λεγομένοισ προσεῖχεν, ἀλλ’ ὑπεδήλου τῇ πολλῇ σιωπῇ Καίσαρα μὲν οἰκτείρων, αἰδούμενοσ δὲ Βροῦτον, ἡ δὲ σύγκλητοσ ἀμνηστίασ τινὰσ καὶ συμβάσεισ πράττουσα πᾶσι Καίσαρα μὲν ὡσ θεὸν τιμᾶν ἐψηφίσατο καὶ κινεῖν μηδὲ τὸ μικρότατον ὧν ἐκεῖνοσ ἄρχων ἐβούλευσε, τοῖσ δὲ περὶ Βροῦτον ἐπαρχίασ τε διένειμε καὶ τιμὰσ ἀπέδωκε πρεπούσασ, ὥστε πάντασ οἰέσθαι τὰ πράγματα κατάστασιν ἔχειν καὶ σύγκρασιν ἀπειληφέναι τὴν ἀρίστην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 67

(플루타르코스, Caesar, chapter 67)

상위

목록

SEARCH

MENU NAVIGATION